ವಿಶ್ವಕಪ್ : ಗ್ರೀಕರಿಗೆ ಒಲಿದ ಅದೃಷ್ಟ 16ರ ಹಂತಕ್ಕೆ!

ಬೋನಿ ಆಘಾತ ನೀಡಿದರು

32 ನಿಮಿಷದ ತನಕ ಮುನ್ನಡೆ ಕಾಯ್ದುಕೊಂಡ ಗ್ರೀಕ್‌ಗೆ 74ನೆ ನಿಮಿಷದಲ್ಲಿ ಬೋನಿ ಆಘಾತ ನೀಡಿದರು. ಗೆರ್ವಿನೊ ನೀಡಿದ ಅವಕಾಶವನ್ನು ಮಿಸ್ ಮಾಡಿಕೊಳ್ಳದ ವಿಲ್‌ಫ್ರೆಡ್ ಬೋನಿ ಚೆಂಡನ್ನು ಗೋಲ್ ಪೆಟ್ಟಿಗೆಯ ಮಧ್ಯಕ್ಕೆ ತಳ್ಳಿ 1-1 ಸಮಬಲ ಸಾಧಿಸಿದರು.

ಆಕ್ರಮಕಾರಿ ಆಟಕ್ಕೆ ಒತ್ತು ನೀಡಿದರು

ಆಟದ 90 ನಿಮಿಷ ಕೊನೆಗೊಂಡಾಗ ಪಂದ್ಯ ಡ್ರಾದತ್ತ ಮುಖ ಮಾಡಿತು. ಐದು ನಿಮಿಷಗಳ ಇಂಜುರಿ ಸಮಯದಲ್ಲಿ ಗೆಲುವಿಗೆ ಎರಡೂ ತಂಡಗಳೂ ಗೋಲ್ ಗಳಿಸಬೇಕಾದ ಒತ್ತಡಕ್ಕೆ ಸಿಲುಕಿತ್ತು. 93ನೆ ನಿಮಿಷದಲ್ಲಿ ಪೆನಾಲ್ಟಿ ಏರಿಯಾದಲ್ಲಿ ಐವರಿ ಕೋಸ್ಟ್‌ನ ಗಿಯೊವಾನಿ ಸಿಯೊ ತಪ್ಪು ಮಾಡಿ ಎಡವಟ್ಟು ಮಾಡಿಕೊಂಡರು. ಇದಕ್ಕಾಗಿ ಗ್ರೀಕ್‌ಗೆ ಪೆನಾಲ್ಟಿ ಅವಕಾಶ ದೊರೆಯಿತು. ಜಾರ್ಜಿಯಸ್ ಸಾಮರಾಸ್ ಚೆಂಡನ್ನು ಗೋಲ್ ಬಾಕ್ಸ್‌ಗೆ ತಲುಪಿಸಿ ಗ್ರೀಕ್‌ಗೆ 2-1 ಮುನ್ನಡೆ ಸಾಧಿಸಲು ನೆರವಾದರು.

ಗ್ರೀಕ್ ಗೆಲುವಿನ ನಗೆ ಬೀರಿತು

ಅಂತಿಮ ನಿಮಿಷದಲ್ಲಿ ಕೊಲೊ ಟೌರೆ ಮತ್ತು ಯಾಯ್ಯ ಟೌರೆ ಗೋಲ್ ಗಳಿಸುವ ಪಯತ್ನ ನಡೆಸಿದರೂ ಅವರ ಪ್ರಯತ್ನ ಫಲ ನೀಡಲಿಲ್ಲ. ಗ್ರೀಕ್ ಗೆಲುವಿನ ನಗೆ ಬೀರಿತು.

ಪಂದ್ಯದ ಅಂಕಿ ಅಂಶ ಎಲ್ಲಾ ಹೇಳುತ್ತದೆ

ಗ್ರೀಸ್ vs ಐವರಿ ಕೋಸ್ಟ್
4 ಶಾಟ್ ಆನ್ ಟಾರ್ಗೆಟ್ 3
45% ಚೆಂಡಿನ ನಿಯಂತ್ರಣ 55%
4 ಕಾರ್ನರ್ಸ್ 7
13 ಫೌಲ್ 23
1 ಆಫ್ ಸೈಡ್ 1
3 ಬದಲಿ ಆಟಗಾರರು 3

ಗೆಲುವಿನ ಆ ಕ್ಷಣ ರೋಮಾಂಚನ

ಗೆಲುವಿನ ಆ ಕ್ಷಣ ರೋಮಾಂಚನ ಗ್ರೀಸ್ ಆಟಗಾರರು ಈ ಗೆಲುವಿನೊಂದಿಗೆ ಸಿ ಗುಂಪಿನ ಎರಡನೇ ತಂಡವಾಗಿ ನಾಕೌಟ್ ಹಂತ ತಲುಪಿದ್ದಾರೆ. ಸಿ ಗುಂಪಿನಲ್ಲಿ ಮೂರು ಪಂದ್ಯ ಗೆದ್ದಿರುವ ಕೊಲಂಬಿಯಾ ಅಗ್ರಸ್ಥಾನಿಯಾಗಿ ಮುಂದಿನ ಹಂತಕ್ಕೇರಿದೆ.

ಮುಂದಿನ ಹಂತದಲ್ಲಿ ಕೋಸ್ಟರಿಕಾ ತಂಡದ ವಿರುದ್ಧ ಗ್ರೀಸ್ ಸೆಣಸಲಿದ್ದರೆ, ಕೊಲಂಬಿಯಾ ತಂಡ ಉರುಗ್ವೆ ವಿರುದ್ಧ ಆಡಲಿದೆ.