ಲೈನ್ ಜಡ್ಜ್‌ಗೆ ಚೆಂಡು ಹೊಡೆದು ಅನರ್ಹಗೊಂಡ ಜೊಕೋವಿಕ್: ವಿಡಿಯೋ

ಜೊಕೋವಿಕ್ ಜೊತೆ ಸುದೀರ್ಘ ಚರ್ಚೆ

ಆ ಬಳಿಕ ಟೂರ್ನಮೆಂಟ್ ರೆಫರೀ ಸೊರೆನ್ ಫ್ರೀಮೆಲ್ ಆರ್ತರ್ ಆ್ಯಷ್ ಸ್ಟೇಡಿಯಂಗೆ ಬಂದು ಚೇರ್ ಅಂಪೈರ್ ಅರೆಲಿ ಟೂರ್ಟೆ ಜೊತೆ ಮಾತನಾಡಿದರು. ಮತ್ತೆ 33ರ ಹರೆಯದ ಸರ್ಬಿಯನ್, ಮೂರು ಬಾರಿಯ ಯುಎಸ್ ಓಪನ್ ಟ್ರೋಫಿ ಗೆದ್ದ ಜೊಕೋವಿಕ್‌ ಜೊತೆಗೂ ಸುದೀರ್ಘ ಚರ್ಚೆ ನಡೆಸಿದರು.

ಉದ್ದೇಶಪೂರ್ವಕವಾಗಿ ಹೊಡೆದಿಲ್ಲ

ತಾನು ಉದ್ದೇಶಪೂರ್ವಕವಾಗಿ ಚೆಂಡು ಹೊಡೆದಿಲ್ಲ ಎಂದು ಚರ್ಚೆಯ ವೇಳೆ ಜೊಕೋವಿಕ್ ಮನವರಿಕೆ ಮಾಡಿದರಾದರೂ ಟೆನಿಸ್ ನಿಯಮದ ಪ್ರಕಾರ ಜೊಕೋವಿಕ್‌ ಅವರನ್ನು ಟೂರ್ನಿಯಿಂದ ಅನರ್ಹಗೊಳಿಸಲಾಯಿತು. ಜೊಕೋವಿಕ್ ಉದ್ದೇಶಪೂರ್ವಕವಾಗಿ ತಪ್ಪು ಮಾಡಿಲ್ಲ ಅನ್ನೋದು ವಿಡಿಯೋ ಗಮನಿಸಿದಾಗಲೂ ಅರಿವಾಗುತ್ತದೆ.

2020ರಲ್ಲಿ ಸಾಲು ಸಾಲು ಸಂಕಟ

ಬೆಲ್ಗೇಡ್ ನಲ್ಲಿ ಆ್ಯಂಡ್ರಿಯಾ ಪ್ರದರ್ಶನ ಟೆನಿಸ್ ಟೂರ್ನಿಯನ್ನು ಜೊಕೋವಿಕ್ ಆಯೋಜಿಸಿದ್ದರು. ಕೊರೊನಾ ಬಾದಿತ ಪ್ರದೇಶಗಳಿಗೆ ಹಣ ಸಂಗ್ರಹಿಸಿ ನೆರವು ನೀಡೋದು ಜೊಕೋವಿಕ್ ಯೋಜನೆಯಾಗಿತ್ತು. ಆದರೆ ಟೂರ್ನಿಯಲ್ಲಿ ಭಾಗವಹಿಸಿದ್ದ ಜೊಕೋವಿಕ್ ಸೇರಿ ಗ್ರಿಗರ್ ಡಿಮಿಟ್ರೋವ್ (ಬಲ್ಗೇರಿಯನ್ ಆಟಗಾರ), ಬೊರ್ನಾ ಕೋರಿಕ್ (ಕ್ರೊವೇಷಿಯಾ) ಮತ್ತು ವಿಕ್ಟರ್ ಟ್ರಾಯ್ಕಿಗೆ (ಸರ್ಬಿಯಾ) ಕೊರೊನಾ ಪಾಸಿಟಿವ್ ಬಂದಿತ್ತು. ಆಗ ಕೂಡ ಜೊಕೋವಿಕ್ ಸಾಕಷ್ಟು ಟೀಕೆಗೆ ಗುರಿಯಾಗಿದ್ದರು.

ವಿಶ್ವ ಚಾಂಪಿಯನ್ ಜೊಕೋವಿಕ್

ಸದ್ಯ ಟೆನಿಸ್ ರ್‍ಯಾಂಕಿಂಗ್‌ನಲ್ಲಿ ನಂ.1 ಸ್ಥಾನದಲ್ಲಿರುವ ನೊವಾಕ್ ಜೊಕೋವಿಕ್ 10,860 ಅಂಕಗಳನ್ನು ಕಲೆ ಹಾಕಿದ್ದಾರೆ. ಜೊಕೋವಿಕ್ ಹೆಸರಿನಲ್ಲಿ 17 ಗ್ರ್ಯಾಂಡ್‌ಸ್ಲ್ಯಾಮ್‌ಗಳ ದಾಖಲೆಯಿದೆ. ಜೊಕೋವಿಕ್ ನಂತರದ ಸ್ಥಾನಗಳಲ್ಲಿ ಸ್ಪೇನ್‌ನ ರಾಫೆಲ್ ನಡಾಲ್, ಆಸ್ಟ್ರಿಯಾದ ಡೊಮಿನಿಕ್ ಥೀಮ್ ಇದ್ದಾರೆ.