ಏಷ್ಯನ್ ಸ್ನೂಕರ್: ಪಾಕಿಸ್ತಾನವನ್ನು ಮಣಿಸಿ ಪ್ರಶಸ್ತಿ ಮುಡಿಗೇರಿಸಿಕೊಂಡ ಭಾರತ

ಕಿರ್ಗಿಸ್ತಾನ್, ಜುಲೈ 06 : ಸ್ನೂಕರ್ ಚಾಂಪಿಯನ್ ಷಿಪ್ ನಲ್ಲಿ ಪಂಕಜ್ ಅಡ್ವಾಣಿ ನಾಯಕತ್ವದ ಭಾರತ 'ಎ' ಏಷ್ಯನ್ ಸ್ನೂಕರ್ ತಂಡ ಬುಧವಾರ ಪ್ರಶಸ್ತಿ ಎತ್ತಿಹಿಡಿದಿದೆ.

ಬೆಸ್ಟ್ ಆಫ್ ಫೈ ಫೈನಲ್ ಪಂದ್ಯದಲ್ಲಿ ಅಡ್ವಾಣಿ 83 ಅಂಕಗಳನ್ನು ಸಂಪಾದಿಸುವ ಮೂಲಕ ಭಾರತ ತಂಡ 3-0ರಲ್ಲಿ ಪಾಕಿಸ್ತಾನವನ್ನು ಮಣಿಸಿತು.

ಮೊಹಮ್ಮದ್ ಬಿಲಾಲ್ ವಿರುದ್ಧದ ಮೊದಲ ಪಂದ್ಯವನ್ನು ಪಂಕಜ್ ಗೆದ್ದು ಕೊಂಡರು. ಭರವಸೆಯ ಆಟಗಾರ ಲಕ್ಷ್ಮಣ್‌ ರಾವುತ್ ಪಾಕಿಸ್ತಾನದ ಬಾಬರ್‌ ಮಸಿಹ್ ಅವರನ್ನು ಮಣಿಸುವ ಮೂಲಕ 2-0ಯ ಮುನ್ನಡೆಗೆ ಕಾರಣರಾದರು.

ಎದುರಾಳಿ ಆಟಗಾರ ಖಾತೆ ತೆರೆಯದೇ ಸೋಲು ಒಪ್ಪಿಕೊಂಡರು. ಸಿಂಗಲ್ಸ್ ವಿಭಾಗದ ಹಿನ್ನಡೆಯ ಬಳಿಕ ಡಬಲ್ಸ್ ವಿಭಾಗದಲ್ಲಿ ಆಡಿದ ಪಾಕಿಸ್ತಾನದ ಆಟಗಾರರು ಒತ್ತಡಕ್ಕೆ ಒಳಗಾದರು.