ಸಾನಿಯಾ ಗುಣಗಾನ: ಮೋದಿ, ಪ್ರಣಬ್, ಶಾರುಖ್ ಟ್ವೀಟ್

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

ಬೆಂಗಳೂರು, ಜುಲೈ 12: ಭಾರತದ ಹೆಮ್ಮೆಯ ಪುತ್ರಿ ಸಾನಿಯಾ ಮಿರ್ಜಾ ಚೊಚ್ಚಲ ವಿಂಬಲ್ಡನ್ ಪ್ರಶಸ್ತಿ ಗೆದ್ದಿರುವುದಕ್ಕೆ ವಿವಿಧ ಕ್ಷೇತ್ರಗಳ ಗಣ್ಯರಿಂದ ಪ್ರಶಂಸೆಯ ಸುರಿಮಳೆ ಹರಿದು ಬಂದಿದೆ. ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ, ಸೆಲೆಬ್ರಿಟಿಗಳಾದ ಶಾರುಖ್ ಖಾನ್, ಫರಾನ್ ಅಖ್ತರ್ ಸೇರಿದಂತೆ ಸಾರ್ವಜನಿಕರು ಕೂಡಾ ಟ್ವೀಟ್ ಮಾಡಿ ಶುಭ ಕೋರಿದ್ದಾರೆ.

ವಿಂಬಲ್ಡನ್ ಗೆದ್ದ ನಂತರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಾನಿಯಾ ಮಿರ್ಜಾ, ಬಹುದಿನಗಳ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದೆ. ಈ ಒಂದು ಕ್ಷಣಕ್ಕಾಗಿ ಹಲವು ವರ್ಷದಿಂದ ಕಾದಿದ್ದೆ. ನನ್ನ ಗೆಲುವು ಭಾರತದ ಯುವ ಪ್ರತಿಭೆಗಳಿಗೆ ಹುಡುಗಿಯರಿಗೆ ಸ್ಫೂರ್ತಿಯಾಗುತ್ತದೆ ಎಂಬ ಭಾವನೆ ಇದೆ ಎಂದು ಭಾನುವಾರ ಹೇಳಿದರು.[ಸಾನಿಯಾ ಮಿರ್ಜಾ- ಹಿಂಗಿಸ್ ಗೆ ವಿಂಬಲ್ಡನ್ ಗರಿ]

ಶನಿವಾರ ಸೆಂಟರ್ ಕೋರ್ಟಿನಲ್ಲ್ಲಿ ನಡೆದ ವಿಂಬಲ್ಡನ್ ಮಹಿಳೆಯರ ಡಬಲ್ಸ್ ಅಂತಿಮ ಹೋರಾಟದಲ್ಲಿ ಅಗ್ರ ಶ್ರೇಯಾಂಕದ ಸಾನಿಯಾ ಹಾಗೂ ಹಿಂಗಿಸ್ ಜೋಡಿ, ರಷ್ಯಾದ ಜೋಡಿಯಾದ ಎಕಾಟೆರಿನಾ ಮಕರೋವಾ-ಎಲೇನಾ ವೆಸ್ನಿನಾ ವಿರುದ್ಧ 5-7, 7-6 (7/4), 7-5 ಅಂತರದ ಗೆಲುವು ಸಾಧಿಸಿ ಇತಿಹಾಸ ನಿರ್ಮಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಸಾನಿಯಾ ಸುದ್ದಿಗೋಷ್ಠಿ ವಿವರ ಹಾಗೂ ಆಕೆಯ ಸಾಧನೆ ಬಗ್ಗೆ ಬಂದಿರುವ ಮೆಚ್ಚುಗೆ ಮಾತುಗಳನ್ನು ಮುಂದೆ ಓದಿ...

ಮೊದಲ ವಿಂಬಲ್ಡನ್ ಗೆದ್ದ ಖುಷಿಯಲ್ಲಿ

28 ವರ್ಷ ವಯಸ್ಸಿನ ಸಾನಿಯಾ ಮಿರ್ಜಾ ಅವರು ವಿಂಬಲ್ಡನ್ ಪ್ರಶಸ್ತಿ ಗೆದ್ದ ಭಾರತದ ಮೊದಲ ಟೆನಿಸ್ ಆಟಗಾರ್ತಿ ಎನಿಸಿಕೊಂಡಿದ್ದಾರೆ. ಈ ಮುಂಚೆ ಮಹೇಶ್ ಭೂಪತಿ ಜೊತೆ ಸೇರಿ 2009ರಲ್ಲಿ ಆಸ್ಟ್ರೇಲಿಯನ್ ಓಪನ್ ಗ್ರ್ಯಾನ್ ಸ್ಲಾಮ್ ಗೆದ್ದಿದ್ದರು. ನಂತರ ಭೂಪತಿ ಜೊತೆ 2012ರಲ್ಲಿ ಫ್ರೆಂಚ್ ಓಪನ್ ಹಾಗೂ ಬ್ರೂನೋ ಸೊರೆಸ್ ಜೊತೆಗೂಡಿ 2014ರಲ್ಲಿ ಯುಎಸ್ ಓಪನ್ ಗೆದ್ದಿದ್ದಾರೆ.

ಕನಸು ನನಸಾಯಿತು : ಸಾನಿಯಾ

ಪ್ರತಿಯೊಂದು ಮಕ್ಕಳಿಗೂ ಒಂದು ಕನಸು ಇದ್ದ ಹಾಗೆ ನಾವು ಸಹ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿಗೆ ಹಲವು ವರ್ಷಗಳಿಂದಲೂ ಕನಸು ಕಂಡಿದ್ದೆವು. ಆ ಕನಸು ನಿನ್ನೆ ನನಸಾಯಿತು. ಪ್ರಶಸ್ತಿ ಗೆದ್ದದ್ದು ಬಹಳ ಸಂತಸ ತಂದಿದೆ.