ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದ ಭಾರತದ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ

ಶುಕ್ರವಾರ, ಆಗಸ್ಟ್ 25ರಂದು ಬುಡಾಪೆಸ್ಟ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಪುರುಷರ ಜಾವೆಲಿನ್‌ನ ಫೈನಲ್‌ಗೆ ಅರ್ಹತೆ ಪಡೆಯಲು ಟೊಕಿಯೋ ಒಲಿಂಪಿಕ್ಸ್ ಚಾಂಪಿಯನ್ ನೀರಜ್ ಚೋಪ್ರಾಗೆ ಕೇವಲ ಒಂದು ಥ್ರೋ ಸಾಕಾಯಿತು.

ಅಲ್ಲದೆ, ಭಾರತದ ಸ್ಟಾರ್ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಅವರು ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್ ತಲುಪುವ ಮೂಲಕ 2024ರಲ್ಲಿ ಪ್ಯಾರಿಸ್‌ನಲ್ಲಿ ನಡೆಯಲಿರುವ ಒಲಿಂಪಿಕ್ಸ್‌ಗೆ ಅರ್ಹತೆ ಗಿಟ್ಟಿಸಿಕೊಂಡರು.

ಹಂಗೇರಿಯ ಬುಡಾಪೆಸ್ಟ್‌ನ ರಾಷ್ಟ್ರೀಯ ಅಥ್ಲೆಟಿಕ್ಸ್ ಸೆಂಟರ್‌ನಲ್ಲಿ ಪುರುಷರ ಜಾವೆಲಿನ್‌ನಲ್ಲಿ ಅರ್ಹತಾ ಗುಂಪಿನ ಎ ಪೂಲ್‌ನಲ್ಲಿ 17ನೇ ಸ್ಥಾನ ಪಡೆದ ನಂತರ, ಟೊಕಿಯೋ ಒಲಿಂಪಿಕ್ ಚಿನ್ನದ ಪದಕ ವಿಜೇತ ಭಾರತೀಯ ತಮ್ಮ ಮೊದಲ ಪ್ರಯತ್ನದಲ್ಲೇ ತಮ್ಮ ಋತುವಿನ ಅತ್ಯುತ್ತಮ 88.77 ಮೀಟರ್ ದೂರ ಎಸೆದರು.

ಇದು ಸ್ವಯಂಚಾಲಿತವಾಗಿ ಅರ್ಹತಾ ಮಾರ್ಕ್ 83.0 ಮೀಟರ್‌ಗಿಂತ ಅಧಿಕವಾಗಿದೆ. ನೀಲಿ ಬಣ್ಣದ ಭಾರತೀಯ ಜೆರ್ಸಿಯನ್ನು ಧರಿಸಿದ ನೀರಜ್ ಚೋಪ್ರಾ, ತನ್ನ ಬರ್ಚಿಯೊಂದಿಗೆ ಮೈದಾನಕ್ಕೆ ಬಂದರು ಮತ್ತು ಫೈನಲ್‌ನಲ್ಲಿ ಸ್ಥಾನವನ್ನು ಕಾಯ್ದಿರಿಸಲು ಹಳದಿ ಗೆರೆ ದಾಟಿಸಿದರು.

ಇದು ಸದ್ಯ ವಿಶ್ವದ ಎರಡನೇ ಅತ್ಯುತ್ತಮ ಥ್ರೋ ಆಗಿದೆ. ಟೊಕಿಯೋ ಒಲಿಂಪಿಕ್ಸ್‌ನ ಬೆಳ್ಳಿ ಪದಕ ವಿಜೇತ ಜಕುಬ್ ವಡ್ಲೆಜ್ ಶುಕ್ರವಾರವೇ ಅರ್ಹತಾ ಗುಂಪಿನ ಬಿ ಗುಂಪಿನಲ್ಲಿ ಭಾಗವಹಿಸಲಿದ್ದು, ಅವರು ಅತ್ಯುತ್ತಮ ಎಸೆತವನ್ನು 89.51 ಮೀಟರ್ ಎಸೆದಿದ್ದಾರೆ.

