Wimbledon ಪಂದ್ಯ ವೀಕ್ಷಿಸಿದ ಸಚಿನ್, ಗಿಲ್‌; ಫೋಟೋ ವೈರಲ್‌

ಕ್ರಿಕೆಟ್‌ ದಿಗ್ಗಜ ಸಚಿನ್ ತೆಂಡೂಲ್ಕರ್ ಹಾಗೂ ಭಾರತ ತಂಡದ ನಾಯಕ ಶುಭಮನ್‌ ಗಿಲ್‌ ಅವರು ಶುಕ್ರವಾರ ವಿಂಬಲ್ಡನ್‌ ರಾಯಲ್‌ ಬಾಕ್ಸ್‌ನಲ್ಲಿ ಕಾಣಿಸಿಕೊಂಡರು. ಈ ಇಬ್ಬರೂ ಕ್ರಿಕೆಟಿಗರು ಶುಕ್ರವಾರ ವಿಂಬಲ್ಡನ್‌ ಟೆನಿಸ್‌ ಟೂರ್ನಿಯ ಪುರುಷರ ಸಿಂಗಲ್ಸ್‌ ಮೊದಲ ಸೆಮಿಫೈನಲ್‌ ಪಂದ್ಯದಲ್ಲಿ ಅಲೆಕ್ಸಾಂಡರ್ ಜ್ವೆರೆವ್ ಹಾಗೂ ಆರ್ಥರ್ ಫೆರಿ ಅವರ ಕಾದಾಟವನ್ನು ಕಣ್ಣು ತುಂಬಿಕೊಂಡರು.

ಸಚಿನ್‌ ಅವರು ಸಮಯ ಸಿಕ್ಕಾಗಲೆಲ್ಲಾ ಟೆನಿಸ್ ಟೂರ್ನಿಯನ್ನು ನೋಡುತ್ತಾರೆ. ಹೀಗಾಗಿ ಅವರ ಇಂಗ್ಲೆಂಡ್‌ ಕ್ಲಬ್‌ಗೆ ಚಿರ ಪರಿಚಿತ ಆಟಗಾರ. ಆದರೆ ಟೀಮ್ ಇಂಡಿಯಾ ನಾಯಕ ಶುಭಮನ್‌ ಗಿಲ್‌ ಇದೇ ಮೊದಲ ಬಾರಿಗೆ ಟೆನಿಸ್ ಆಟವನ್ನು ಕಣ್ಣು ತುಂಬಿಕೊಂಡರು. ಸಚಿನ್ ತೆಂಡೂಲ್ಕರ್ ಅವರಿಗೆ ಪತ್ನಿ ಅಂಜಲಿ ಸಹ ಸಾಥ್ ನೀಡಿದ್ದರು.

ಸೆಂಟರ್‌ ಕೋರ್ಟ್‌ನಲ್ಲಿ ನಡೆದ ಪುರುಷರ ಸಿಂಗಲ್ಸ್‌ ಸೆಮಿಫೈನಲ್‌ ಪಂದ್ಯದಲ್ಲಿ ಅಲೆಕ್ಸಾಂಡರ್ ಜ್ವೆರೆವ್ ಅಮೋಘ ಆಟದ ಪ್ರದರ್ಶನ ನೀಡಿದರು. ಇವರು ಎರಡು ಗಂಟೆ 34 ನಿಮಿಷದ ಆಟದಲ್ಲಿ 6-2, 7-6, 6-4 ರಿಂದ ಆರ್ಥರ್ ಫೆರಿ ಅವರನ್ನು ಮೂರು ನೇರ ಸೆಟ್‌ಗಳಲ್ಲಿ ಮಣಿಸಿ ಮೊದಲ ಬಾರಿಗೆ ವಿಂಬಲ್ಡನ್‌ ಟೂರ್ನಿಯ ಫೈನಲ್‌ಗೆ ಪ್ರವೇಶಿಸಿದರು. ಈ ಪಂದ್ಯವನ್ನು ಸಚಿನ್‌ ತೆಂಡೂಲ್ಕರ್ ನೋಡಿ ಖುಷಿ ಪಟ್ಟರು. ಈ ಮೂಲಕ ಹಲವು ವರ್ಷಗಳಿಂದ ವಿಂಬಲ್ಡನ್‌ ವೀಕ್ಷಿಸುವ ತಮ್ಮ ಹವ್ಯಾಸವನ್ನು ಸಚಿನ್ ಮುಂದುವರೆಸಿದರು.

