ಲಂಡನ್, ಜುಲೈ 13: ವಿಂಬಲ್ಡನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭಾರತದ ರೋಹನ್ ಬೋಪಣ್ಣ ಜೋಡಿ ಸೋಲು ಕಂಡಿದೆ.
ಗುರುವಾರ ತಡರಾತ್ರಿ ಮುಗಿದ ಪಂದ್ಯದಲ್ಲಿ ರೋಹನ್ ಬೋಪಣ್ಣ ಹಾಗೂ ಕೆನಡಾದ ಗ್ಯಾಬ್ರಿಯೆಲಾ ಡಬ್ರೊವ್ ಸ್ಕಿ ಜೋಡಿ, ಫಿನ್ಲೆಂಡ್ ನ ಹೆನ್ರಿ ಕೊಂಟಾನನ್ ಹಾಗೂ ಬ್ರಿಟನ್ ನ ಹೀತರ್ ವ್ಯಾಟ್ಸನ್ ಜೋಡಿ ವಿರುದ್ಧ 7-6 (7-4), 4-6, 5-7 ಸೆಟ್ ಗಳ ಅಂತರದಲ್ಲಿ ಸೋಲು ಕಂಡಿತು.
ಇದೇ ವಿಭಾಗದಲ್ಲಿ ಕಣಕ್ಕಿಳಿದಿದ್ದ ಭಾರತದ ಮತ್ತೊಬ್ಬ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಾಗೂ ಕ್ರೊವೇಶಿಯಾದ ಇವಾನ್ ಡೋಡಿಗ್ ಜೋಡಿಯು, ರೋಹನ್ ಜೋಡಿಯನ್ನು ಗುರುವಾರ ಮಣಿಸಿದ ಹೆನ್ರಿ ಕೊಂಟಾನನ್ ಹಾಗೂ ಹೀತರ್ ವ್ಯಾಟ್ಸನ್ ವಿರುದ್ಧವೇ ಸೋತು ಈ ವಿಭಾಗದಿಂದ ಆಚೆ ನಿರ್ಗಮಿಸಿತ್ತು.