ನೀರಜ್ ಚೋಪ್ರಾ ಅವರು ತಮ್ಮ ಮೊದಲ ಪ್ರಯತ್ನದಲ್ಲೇ 88.77 ಮೀ ಬೃಹತ್ ಎಸೆತದೊಂದಿಗೆ 2024ರ ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದರು. ಇದೇ ವೇಳೆ ಜಾವೆಲಿನ್ ಥ್ರೋ ಸ್ಪರ್ಧೆಯ ವಿಶ್ವ ಚಾಂಪಿಯನ್‌ಶಿಪ್‌ನ ಫೈನಲ್‌ಗೆ ತಲುಪಲು ಕಾರಣವಾಯಿತು.

2024ರಲ್ಲಿ ಪ್ಯಾರಿಸ್‌ನಲ್ಲಿ ನಡೆಯಲಿರುವ ಒಲಿಂಪಿಕ್ಸ್‌ಗೆ ಅರ್ಹತಾ ಮಾರ್ಕ್ 85.50 ಮೀಟ್ರ್ಟರ್ ಆಗಿದ್ದು, ಜುಲೈ 1ರಂದು ಅರ್ಹತಾ ಅವಧಿಯು ಪ್ರಾರಂಭವಾಯಿತು.

ಗಮನಾರ್ಹವಾಗಿ, 2022ರ ಒರೆಗಾನ್‌ನಲ್ಲಿ ನಡೆದ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಯಾವುದೇ ಅಥ್ಲೆಟಿಕ್ಸ್ ವಿಭಾಗದಲ್ಲಿ ಭಾರತದ ಮೊದಲ ವಿಶ್ವ ಚಾಂಪಿಯನ್ ಆಗಲು ಆಕಾಶ್ ಚೋಪ್ರಾ ದುಃಖಕರವಾಗಿ ಸಮೀಪಿಸಿದ್ದರು. ಆದರೆ, ಗ್ರೆನಡಾದ ಆಂಡರ್ಸನ್ ಪೀಟರ್ಸ್ ನಂತರ ಎರಡನೇ ಸ್ಥಾನ ಗಳಿಸಿದ ನಂತರ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು.

ಆದಾಗ್ಯೂ, ಇದು ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಮೊದಲ ಬೆಳ್ಳಿ ಪದಕ ಮತ್ತು 2003ರಲ್ಲಿ ಪ್ಯಾರಿಸ್‌ನಲ್ಲಿ ನಡೆದ ಲಾಂಗ್ ಜಂಪ್‌ನಲ್ಲಿ ಅಂಜು ಬಾಬಿ ಜಾರ್ಜ್ ಅವರ ಕಂಚಿನ ಪದಕದ ನಂತರ ಜಾಗತಿಕ ಕ್ರೀಡಾಕೂಟದಲ್ಲಿ ದೇಶಕ್ಕೆ ಎರಡನೇ ಪದಕವಾಗಿತ್ತು.

ಇಂದಿನ 88.77 ಮೀ ಜಾವೆಲಿನ್ ಎಸೆತದ ನಂತರ, ನೀರಜ್ ಚೋಪ್ರಾ ಈ ಋತುವಿನ ಪುರುಷರ ಜಾವೆಲಿನ್ ವಿಶ್ವ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನಕ್ಕೆ ಏರಿದರು. ನೀರಜ್ ಚೋಪ್ರಾ ಅವರು ಟೊಕಿಯೋ ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ ಜಾಕುಬ್ ವಡ್ಲೆಜ್ (89.51 ಮೀ) ಅವರನ್ನು ಹಿಂದಿಕ್ಕಿದರು.

ಈ ವರ್ಷ ಯಾರೂ 90 ಮೀ ತಡೆಗೋಡೆಯನ್ನು ಮುರಿದಿಲ್ಲ ಮತ್ತು ನೀರಜ್ ಚೋಪ್ರಾ ಫೈನಲ್‌ನಲ್ಲಿ ಈ ಸಾಧನೆ ಮಾಡಲು ಎದುರು ನೋಡುತ್ತಿದ್ದಾರೆ.