Paris Olympics 2024: ಭಾರತ ಆರ್ಚರಿ ತಂಡದ ಅಭಿಯಾನ ಶುರು; ಸ್ಪರ್ಧೆ ಎಷ್ಟು ಗಂಟೆಗೆ, ಯಾವ ಚಾನೆಲ್‌ನಲ್ಲಿ ನೇರಪ್ರಸಾರ?

ಜುಲೈ 25 ಗುರುವಾರ, ಪ್ಯಾರಿಸ್ ಒಲಿಂಪಿಕ್ಸ್ 2024ರ ಉದ್ಘಾಟನಾ ಸಮಾರಂಭಕ್ಕೆ ಒಂದು ದಿನ ಮುಂಚಿತವಾಗಿ, ಭಾರತ ತಂಡ ಆರ್ಚರಿಯೊಂದಿಗೆ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ.

ಈ ಅರ್ಹತಾ ಸುತ್ತಿನಲ್ಲಿ ಭಾರತದ ಎಲ್ಲಾ 6 ಪುರುಷ ಮತ್ತು ಮಹಿಳಾ ಬಿಲ್ಲುಗಾರರು ಭಾಗವಹಿಸಲಿದ್ದಾರೆ. ಈ ಈವೆಂಟ್‌ನ ಸಮಯ ಮತ್ತು ಲೈವ್ ಸ್ಟ್ರೀಮಿಂಗ್ ಸೇರಿದಂತೆ ಎಲ್ಲಾ ಪ್ರಮುಖ ಮಾಹಿತಿ ಇಲ್ಲಿದೆ.

ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಭಾರತದ ಮೊದಲ ಆರ್ಚರಿ ಪದಕಕ್ಕಾಗಿ ಭಾರತದ ಹುಡುಕಾಟ ಮಹಿಳೆಯರ ವೈಯಕ್ತಿಕ ಮತ್ತು ತಂಡದ ಸ್ಪರ್ಧೆಗಳೊಂದಿಗೆ ಮಧ್ಯಾಹ್ನ 1 ಗಂಟೆಗೆ ಪ್ರಾರಂಭವಾಗುತ್ತದೆ. ಇದಾದ ಬಳಿಕ ಸಂಜೆ 5:45ಕ್ಕೆ ಪುರುಷರ ವೈಯಕ್ತಿಕ, ಪುರುಷರ ತಂಡ ಹಾಗೂ ಮಿಶ್ರ ತಂಡ ಸ್ಪರ್ಧೆಗಳು ನಡೆಯಲಿವೆ.

ಇಂದು ನಡೆಯಲಿರುವ ಈ ಅರ್ಹತಾ ಸುತ್ತು ಭಾರತ ತಂಡಕ್ಕೆ ಮಹತ್ವದ್ದಾಗಿದೆ. ನಾಕೌಟ್ ಹಂತದಲ್ಲಿ ಭಾರತ ತಂಡವು ದಕ್ಷಿಣ ಕೊರಿಯಾದಂತಹ ಬಲಿಷ್ಠ ತಂಡವನ್ನು ಎದುರಿಸಬೇಕಾಗಿದೆ.

ಭಾರತ ಆರ್ಚರಿ ತಂಡ

ಪುರುಷರು: ತರುಣದೀಪ್ ರೈ, ಧೀರಜ್ ಬೊಮ್ಮದೇವರ ಮತ್ತು ಪ್ರವೀಣ್ ಜಾಧವ್
ಮಹಿಳೆಯರು: ದೀಪಿಕಾ ಕುಮಾರಿ, ಭಜನ್ ಕೌರ್ ಮತ್ತು ಅಂಕಿತಾ ಭಕ್ತ

ಸ್ಪರ್ಧೆ ನಡೆಯುವ ಸ್ಥಳ: ಎಸ್ಪ್ಲಾನೇಡ್ ಡೆಸ್ ಇನ್ವಾಲಿಡ್ಸ್, ಪ್ಯಾರಿಸ್

ಸಮಯ: (ಭಾರತೀಯ ಕಾಲಮಾನ)

• ಮಹಿಳೆಯರ ವೈಯಕ್ತಿಕ: 1 ಗಂಟೆಗೆ

• ಮಹಿಳಾ ತಂಡ: ಮಧ್ಯಾಹ್ನ 1 ಗಂಟೆಗೆ

• ಪುರುಷರ ವೈಯಕ್ತಿಕ: ಸಂಜೆ 5:45

• ಮಿಶ್ರ ತಂಡ: ಸಂಜೆ 5:45

• ಪುರುಷರ ತಂಡ: ಸಂಜೆ 5:45

ಪ್ರಸಾರ: ಸ್ಪೋರ್ಟ್ಸ್ 18

ಲೈವ್‌ಸ್ಟ್ರೀಮ್: ಜಿಯೋ ಸಿನಿಮಾ ಆಪ್ ಮತ್ತು ವೆಬ್‌ಸೈಟ್