ದ್ವಿಪಕ್ಷೀಯ ಪಂದ್ಯಗಳಿಗೆ ಮಾಧ್ಯಮ ಹಕ್ಕುಗಳ ಟೆಂಡರ್ ಬಿಡುಗಡೆ ಮಾಡಿದ ಬಿಸಿಸಿಐ

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಇತ್ತೀಚೆಗೆ ಭಾರತ ಕ್ರಿಕೆಟ್ ತಂಡದ ಮುಂಬರುವ ದ್ವಿಪಕ್ಷೀಯ ಪಂದ್ಯಗಳಿಗೆ ತಮ್ಮ ಮಾಧ್ಯಮ ಹಕ್ಕುಗಳ ಟೆಂಡರ್ ಬಿಡುಗಡೆ ಮಾಡಲು ಮುಂದೆ ಬಂದಿದೆ.

ಬಿಸಿಸಿಐ ಟೆಂಡರ್ ಅನ್ನು ಆರಂಭಿಸುವುದಾಗಿ ಘೋಷಿಸಿದ್ದು, ಭಾರತ ತಂಡದ ಅಂತಾರಾಷ್ಟ್ರೀಯ ಮತ್ತು ದೇಶೀಯ ಪಂದ್ಯಗಳ ಮಾಧ್ಯಮ ಹಕ್ಕುಗಳಿಗಾಗಿ ಬಿಡ್ ಮಾಡಲು ಅರ್ಜಿದಾರರನ್ನು ಆಹ್ವಾನಿಸಿದೆ.

ಇದೇ ವೇಳೆ ಟೆಂಡರ್‌ನ ವಿವರವಾದ ನಿಯಮಗಳು ಮತ್ತು ಷರತ್ತುಗಳನ್ನು ITT (ಟೆಂಡರ್‌ಗೆ ಆಹ್ವಾನ) ಯಲ್ಲಿ ಸೇರಿಸಲಾಗುವುದು ಎಂದು ಬಿಸಿಸಿಐ ಹೇಳಿದೆ. ಮರುಪಾವತಿಸಲಾಗದ ಶುಲ್ಕ 15 ಲಕ್ಷ ರೂಪಾಯಿಗೆ ಟೆಂಡರ್‌ನ ಅರ್ಜಿಗಳನ್ನು ಪಡೆಯಬಹುದು. ಆಗಸ್ಟ್ 25ರವರೆಗೆ ಆಹ್ವಾನ ಅರ್ಜಿ ಖರೀದಿಸಲು ಲಭ್ಯವಿರುತ್ತದೆ.

ಬಿಸಿಸಿಐ ಹೊರಡಿಸಿದ ಪತ್ರಿಕಾ ಪ್ರಕಟಣೆಯಲ್ಲಿ, "ITT ಬಿಡುಗಡೆಯೊಂದಿಗೆ ಪ್ರತಿಯೊಂದು ಮಾಹಿತಿಯನ್ನು ಒದಗಿಸಿದೆ. ಅದರಲ್ಲಿ ಅವರು ಭಾರತದ ದ್ವಿಪಕ್ಷೀಯ ಪಂದ್ಯಗಳ ಮಾಧ್ಯಮ ಹಕ್ಕುಗಳ ಟೆಂಡರ್‌ಗಾಗಿ ತಮ್ಮ ಬಿಡ್ ಅನ್ನು ಸಲ್ಲಿಸಲು ಬಯಸುವ ಯಾರಿಗಾದರೂ ITT ಖರೀದಿಯು ಅವಿಭಾಜ್ಯವಾಗಿದೆ," ಎಂದು ತಿಳಿಸಲಾಗಿದೆ.

"ಟೆಂಡರ್ ಪ್ರಕ್ರಿಯೆ, ಅರ್ಹತಾ ಅವಶ್ಯಕತೆಗಳು, ಬಿಡ್‌ಗಳ ಸಲ್ಲಿಕೆ, ಹಕ್ಕುಗಳು ಮತ್ತು ಕಟ್ಟುಪಾಡುಗಳು ಇತ್ಯಾದಿಗಳನ್ನು ಟೆಂಡರ್‌ಗೆ ಅರ್ಜಿ ಆಹ್ವಾನ (ITT) ನಲ್ಲಿ ವಿವರಿಸಲಾಗಿದೆ. ಅರ್ಜಿಯನ್ನು ಮರುಪಾವತಿಸಲಾಗದ 15,00,000 ರೂಪಾಯಿ ಶುಲ್ಕವನ್ನು ಪಾವತಿಸಿದ ನಂತರ ಒದಗಿಸಲಾಗುತ್ತದೆ. ಜೊತೆಗೆ ಅನ್ವಯವಾಗುವ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಒಳಗೊಂಡಿರುತ್ತದೆ," ಎಂದು ಬಿಸಿಸಿಐ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