ಇದೇ ವೇಳೆ ಸಚಿನ್ ತೆಂಡೂಲ್ಕರ್ ಅವರು ಟೆನಿಸ್ ಲೋಕದ ದಿಗ್ಗಜ ಆಟಗಾರ ರೋಜರ್ ಫೆಡರರ್ ಅವರನ್ನು ಸಹ ಭೇಟಿಯಾದರು. ಈ ಪೋಟೋಗಳನ್ನು ಸಚಿನ್‌ ತಮ್ಮ ಸಾಮಾಜಿಕ ತಾಣದಲ್ಲಿ ಹಾಕಿಕೊಂಡಿದ್ದು, ಕೆಲವು ರ್ಯಾಲಿಗಳು ಎಂದಿಗೂ ಕೊನೆಯಾಗುವುದಿಲ್ಲ. ಅದರಲ್ಲಿ ನಮ್ಮ ಸ್ನೇಹವೂ ಒಂದು ಎಂದು ಬರೆದು ಕೊಂಡಿದ್ದಾರೆ. ಈ ಪೋಸ್ಟ್‌ ಈಗ ಸಖತ್ ವೈರಲ್ ಆಗುತ್ತಿದೆ.

ಟೀಮ್ ಇಂಡಿಯಾದ ನಾಯಕ ಶುಭಮನ್‌ ಗಿಲ್‌ ಸಹ ವಿಂಬಲ್ಡನ್‌ ರಾಯಲ್ ಬಾಕ್ಸ್‌ನಲ್ಲಿ ಸಚಿನ್ ತೆಂಡೂಲ್ಕರ್ ಅವರ ಪಕ್ಕದಲ್ಲಿ ಕಾಣಿಸಿಕೊಂಡರು. ಇವರು ಇದೇ ಮೊದಲ ಬಾರಿಗೆ ವಿಂಬಲ್ಡನ್‌ ರಾಯಲ್ಸ್‌ ಬಾಕ್ಸ್‌ನಲ್ಲಿ ಪಂದ್ಯವನ್ನು ನೋಡಿ ಖುಷಿ ಪಟ್ಟರು. ಶುಭಮನ್‌ ಗಿಲ್ ಟಿ20 ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದರಿಂದ ವಿಶ್ರಾಂತಿಯಲ್ಲಿದ್ದಾರೆ. ಇಂಗ್ಲೆಂಡ್‌ ವಿರುದ್ಧ ನಡೆಯಲಿರುವ ಏಕದಿನ ಸರಣಿಯ ವೇಳೆ ಮತ್ತೆ ಇವರು ತಂಡವನ್ನು ಮುನ್ನಡೆಸಲಿದ್ದಾರೆ.

ಜ್ವೆರೆವ್ vs ಸಿನ್ನರ್ ಫೈನಲ್‌ ಫೈಟ್‌

ಅಲೆಕ್ಸಾಂಡರ್ ಜ್ವೆರೆವ್ ಸತತ ಎರಡನೇ ಗ್ರ್ಯಾನ್‌ ಸ್ಲ್ಯಾಮ್ ಟೆನಿಸ್ ಟೂರ್ನಿಯ ಫೈನಲ್‌ ಪ್ರವೇಶಿಸಿದ ಹೆಗ್ಗಳಿಕೆಯನ್ನು ತಮ್ಮದಾಗಿಸಿಕೊಂಡರು. ಇದಕ್ಕೂ ಮೊದಲು ಇವರು ಫ್ರೆಂಚ್ ಓಪನ್‌ನಲ್ಲೂ ಪ್ರಶಸ್ತಿ ಸುತ್ತು ಪ್ರವೇಶಿಸಿದ್ದರು. ಈ ಮೂಲಕ 31 ವರ್ಷಗಳ ಬಳಿಕ ವಿಂಬಲ್ಡನ್‌ ಟೂರ್ನಿಯ ಫೈನಲ್‌ ಪ್ರವೇಶಿಸಿದ ಜರ್ಮನಿ ಆಟಗಾರ ಹೆಗ್ಗಳಿಕೆ ಅಲೆಕ್ಸಾಂಡರ್ ಜ್ವೆರೆವ್ ಅವರದ್ದಾಯಿತು. ಇವರು ಫೈನಲ್‌ನಲ್ಲಿ ಜಾನಿಕ್ ಸಿನ್ನರ್ ವಿರುದ್ಧ ಕಾದಾಟವನ್ನು ನಡೆಸಲಿದ್ದಾರೆ. ಜಾನಿಕ್ ಸಿನ್ನರ್ ಸೆಮಿಫೈನಲ್ ಪಂದ್ಯದಲ್ಲಿ 6-4, 6-4, 6-4 ಸೆಟ್‌ಗಳಿಂದ ವಿಶ್ವದ ದಿಗ್ಗಜ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಚ್‌ ಅವರನ್ನು ಮಣಿಸಿದರು.