ಸ್ವಿಸ್‌ ಮಾಸ್ಟರ್‌ ರೋಜರ್‌ ಫೆಡರರ್‌ ಮುಡಿಗೆ 10ನೇ ಹ್ಯಾಲೆ ಓಪನ್‌ ಗರಿ!

Federer crushes David Goffin for 10th Halle title

ಹ್ಯಾಲೆ ವೆಸ್ಟ್‌ಫಾಲನ್‌, ಜೂನ್‌ 23: ಸ್ವಿಸ್‌ ಮಾಸ್ಟರ್‌ ರೋಜರ್‌ ಫೆಡರರ್‌ ಇಲ್ಲಿ ನಡೆದ ಹ್ಯಾಲೆ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ದಾಖಲೆಯ 10ನೇ ಬಾರಿ ಪ್ರಶಸ್ತಿ ಎತ್ತಿ ಹಿಡಿಯುವ ಮೂಲಕ ಮುಂಬರುವ ವಿಂಬಲ್ಡನ್‌ ಗ್ರ್ಯಾನ್‌ ಸ್ಲ್ಯಾಮ್‌ ಟೂರ್ನಿಗೆ ಭರ್ಜರಿ ಸಿದ್ದತೆ ಕೈಗೊಂಡಿದ್ದಾರೆ.

ವಿಶ್ವಕಪ್‌ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಅಂಕಪಟ್ಟಿ

37 ವರ್ಷದ ಸ್ವಿಜರ್ಲೆಂಡ್‌ನ ಅನುಭವಿ ಆಟಗಾರ ರೋಜರ್, ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಬೆಲ್ಜಿಯಂನ ಆಟಗಾರ ಡೇವಿಡ್‌ ಗಾಫಿನ್‌ ಅವರನ್ನು 7-6 (7/2), 6-1 ಅಂತರದ ನೇರ ಸೆಟ್‌ಗಳಿಂದ ಬಗ್ಗುಬಡಿದು ವೃತ್ತಿ ಜೀವನದ 102ನೇ ಸಿಂಗಲ್ಸ್‌ ಪ್ರಶಸ್ತಿ ಮತ್ತು ಹ್ಯಾಲೆ ಅಂಗಣದಲ್ಲಿ ತಮ್ಮ 10ನೇ ಟ್ರೋಫಿ ಗೆದ್ದರು.

ಆಫ್ಘನ್‌ ವಿರುದ್ಧದ ಪಂದ್ಯದಲ್ಲಿ ಅತಿಯಾಗಿ ವರ್ತಿಸಿದ ಕೊಹ್ಲಿಗೆ ದಂಡ!

"ನಂಬಲು ಸಾಧ್ಯವಾಗುತ್ತಿಲ್ಲ. ಇಲ್ಲಿ ಮೊದಲ ಬಾರಿ ಆಡಿದಾಗ ನಾನು ಇದೇ ಅಂಗಣದಲ್ಲಿ 10 ಬಾರಿ ಪ್ರಶಸ್ತಿ ಗೆಲ್ಲುತ್ತೇನೆಂಬುದನ್ನು ಅಂದಾಜಿಸಿರಲಿಲ್ಲ. ನನ್ನ ವೃತ್ತಿಬದುಕಿನಲ್ಲಿ ಯಾವುದೇ ಟೂರ್ನಿಗಳಲ್ಲಿ ನಾನು 10 ಬಾರಿ ಪ್ರಶಸ್ತಿ ಗೆದ್ದಿಲ್ಲ. ಹ್ಯಾಲೆ ಅಂಗಣದಲ್ಲಿ ಇಂಥದ್ದೊಂದು ಸಾಧನೆ ಮಾಡಿರುವುದನ್ನು ಸದಾ ನೆನೆಯುತ್ತೇನೆ," ಎಂದು ಪಂದ್ಯದ ಬಳಿಕ ಮಾತನಾಡಿದ ರೋಜರ್‌ ಫೆಡರರ್‌ ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ.

ಮುಂದಿನ ತಿಂಗಳು ನಡೆಯಲಿರುವ ವಿಂಬಲ್ಡನ್‌ ಗ್ರ್ಯಾನ್‌ ಸ್ಲ್ಯಾಮ್‌ ಟೂರ್ನಿಯಲ್ಲಿ ರೋಜರ್‌ ತಮ್ಮ 9ನೇ ಪ್ರಶಸ್ತಿ ಗೆಲುವನ್ನು ಎದುರು ನೋಡುತ್ತಿದ್ದಾರೆ. ಈ ಮೂಲಕ ತಮ್ಮ ವೃತ್ತಿ ಬದುಕಿನಲ್ಲಿ ಗೆದ್ದಿರುವ 20 ಗ್ರ್ಯಾನ್‌ ಸ್ಲ್ಯಾಮ್‌ ಪ್ರಶಸ್ತಿಗಳನ್ನು ಮತ್ತಷ್ಟು ವಿಸ್ತರಿಸುವ ಆಲೋಚನೆಯಲ್ಲಿದ್ದಾರೆ.

ಅಭ್ಯಾಸ-ವಿಶ್ರಾಂತಿಯ ಪಕ್ಕಾ ಫಾರ್ಮುಲಾ ಕಂಡುಕೊಂಡ ಟೀಮ್‌ ಇಂಡಿಯಾ!

ರೋಜರ್ ಅವರ ದೀರ್ಘಕಾಲದ ಎದುರಾಳಿ ರಾಫೆಲ್‌ ನಡಾಲ್‌, ಫ್ರೆಂಚ್‌ ಓಪನ್‌ ಗ್ರ್ಯಾನ್‌ಸ್ಲ್ಯಾಮ್‌ ಟೂರ್ನಿಯಲ್ಲಿ 12ನೇ ಬಾರಿ ಪ್ರಶಸ್ತಿ ಗೆದ್ದು ಒಟ್ಟು ಪ್ರಶಸ್ತಿಗಳ ಗಳಿಕೆಯಲ್ಲಿ ಫೆಡರರ್‌ಗಿಂತಲೂ ಕೇವಲ 2 ಪ್ರಶಸ್ತಿಗಳ ಅಂತರ ಕಾಯ್ದುಕೊಂಡಿದ್ದಾರೆ. ವಿಶ್ವದ ಹಾಲಿ ನಂ.1 ಆಟಗಾರ ನೊವಾಕ್‌ ಜೊಕೊವಿಕ್‌ 15 ಗ್ರ್ಯಾನ್‌ ಸ್ಲ್ಯಾಮ್‌ ಪ್ರಶಸ್ತಿಗಳನ್ನು ಹೊಂದಿದ್ದಾರೆ.

For Quick Alerts
ALLOW NOTIFICATIONS
For Daily Alerts

Story first published: Sunday, June 23, 2019, 20:04 [IST]
Other articles published on Jun 23, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more