World Cup 2023: ಹೈದರಾಬಾದ್‌ನ ಪ್ರಸಿದ್ಧ ಹೋಟೆಲ್‌ನಲ್ಲಿ ಭರ್ಜರಿ ಭೋಜನ ಸವಿದ ಪಾಕಿಸ್ತಾನ ತಂಡ; ಮೆನು ಹೇಗಿದೆ?

ಮುಂಬರುವ 2023ರ ಐಸಿಸಿ ಏಕದಿನ ವಿಶ್ವಕಪ್‌ ಪಂದ್ಯಾವಳಿಗಾಗಿ ಭಾರತದ ಪ್ರವಾಸದಲ್ಲಿರುವ ಪಾಕಿಸ್ತಾನ ಕ್ರಿಕೆಟ್ ತಂಡವು ತಮ್ಮ ಕಠಿಣ ಅಭ್ಯಾಸ ವೇಳಾಪಟ್ಟಿಯಿಂದ ವಿರಾಮ ಪಡೆದು ಹೈದರಾಬಾದ್‌ನ ಪ್ರಸಿದ್ಧ ರೆಸ್ಟೋರೆಂಟ್ 'ಜ್ಯುವೆಲ್ ಆಫ್ ನಿಜಾಮ್'ನಲ್ಲಿ ಭರ್ಜರಿ ಭೋಜನ ಸವಿದರು.

ಇದೇ ವೇಳೆ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಉತ್ಸಾಹವನ್ನು ಹೆಚ್ಚಿಸಲು ಪಾಕಿಸ್ತಾನ ತಂಡದ ಆಟಗಾರರು ಭಾರತೀಯ ಅಭಿಮಾನಿಗಳೊಂದಿಗೆ ಮಾತುಕತೆಯಲ್ಲಿ ತೊಡಗಿಸಿಕೊಂಡರು, ಫೋಟೋ ಕ್ಲಿಕ್ಕಿಸಿದರು ಮತ್ತು ಹಸ್ತಾಕ್ಷರ ನೀಡಿರುವುದು ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ವೈರಲ್ ಆಗಿದೆ.

ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ (ಪಿಸಿಬಿ) ಅಧಿಕೃತ ಎಕ್ಸ್ (ಟ್ವಿಟ್ಟರ್) ಖಾತೆಯಲ್ಲಿ ಪೋಸ್ಟ್ ಮಾಡಲಾದ ವಿಡಿಯೋದಲ್ಲಿ ಹೈದರಾಬಾದ್ ನಗರದಲ್ಲಿ ಬಿಗಿ ಭದ್ರತೆಯ ನಡುವೆ ಬಾಬರ್ ಅಜಂ, ಶಾಹೀನ್ ಅಫ್ರಿದಿ ಮತ್ತು ಇತರ ಆಟಗಾರರು ಸೇರಿದಂತೆ ಪಾಕಿಸ್ತಾನ ಕ್ರಿಕೆಟಿಗರನ್ನು ತೋರಿಸಲಾಗಿದೆ.

ಹೈದರಾಬಾದ್‌ನ ಪ್ರಸಿದ್ಧ ರೆಸ್ಟೋರೆಂಟ್ 'ಜ್ಯುವೆಲ್ ಆಫ್ ನಿಜಾಮ್‌'ನಲ್ಲಿ ಪ್ರದರ್ಶಿಸಲಾದ ಹೈದರಾಬಾದ್‌ನ 7ನೇ ನಿಜಾಮ ಮೀರ್ ಉಸ್ಮಾನ್ ಅಲಿ ಖಾನ್ ಅವರ ವರ್ಣಚಿತ್ರಕ್ಕಾಗಿ ಪಾಕಿಸ್ತಾನ ತಂಡದ ಮೆಚ್ಚುಗೆಯನ್ನು ಗಳಿಸಿದೆ.

ಕಣ್ಮನ ಸೆಳೆಯುವ ಈ ಚಿತ್ರಕಲೆಯು ಹೈದರಾಬಾದ್ ರಾಜಪ್ರಭುತ್ವದ ಕೊನೆಯ ನಿಜಾಮ ಮೀರ್ ಒಸ್ಮಾನ್ ಅಲಿ ಖಾನ್ ಅವರ ಜೀವನ ಮತ್ತು ಕಾಲದೊಂದಿಗೆ ಕಥೆ ಹೇಳುತ್ತದೆ.

ಜ್ಯುವೆಲ್ ಆಫ್ ನಿಜಾಮ್ ಹೈದರಾಬಾದ್‌ ನಗರದಲ್ಲಿರುವ ಗೋಲ್ಕೊಂಡಾದ ಉತ್ತಮ ಭೋಜನದ ರೆಸ್ಟೋರೆಂಟ್ ಆಗಿದೆ. 700 ವರ್ಷಗಳಿಗೂ ಹೆಚ್ಚು ಕಾಲ ಈ ಪ್ರದೇಶವನ್ನು ಆಳಿದ ರಾಜವಂಶವಾದ ಹೈದರಾಬಾದ್‌ನ ನಿಜಾಮರ ಹೆಸರನ್ನು ಈ ರೆಸ್ಟೋರೆಂಟ್‌ಗೆ ಇಡಲಾಗಿದೆ.

