'ನನ್ನ ಬಾಲ್ಯದ ಹೀರೋ ಇಂದು ನನ್ನ ಸಿನಿಮಾ ನೋಡಿದರು'; ಸ್ಯಾಮ್ ಬಹದ್ದೂರ್ ವೀಕ್ಷಿಸಿದ ಸಚಿನ್!

ಭಾರತದ ಲೆಜೆಂಡರಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರು ಶನಿವಾರ, ಡಿಸೆಂಬರ್ 2ರಂದು ಬಾಲಿವುಡ್ ನಟ ವಿಕ್ಕಿ ಕೌಶಲ್ ಅವರ ಹೊಸ ಸಿನಿಮಾ "ಸ್ಯಾಮ್ ಬಹದ್ದೂರ್' ವಿಶೇಷ ಪ್ರದರ್ಶನವನ್ನು ವೀಕ್ಷಿಸಿದರು.

ಇದು 1971ರಲ್ಲಿ ಪಾಕಿಸ್ತಾನ ವಿರುದ್ಧದ ಯುದ್ಧದ ಸಮಯದಲ್ಲಿ ಭಾರತೀಯ ಸೇನೆಯನ್ನು ಮುನ್ನಡೆಸಿದ್ದ ಭಾರತದ ಮೊದಲ ಫೀಲ್ಡ್ ಮಾರ್ಷಲ್ ಸ್ಯಾಮ್ ಮಾಣೆಕ್ಷಾ ಅವರ ಜೀವನಾಧಾರಿತ ಜೀವನಚರಿತ್ರೆಯಾಗಿದೆ. ಸ್ಯಾಮ್ ಬಹದ್ದೂರ್ ಡಿಸೆಂಬರ್ 1ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.

ಭಾರತದ ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರು ತಮ್ಮ ಪತ್ನಿ ಅಂಜಲಿ ತೆಂಡೂಲ್ಕರ್ ಅವರೊಂದಿಗೆ ಮುಂಬೈನಲ್ಲಿ ಶನಿವಾರ ರಾತ್ರಿ ಸಿನಿಮಾದ ವಿಶೇಷ ಪ್ರದರ್ಶನದಲ್ಲಿ ಭಾಗವಹಿಸಿದ್ದರು.

ಪ್ರದರ್ಶನದ ನಂತರ ಸಚಿನ್ ತೆಂಡೂಲ್ಕರ್ ಜೊತೆಗಿನ ಚಿತ್ರವನ್ನು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿರುವ ವಿಕ್ಕಿ ಕೌಶಲ್, ವಿಕ್ಕಿ ಕೌಶಲ್ ಹೀಗೆ ಶೀರ್ಷಿಕೆ ನೀಡಿದ್ದಾರೆ, "ನನ್ನ ಬಾಲ್ಯದ ಹೀರೋ ಇಂದು ನನ್ನ ಸಿನಿಮಾವನ್ನು ನೋಡಿದ್ದಾರೆ! #IAmOk ಸರ್ ನಿಮ್ಮ ಈ ರೀತಿಯ ಮಾತುಗಳಿಗೆ ಧನ್ಯವಾದಗಳು... ನಾನು ಅವರನ್ನು ಜೀವಮಾನವಿಡೀ ಅನುಸರಿಸುತ್ತೇನೆ," ಎಂದರು.

"ಇದು ತುಂಬಾ ಒಳ್ಳೆಯ ಚಿತ್ರ. ಅದರಲ್ಲಿ ವಿಕ್ಕಿ ಕೌಶಲ್ ಅವರ ನಟನೆಯಿಂದ ನಾನು ಪ್ರಭಾವಿತನಾಗಿದ್ದೆ. ಇದು ನಿಜವಾಗಿಯೂ ಫೀಲ್ಡ್ ಮಾರ್ಷಲ್ ಸ್ಯಾಮ್ ಮಾಣೆಕ್ಷಾ ಇದ್ದಂತೆ ಭಾಸವಾಯಿತು. ಅವರ ದೇಹ ಭಾಷೆ (ಬಾಡಿ ಲಾಂಗ್ವೇಜ್) ಅದ್ಭುತವಾಗಿತ್ತು. ನಮ್ಮ ದೇಶದ ಇತಿಹಾಸವನ್ನು ತಿಳಿದುಕೊಳ್ಳಲು ಎಲ್ಲಾ ತಲೆಮಾರುಗಳು ನೋಡಬೇಕಾದ ಪ್ರಮುಖ ಚಲನಚಿತ್ರವಾಗಿದೆ," ಎಂದು ಸಚಿನ್ ತೆಂಡೂಲ್ಕರ್ ತಿಳಿಸಿದ್ದಾರೆ.

