ಸ್ಟುಟ್ ಗರ್ಟ್, ಏಪ್ರಿಲ್ 27: ರಷ್ಯಾದ ಟೆನಿಸ್ ತಾರೆ ಮರಿಯಾ ಶರಪೋವಾ ಅವರು ಉದ್ದೀಪನ ಮದ್ದು ಸೇವಿಸಿದ ಆರೋಪ ಹೊತ್ತು ನಿಷೇಧಕ್ಕೊಳಗಾಗಿದ್ದು ತಿಳಿದಿರಬಹುದು. ಈಗ ನಿಷೇಧದ ಅವಧಿ ಮುಗಿಸಿಕೊಂಡು ಮತ್ತೊಮ್ಮೆ ಟೆನಿಸ್ ಅಂಗಳಕ್ಕೆ ಎಂಟ್ರಿಕೊಟ್ಟಿದ್ದಾರೆ.
ವೈಲ್ಡ್ ಕಾರ್ಡ್ ಪಡೆದು ಸ್ಟುಟ್ಗರ್ಟ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಆಡುತ್ತಿದ್ದು, ಮೊದಲ ಸುತ್ತಿನ ಪಂದ್ಯದಲ್ಲಿ ಗೆಲುವು ಸಾಧಿಸಿ, ಶುಭಾರಂಭ ಮಾಡಿದ್ದಾರೆ.ಐದು ಬಾರಿಯ ಗ್ರ್ಯಾಂಡ್ಸ್ಲಾಂ ಚಾಂಪಿಯನ್ ಆದ ರಷ್ಯಾ ಬೆಡಗಿ ಶರಪೋವಾ ಅವರು ವೃತ್ತಿಪರ ಟೆನಿಸ್ ಅಂಗಳಕ್ಕೆ ಮರಳಿರುವುದಕ್ಕೆ ಮಿಶ್ರ ಪ್ರತಿಕ್ರಿಯೆ ಬಂದಿದೆ.
ಪ್ರತಿಷ್ಠಿತ ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ಆಡಲು ವೈಲ್ಡ್ ಕಾರ್ಡ್ ಪ್ರವೇಶ ದೊರೆಯುವುದಕ್ಕೆ ಸಂಬಂಧಿಸಿದಂತೆ ಶರಪೋವಾ ಮೇ 16ರವರೆಗೆ ಕಾಯಬೇಕಿದೆ.