ಯೂತ್ ವರ್ಲ್ಡ್ ರೆಕಾರ್ಡ್, ಏಷ್ಯನ್ ರೆಕಾರ್ಡ್ ಬರೆದ ಭಾರತದ ಲಿಫ್ಟರ್ ಜೆರೆಮಿ

ನಿಂಗ್ಬೋ, ಏಪ್ರಿಲ್ 21: ಚೀನಾದ ನಿಂಗ್ಬೋದಲ್ಲಿ ಭಾನುವಾರ (ಏಪ್ರಿಲ್ 21) ನಡೆದ ಏಷ್ಯನ್ ವೇಟ್ ಲಿಫ್ಟಿಂಗ್ ಚಾಂಪಿಯನ್‌ಶಿಪ್‌ನ 67 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಭಾರತದ ಪ್ರತಿಭಾನ್ವಿತ ಲಿಫ್ಟರ್ ಜೆರೆಮಿ ಲಲ್ರಿನ್ನಂಗ ಅವರು ಯೂತ್ ವರ್ಲ್ಡ್ ರೆಕಾರ್ಡ್, ನ್ಯಾಷನಲ್ ಸೀನಿಯರ್ ರೆಕಾರ್ಡ್ ನೊಂದಿಗೆ ಗ್ರೂಪ್ 'ಬಿ'ಯಲ್ಲಿ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾರೆ.

ಅಶ್ವಿನ್‌ಗೆ 'ಮಂಕಡಿಂಗ್‌' ಚಮಕ್‌ ನೀಡಿದ ಶಿಖರ್‌ ಧವನ್‌: video

ಗ್ರೂಪ್ 'ಬಿ'ಯ ಪುರುಷರ 67 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿರುವ 16ರ ಹರೆಯದ ಜೆರೆಮಿ, ಸ್ನ್ಯಾಚ್, ಕ್ಲೀನ್ ಆ್ಯಂಡ್ ಜರ್ಕ್ ನಲ್ಲಿ ಒಟ್ಟು 297 ಕೆಜಿ (134 ಕೆಜಿ+163 ಕೆಜಿ) ಭಾರ ಎತ್ತುವ ಮೂಲಕ ಯೂತ್ ವಿಶ್ವ ದಾಖಲೆ ಮತ್ತು ಏಷ್ಯನ್ ದಾಖಲೆ ನಿರ್ಮಿಸಿದ್ದಾರೆ. ಜೆರೆಮಿ ಈ ಸಾಧನೆ ರಾಷ್ಟ್ರೀಯ ಮಟ್ಟದಲ್ಲಿ ಹಿರಿಯರ ವಿಭಾಗದ ದಾಖಲೆಯಾಗಿಯೂ ಗುರುತಿಸಿಕೊಂಡಿದೆ.

News Alert ⚠ New Youth World Record

Jeremy Lalrinnunga has lifted
134 kg in Snatch
163kg in C&J

A total of 297 kg.

It's a new youth WR, Jeremy who lifted 274 in YOG 2018

He is competing in B category of senior in men 67Kg#AsianWeightliftingChampionships pic.twitter.com/HjCbYBI1Te

— IndInTokyo'2020 (@India_Olym2020) April 21, 2019

ಜೆರೆಮಿ ಈ ಸಾಧನೆ ಅವರನ್ನು ಗ್ರೂಪ್ ಬಿಭಾಗದಲ್ಲಿ ದ್ವಿತೀಯ ಸ್ಥಾನದಲ್ಲಿ ತಂದು ನಿಲ್ಲಿಸಿದೆ. ಗ್ರೂಪ್ 'ಬಿ'ಯಲ್ಲಿ ಮೊದಲ ಸ್ಥಾನದಲ್ಲಿರುವ ಪಾಕಿಸ್ತಾನದ ಲಿಫ್ಟರ್ ತಲ್ಹಾ ತಾಲಿಬ್ ಒಟ್ಟು 304 ಕೆಜಿ (140 ಕೆಜಿ+164 ಕೆಜಿ) ಸಾಧನೆ ತೋರಿದ್ದರು. ಸೋಮವಾರ (ಏಪ್ರಿಲ್ 22) ಗ್ರೂಪ್ 'ಎ' ಸ್ಪರ್ಧೆಯ ಬಳಿಕ ಪುರುಷರ 67 ಕೆಜಿ ವಿಭಾಗದ ಅಂತಿಮ ಸ್ಥಾನಗಳ ಸ್ಪಷ್ಟ ಚಿತ್ರಣ ಲಭಿಸಲಿದೆ.