ಈ ಐತಿಹಾಸಿಕ ರೆಸ್ಟೋರೆಂಟ್ ತನ್ನ ಹೈದರಾಬಾದಿ ಪಾಕಪದ್ಧತಿ ಮತ್ತು ಅದರ ಸೊಗಸಾದ ವಾತಾವರಣಕ್ಕೆ ಪ್ರಸಿದ್ಧಿಯಾಗಿದೆ. ಮೆನುವಿನಲ್ಲಿ ಎಲ್ಲ ಬಗೆಯ ಬಿರಿಯಾನಿ, ಕಬಾಬ್, ಕರ್ರಿ ಮತ್ತು ಸಿಹಿತಿಂಡಿಗಳು ಸೇರಿದಂತೆ ವಿವಿಧ ಭಕ್ಷ್ಯಗಳನ್ನು ಒಳಗೊಂಡಿದೆ. ರೆಸ್ಟೋರೆಂಟ್‌ನಲ್ಲಿ ವೈನ್ ಮತ್ತು ಕಾಕ್‌ಟೈಲ್‌ಗಳ ಆಯ್ಕೆಯನ್ನು ಸಹ ಹೊಂದಿದೆ.

ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರರು ಹೈದರಾಬಾದ್‌ನ ರೆಸ್ಟೋರೆಂಟ್‌ನಲ್ಲಿ ರುಚಿಕರವಾದ ಭೋಜನ ಸವಿದ ನಂತರ, ತಮ್ಮ ತಂಡದ ಅಭಿಮಾನಿಗಳೊಂದಿಗೆ ಸೆಲ್ಫೀಗೆ ಪೋಸ್ ನೀಡಿರುವುದು ಕಂದುಬಂದಿದೆ. ಇದು ಆಟಗಾರರು ಮತ್ತು ಅಭಿಮಾನಿಗಳ ನಡುವೆ ಉತ್ತಮ ಭೇಟಿಯಂತಿತ್ತು.

ಪಾಕಿಸ್ತಾನ ತಂಡವು ಹೈದರಾಬಾದ್‌ನಲ್ಲಿ 2023ರ ವಿಶ್ವಕಪ್‌ನ ಎರಡು ಏಕದಿನ ಪಂದ್ಯಗಳನ್ನು ಆಡಲಿದೆ. ಅಕ್ಟೋಬರ್ 6ರಂದು ನೆದರ್ಲ್ಯಾಂಡ್ಸ್ ವಿರುದ್ಧ ಅವರ ಮೊದಲ ಪಂದ್ಯವನ್ನು ನಿಗದಿಪಡಿಸಲಾಗಿದ್ದರೆ, ನಂತರ ಅಕ್ಟೋಬರ್ 10ರಂದು ಶ್ರೀಲಂಕಾ ವಿರುದ್ಧ ಪಂದ್ಯವನ್ನು ಆಡಲಿದೆ.

ಆನಂತರ, ಅಕ್ಟೋಬರ್ 14ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಭಾರತ ವಿರುದ್ಧದ ಹೈ-ವೋಲ್ಟೇಜ್ ಪಂದ್ಯವನ್ನು ಆಡಲಿದೆ.

ಕಳೆದ ಶುಕ್ರವಾರ ನ್ಯೂಜಿಲೆಂಡ್ ವಿರುದ್ಧದ ತಮ್ಮ ಮೊದಲ ವಿಶ್ವಕಪ್ ಅಭ್ಯಾಸ ಪಂದ್ಯಕ್ಕೆ 48 ಗಂಟೆಗಳ ಮೊದಲು ಪಾಕಿಸ್ತಾನ ಹೈದರಾಬಾದ್‌ಗೆ ಆಗಮಿಸಿತು. ನಂತರ ಎರಡು ಪ್ರಯಾಣಿಕ ಮೀಸಲು ಸೇರಿದಂತೆ 10 ಆಟಗಾರರು ಕಡ್ಡಾಯ ಅಭ್ಯಾಸ ಅವಧಿಗಾಗಿ ಮೈದಾನಕ್ಕಿಳಿದರು.

ಆಟದ ಮೈದಾನದಲ್ಲಿ ವಾರ್ಮ್-ಅಪ್ ಮಾಡಿದ ಬಳಿಕ, ಬಾಬರ್ ಅಜಂ ಮತ್ತು ಇಫ್ತಿಕರ್ ಅಹ್ಮದ್ ಮೊದಲ ಬ್ಯಾಚ್ ನೆಟ್‌ಗಳಲ್ಲಿ ಬ್ಯಾಟ್ ಮಾಡಿದರು.

ಇವರಿಗೆ ಶಾಹೀನ್ ಅಫ್ರಿದಿ ಮತ್ತು ಹ್ಯಾರಿಸ್ ರೌಫ್ ಭಾರೀ ವೇಗದೊಂದಿಗೆ ಬೌಲಿಂಗ್ ಮಾಡಿದರು. ಹ್ಯಾರಿಸ್ ರೌಫ್ ಸೆಪ್ಟೆಂಬರ್ 10ರಂದು ಏಷ್ಯಾ ಕಪ್‌ನಲ್ಲಿ ಭಾರತದ ವಿರುದ್ಧದ ಪಂದ್ಯದ ನಂತರ ಮೊದಲ ಬಾರಿಗೆ ಬೌಲಿಂಗ್ ಮಾಡಿದರು.