ಏಕದಿನ ಶತಕಗಳ ದಾಖಲೆ ಮುರಿದ ವಿರಾಟ್ ಕೊಹ್ಲಿ ಶ್ಲಾಘಿಸಿದ ಸಚಿನ್ ತೆಂಡೂಲ್ಕರ್

ಇತ್ತೀಚೆಗೆ ಮುಕ್ತಾಯಗೊಂಡ 2023ರ ಐಸಿಸಿ ಏಕದಿನ ವಿಶ್ವಕಪ್‌ನಲ್ಲಿ ವಿರಾಟ್ ಕೊಹ್ಲಿ ಅವರು ಏಕದಿನ ಕ್ರಿಕೆಟ್‌ನಲ್ಲಿ 50 ಶತಕಗಳನ್ನು ಗಳಿಸಿದ ಮೊದಲ ಆಟಗಾರ ಎಂಬ ಇತಿಹಾಸವನ್ನು ನಿರ್ಮಿಸಿದರು. ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಹಿಂದಿನ 49 ಶತಕಗಳ ದಾಖಲೆಯನ್ನು ಮುರಿದರು.

ತಮ್ಮ ದಾಖಲೆಯನ್ನು ಮುರಿದ ಮತ್ತು ತಮ್ಮ ವೃತ್ತಿಜೀವನದಲ್ಲಿ ಹೊಸ ಶಿಖರಗಳನ್ನು ತಲುಪಿದ ವಿರಾಟ್ ಕೊಹ್ಲಿಯನ್ನು ಸಚಿನ್ ತೆಂಡೂಲ್ಕರ್ ಶ್ಲಾಘಿಸಿದರು. ಈ ದಾಖಲೆಯನ್ನು ಮುರಿದಿರುವುದು ಭಾರತೀಯನಾಗಿರುವುದಕ್ಕೆ ಸಚಿನ್ ತೆಂಡೂಲ್ಕರ್ಸಂತೋಷಪಟ್ಟರು.

"ವಿರಾಟ್ ಕೊಹ್ಲಿ ಶತಕಗಳ ದಾಖಲೆ ಮುರಿದಿರುವುದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ಅವರ ಪ್ರಯಾಣವು ನಿಲ್ಲುವುದಿಲ್ಲ ಎಂದು ನನಗೆ ಖಾತ್ರಿಯಿದೆ. ಅವನಲ್ಲಿ ಬಹಳಷ್ಟು ಕ್ರಿಕೆಟ್ ಉಳಿದಿದೆ, ಅವನಲ್ಲಿ ಬಹಳಷ್ಟು ರನ್‌ಗಳು ಉಳಿದಿವೆ. ದೇಶಕ್ಕಾಗಿ ಬಹಳಷ್ಟು ಹಸಿವು ಮತ್ತು ಇನ್ನಷ್ಟು ಸಾಧಿಸುವ ಬಯಕೆ ಇದೆ," ಎಂದರು.

ಈ ದಾಖಲೆಯು ಭಾರತದೊಂದಿಗೆ ಮುಂದುವರಿಯುತ್ತಿರುವುದಕ್ಕೆ ನನಗೆ ಸಂತೋಷವಾಗಿದೆ. ಈ ದಾಖಲೆಯು ಭಾರತಕ್ಕೆ ಸೇರಿದ್ದು ಮತ್ತು ಅದು ಭಾರತದಲ್ಲೇ ಉಳಿದಿದೆ ಎಂದು ನಾನು ಯಾವಾಗಲೂ ಹೇಳುತ್ತಿದ್ದೆ ಎಂದು ಸಚಿನ್ ತೆಂಡೂಲ್ಕರ್ ತಿಳಿಸಿದರು.