"ಬಿಡ್ ಸಲ್ಲಿಸಲು ಬಯಸುವ ಯಾವುದೇ ಆಸಕ್ತ ಮಾಧ್ಯಮಗಳು ITT ಅರ್ಜಿಯನ್ನು ಖರೀದಿಸಬೇಕು. ಆದರೆ, ITTಯಲ್ಲಿ ವಿವರಿಸಿರುವ ಅರ್ಹತಾ ಮಾನದಂಡಗಳನ್ನು ಪೂರೈಸುವವರು ಮತ್ತು ಅದರಲ್ಲಿರುವ ಇತರ ನಿಯಮಗಳು ಮತ್ತು ಷರತ್ತುಗಳಿಗೆ ಒಳಪಟ್ಟವರು ಮಾತ್ರ ಬಿಡ್ ಮಾಡಲು ಅರ್ಹರಾಗಿರುತ್ತಾರೆ," ಎಂದು ಹೇಳಿದೆ.

ಟೆಂಡರ್ ಅರ್ಜಿ (ITT) ಅನ್ನು ಸುಲಭವಾಗಿ ಖರೀದಿಸುವುದರಿಂದ ಯಾವುದೇ ವ್ಯಕ್ತಿಗೆ ಬಿಡ್ ಮಾಡುವ ಹಕ್ಕನ್ನು ನೀಡುವುದಿಲ್ಲ ಎಂದು ಗಮನಿಸಬೇಕು. ಯಾವುದೇ ಕಾರಣವನ್ನು ನೀಡದೆ ಯಾವುದೇ ಹಂತದಲ್ಲಿ ಅಥವಾ ಯಾವುದೇ ರೀತಿಯಲ್ಲಿ ಹರಾಜು ಪ್ರಕ್ರಿಯೆಯನ್ನು ರದ್ದುಗೊಳಿಸುವ ಅಥವಾ ಮಾರ್ಪಡಿಸುವ ಹಕ್ಕನ್ನು ಬಿಸಿಸಿಐ ಕಾಯ್ದಿರಿಸಿಕೊಂಡಿದೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಡಿಸ್ನಿ ಸ್ಟಾರ್‌ನೊಂದಿಗೆ ಮಾಧ್ಯಮ ಹಕ್ಕುಗಳ ಹಿಂದಿನ ಒಪ್ಪಂದವು ಮಾರ್ಚ್ 2023ರಲ್ಲಿ ಕೊನೆಗೊಂಡಿದೆ. ಡಿಸ್ನಿ ಸ್ಟಾರ್‌ ಮಾಧ್ಯಮ ಹಕ್ಕುಗಳನ್ನು 6138.10 ಕೋಟಿ ರೂಪಾಯಿಗೆ ಪಡೆದುಕೊಂಡಿದ್ದರು. ವರದಿಗಳ ಪ್ರಕಾರ, ಎಲ್ಲ ಸ್ವರೂಪಗಳ ಪ್ರತಿ ಅಂತಾರಾಷ್ಟ್ರೀಯ ಪಂದ್ಯಕ್ಕೆ 61 ಕೋಟಿ ರೂಪಾಯಿ ಪಾವತಿಸಿದೆ. ಈ ಬಾರಿ ಟೆಂಡರ್‌ನ ಹಕ್ಕುಗಳು ಇನ್ನೂ ಏರಿಕೆಯಾಗುವ ನಿರೀಕ್ಷೆಯಿದೆ.

ಟೆಂಡರ್ ಒಪ್ಪಂದವನ್ನು ಆಗಸ್ಟ್ ಅಂತ್ಯದ ವೇಳೆಗೆ ಅಂತಿಮಗೊಳಿಸಲು ಬಿಸಿಸಿಐ ಉತ್ಸುಕವಾಗಿದೆ. ಏಕೆಂದರೆ, ಇದು ಋತುವಿನಲ್ಲಿ ಭಾರತದ ಮೊದಲ ದ್ವಿಪಕ್ಷೀಯ ಸರಣಿಗೆ ತಯಾರಿ ನಡೆಸಲು ಸಾಕಷ್ಟು ಸಮಯವನ್ನು ನೀಡುತ್ತದೆ.