ಜರ್ಮನ್ನರ ಮುಂದೆ 'ಬೆತ್ತಲೆ'ಯಾದ ಬ್ರೆಜಿಲ್

ಮೊದಲಾರ್ಧದಲ್ಲಿ ಜರ್ಮನಿ 5 ಗೋಲುಗಳು

* 11ನೇ ನಿಮಿಷದಲ್ಲಿ ಟೋನಿ ಕ್ರೂಸ್ ನೆರವಿನಿಂದ ಥಾಮಸ್ ಮುಲ್ಲರ್
* 23ನೇ ನಿಮಿಷದಲ್ಲಿ ಮಿರಾಸ್ಲವ್ ಕ್ಲೋಸ್
* 24ನೇ ನಿಮಿಷದಲ್ಲಿ ನಾಯಕ ಫಿಲಿಫೆ ಲಾಮ್ ನೆರವಿನಿಂದ ಟೋನಿ ಕ್ರೂಸ್
* 26ನೇ ನಿಮಿಷದಲ್ಲಿ ಸಮಿ ಖದೀರ ನೆರವಿನಿಂದ ಟೋನಿ ಕ್ರೂಸ್
* 29ನೇ ನಿಮಿಷದಲ್ಲಿ ಮೆಸುಟ್ ಓಜಿಲ್ ನೆರವಿನಿಂದ ಸಮಿ ಖದೀರ

ಅತಿಹೆಚ್ಚು ಗೋಲ್​ ಹೊಡೆದ ಮೊದಲ ಆಟಗಾರ

ಅತಿಥೇಯ ಬ್ರೆಜಿಲ್ ವಿರುದ್ಧ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಬ್ರೆಜಿಲ್ ತಂಡವನ್ನು ಹಿಗ್ಗಾಮುಗ್ಗಾ ಸೋಲಿಸುವಲ್ಲಿ ಕ್ಲೋಸ್ ಪ್ರಮುಖ ಪಾತ್ರ ವಹಿಸಿದರು. ಪಂದ್ಯದ 23ನೇ ನಿಮಿಷದಲ್ಲಿ ಹೊಡೆದ ಗೋಲಿನ ಮೂಲಕ ವಿಶ್ವಕಪ್ ನಲ್ಲಿ ಒಟ್ಟು 16 ಗೋಲ್​ ಹೊಡೆಯುವ ಮೂಲಕ ಅತಿಹೆಚ್ಚು ಗೋಲ್​ ಹೊಡೆದ ಮೊದಲ ಆಟಗಾರನೆಂಬ ದಾಖಲೆ ಬರೆದರು. [ವಿವರ ಇಲ್ಲಿ ಓದಿ]

ಪಂದ್ಯದ ಕೊನೆಗೆ ಆಸ್ಕರ್ ಗೋಲು

ಪಂದ್ಯದ ಮೊದಲಾರ್ಧದಲ್ಲೇ ಜರ್ಮನಿ 5-0ಯಿಂದ ಮುನ್ನಡೆ ಗಳಿಸಿದರೂ ಹಸಿವು ಇಂಗಿರಲಿಲ್ಲ. ಪಂದ್ಯದ ಕೊನೆಗೆ 7 ಗೋಲು ಹೊಡೆಸಿಕೊಂಡ ಬ್ರೆಜಿಲ್ ಗೆ ಸಾಮಾಧಾನಕರವಾಗಿ ಆಸ್ಕರ್ 1 ಗೋಲು ಬಾರಿಸಿದ್ದು ಅಭಿಮಾನಿಗಳ ಕಣ್ಣೀರು ತಪ್ಪಿಸಲಾಗಲಿಲ್ಲ.

ಆಸ್ಕರ್ ಪಂದ್ಯದ 90ನೇ ನಿಮಿಷದಲ್ಲಿ ಮಾರ್ಸೆಲೊ ನೆರವಿನಿಂದ ಅದ್ಭುತ ಗೋಲು ಗಳಿಸಿದರು.

ದ್ವಿತೀಯಾರ್ಧದಲ್ಲಿ ಶುರೆಲ್ ಆಕ್ರಮಣ

ದ್ವಿತೀಯಾರ್ಧದಲ್ಲಿ ಜರ್ಮನಿಯ ಶುರೆಲ್ ಆಕ್ರಮಣ ನಡೆಸಿ ಪಂದ್ಯದ 69 ಹಾಗೂ 79ನೇ ನಿಮಿಷದಲ್ಲಿ ಮತ್ತೆರಡು ಗೋಲು ಚೆಚ್ಚಿದರು.

ನೇಮಾರ್ ಗಾಗಿ ಪಂದ್ಯ ಗೆಲ್ಲುವ ಮಾತಾಡಿದ್ದರು

ಗಾಯಗೊಂಡು ವಿಶ್ವಕಪ್ ನಿಂದ ಹೊರ ಬಿದ್ದಿರುವ ನೇಮಾರ್ ಗಾಗಿ ಪಂದ್ಯ ಗೆಲ್ಲುವ ಮಾತಾಡಿದ್ದ ಬ್ರೆಜಿಲ್ ಆಟಗಾರರು ಪಂದ್ಯದ ಆರಂಭಕ್ಕೂ ಮುನ್ನ ನೇಮಾರ್ ಜರ್ಸಿ 10 ಹಿಡಿದು ಕೊಂಡು ತೆಗೆಸಿಕೊಂಡ ಫೋಟೋ. ಮೈದಾನದಲ್ಲಿದ್ದ ಬ್ರೆಜಿಲ್ ಅಭಿಮಾನಿಗಳು ಕೂಡಾ ನೇಮಾರ್ ಕ್ಯಾಪ್, ಜರ್ಸಿ ಧರಿಸಿ ನೇಮಾರ್ ನನ್ನು ಸ್ಮರಿಸಿಕೊಂಡರು.

ಜರ್ಮನಿ ತಂಡದ ವಿಜಯೋತ್ಸವ

ಬ್ರೆಜಿಲ್ 94 ವರ್ಷಗಳ ಹಿಂದೆ ಉರುಗ್ವೆ ವಿರುದ್ಧ 0-6 ಅಂತರದಲ್ಲಿ ಸೋತಿತ್ತು. ಜರ್ಮನಿ ವಿಶ್ವಕಪ್ ನಲ್ಲಿ ಈ ಹಿಂದೆ ಸೌದಿ ಅರೇಬಿಯಾ ತಂಡವನ್ನು 8-0 ಅಂತರದಿಂದ ಸೋಲಿಸಿತ್ತು.