ರಿಯೋ, ಮೇ 23: ಫುಟ್ಬಾಲ್ ವಿಶ್ವಕಪ್ ಇರಲಿ, ಒಲಿಂಪಿಕ್ಸ್ ಇರಲಿ ಕ್ರೀಡಾಪಟುಗಳ ದಾಹ ತಣಿಸಲು ಆಯೋಜಕರು ಎಲ್ಲಾ ರೀತಿಯಿಂದ ಸಜ್ಜಾಗಿರುತ್ತದೆ. ಸುರಕ್ಷಿತ ಲೈಂಗಿಕತೆಗೆ ಪ್ರಚಾರದ ಜೊತೆಗೆ ಕಾಂಡೋಮ್ ವಿತರಣೆ ಹೊಣೆ ಒಲಿಂಪಿಕ್ಸ್ ಸಮಿತಿ ಮೇಲೆ ಬಿದ್ದಿದೆ. ಈ ಬಾರಿಯ ರಿಯೋ ಒಲಿಂಪಿಕ್ಸ್ ನಲ್ಲಿ ಪಾಲ್ಗೊಳ್ಳಲಿರುವ 10, 500ಕ್ಕೂ ಅಧಿಕ ಕ್ರೀಡಾಳುಗಳಿಗಾಗಿ 4,50,000 ಕಾಂಡೋಮ್ ವಿತರಿಸಲು ಮುಂದಾಗಿದೆ.[ಕಾಂಡೋಮ್ ನೊಳಗೆ ಬಂಧಿಯಾದ ವಿಶ್ವಕಪ್]
ಮಹಿಳೆಯರಿಗಾಗಿ 1 ಲಕ್ಷ ವಿಶೇಷ ಕಾಂಡೋಮ್ಸ್ ಹಾಗೂ ಪುರುಷರಿಗಾಗಿ 3,50,000 ಕಾಂಡೋಮ್ಸ್ ಸರಬರಾಜಾಗಲಿವೆ. ಅದೇ ರೀತಿ ಸ್ಪರ್ಧೆಯಲ್ಲಿ ಭಾಗವಹಿಸುವ ಸ್ಪರ್ಧಾಳುಗಳಿಗೆ ಸುರಕ್ಷಿತ ಲೈಂಗಿಕತೆಗಾಗಿ ಹತ್ತು ಸಾವಿರಕ್ಕೂ ಅಧಿಕ ಕಾಂಡೋಮ್ಸ್ ನೀಡಲಾಗುತ್ತಿದೆ.[ರಷ್ಯಾದಲ್ಲಿ ವಿದೇಶಿ ಕಾಂಡೋಮ್ ಗೆ ನಿಷೇಧ]
ಝಿಕಾ ವೈರಸ್ ಭೀತಿ: ಒಲಿಂಪಿಕ್ಸ್ ಆಯೋಜನೆಗೆ ಕುತ್ತುಂಟು ಮಾಡಿದ್ದ ಝಿಕಾ ವೈರಸ್ ಭೀತಿ ಎದುರಾಗಿರುವುದರಿಂದ ಸುರಕ್ಷಿತ ಲೈಂಗಿಕತೆಗೆ ಹೆಚ್ಚಿನ ಒತ್ತು ನೀಡಲಾಗಿದೆ. ಸೊಳ್ಳೆ ನಿಯಂತ್ರಣಕ್ಕೆ ಒಲಿಂಪಿಕ್ಸ್ ಗ್ರಾಮದಲ್ಲಿ ಹೆಚ್ಚಿನ ಮಹತ್ವ ನೀಡಲಾಗಿದೆ. ಜುಲೈ 24 ರಿಂದ ಅಗಸ್ಟ್ 5 ರವರೆಗೆ ರಿಯೋ ಡಿ ಜನೈರೋದಲ್ಲಿ ನಡೆಯಲಿರುವ ಕ್ರೀಡಾಕೂಟಕ್ಕೆ ಸಕಲ ಸಿದ್ಧತೆಗಳು ನಡೆದಿರುವುದಾಗಿ ಸಮಿತಿ ತಿಳಿಸಿದೆ.