ಹೊಸ ದಾಖಲೆ ನಿರ್ಮಿಸಿದ ಲಿಯಾಂಡರ್ ಪೇಸ್

ಯೂಯಾರ್ಕ್‌, ಸೆಪ್ಟೆಂಬರ್. 12 : ಯುಎಸ್‌ ಓಪನ್‌ ನ ಮಿಕ್ಸೆಡ್ ಡಬಲ್ಸ್ ಚಾಂಪಿಯನ್ನ ಆಗಿ ಭಾರತದ ಲಿಯಾಂಡರ್ ಪೇಸ್‌ ಮತ್ತು ಸ್ವಿಸ್‌ ಟೆನಿಸ್‌ ತಾರೆ ಮಾರ್ಟಿನಾ ಹಿಂಗಿಸ್‌ ಹೊರಹೊಮ್ಮಿದ್ದಾರೆ.

ಲಿಯಾಂಡರ್ ಪೇಸ್‌ ಮತ್ತು ಮಾರ್ಟಿನಾ ಹಿಂಗಿಸ್‌ ಫೈನಲ್ ನಲ್ಲಿ ಅಮೆರಿಕ್ ಬೆಂಥೈನ್ ಮಟೀಕ್ ಸಾಂಡ್ಸ್ ಮತ್ತು ಸ್ಯಾಮ್ ಕ್ಯಾರ್ರಿ ಅವರನ್ನು 6-4, 3-6 ಮತ್ತು 10-7 ರ ಅಂತರದಲ್ಲಿ ಸೋಲಿಸಿ ಪ್ರಶಸ್ತಿಗೆ ಮುತ್ತಿಟ್ಟಿದ್ದಾರೆ.[ಕ್ರಿಕೆಟರ್ ವಿರಾಟ್ ಕೊಹ್ಲಿ ತಂಡದಲ್ಲಿ ಫೆಡರರ್ ಆಟ!]

ಈ ಮೂಲಕ ಲಿಯಾಂಡರ್ ಪೇಸ್ ಎಂಟು ಗ್ರ್ಯಾಂಡ್ ಸ್ಲಾಂ ಪ್ರಶಸ್ತಿಗಳನ್ನು ಗೆದ್ದುಕೊಂಡಂತೆ ಆಗಿದ್ದು ತಮ್ಮ ಒಂದು ಕಾಲದ ಜತೆಗಾರ ಮಹೇಶ್ ಭೂಪತಿ ಅವರ ದಾಖಲೆಯನ್ನು ಹಿಂದಕ್ಕೆ ಹಾಕಿದ್ದಾರೆ.

ಹೊಸ ದಾಖಲೆ
1969 ನಂತರ ಟೆನಿಸ್ ಇತಿಹಾಸದಲ್ಲಿ ಹೊಸ ದಾಖಲೆಯೊಂದನ್ನು ಪೇಸ್-ಹಿಂಗಿಸ್ ಜೋಡಿ ನಿರ್ಮಿಸಿದೆ. ಒಂದೇ ವರ್ಷದಲ್ಲಿ ಮೂರು ಗ್ರ್ಯಾಂಡ್ ಸ್ಲಾಂ ಪ್ರಶಸ್ತಿ ಗೆದ್ದ ಜೋಡಿ ಎಂಬ ಶ್ರೇಯಕ್ಕೆ ಪಾತ್ರವಾಗಿದೆ.[ಟೆನಿಸ್ ತಾರೆ ಲಿಯಾಂಡರ್ ಪೇಸ್ ಅಪೂರ್ವ ಸಾಧನೆ ಪಟ್ಟಿ]

ಕೊನೆಯ ಸೆಟ್ ನಲ್ಲಿ ಎರಡು ಕಡೆಯವರು ಅದ್ಭುತ ಆಟ ಪ್ರದರ್ಶನ ನೀಡಿದರು. ಒಂದು ಹಂತದಲ್ಲಿ 7-7 ಸಮಬಲದ ಹೋರಾಟ ನಡೆಯುತ್ತಿತ್ತು. ಆದರೆ ಈ ಹಂತದಲ್ಲಿ ಎಂದಿನ ಲಯಕ್ಕೆ ಮರಳಿದ ಮಾರ್ಟಿನಾ ಹಿಂಗಿಸ್ ಅಂಕಗಳನ್ನು ಗಳಿಸಿಕೊಂಡು ಪ್ರಶಸ್ತಿ ಮೇಲೆ ಹಕ್ಕು ಸ್ಥಾಪಿಸಿದರು.