US Open 2023: ನಾಲ್ಕನೇ ಸುತ್ತು ಪ್ರವೇಶಿಸಿದ ಜಾನಿಕ್ ಸಿನ್ನರ್, ಆಂಡ್ರೆ ರುಬ್ಲೆವ್; ಟೂರ್ನಿಯಿಂದ ಹೊರಬಿದ್ದ ಸ್ವಿಟೋಲಿನಾ

ಶನಿವಾರ, ಸೆಪ್ಟೆಂಬರ್ 2ರಂದು ನಡೆದ 2023ರ ಯುಎಸ್ ಓಪನ್ ಗ್ರ್ಯಾಂಡ್ ಸ್ಲಾಮ್‌ನ ಮೂರನೇ ಸುತ್ತಿನ ಪಂದ್ಯದಲ್ಲಿ ಜಾನಿಕ್ ಸಿನ್ನರ್ ತಮ್ಮ ಅತ್ಯುತ್ತಮ ಪ್ರದರ್ಶನದೊಂದಿಗೆ ನಾಲ್ಕನೇ ಸುತ್ತಿಗೆ ಮುನ್ನಡೆದರು.

ಲೂಯಿಸ್ ಆರ್ಮ್‌ಸ್ಟ್ರಾಂಗ್ ಸ್ಟೇಡಿಯಂನಲ್ಲಿ ನಡೆದ ಹಣಾಹಣಿಯಲ್ಲಿ ಸ್ಟಾನ್ ವಾವ್ರಿಂಕಾ ಅವರನ್ನು 6-3, 2-6, 6-4, 6-2 ಸೆಟ್‌ಗಳ ಅಂತರದಿಂದ ಸೋಲಿಸಿದರು. ಪಂದ್ಯವನ್ನು ಮುಕ್ತಾಯಗೊಳಿಸಲು ಸಿನ್ನರ್ 2 ಗಂಟೆ 58 ನಿಮಿಷಗಳನ್ನು ತೆಗೆದುಕೊಂಡರು.

ಜಾನಿಕ್ ಸಿನ್ನರ್ ತಮ್ಮ ಮುಂದಿನ ಪಂದ್ಯದಲ್ಲಿ ಅಲೆಕ್ಸಾಂಡರ್ ಜ್ವೆರೆವ್ ಮತ್ತು ಗ್ರಿಗೊರ್ ಡಿಮಿಟ್ರೋವ್ ನಡುವಿನ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.

ಸ್ಟಾನ್ ವಾವ್ರಿಂಕಾ ವಿರುದ್ಧದ ಪಂದ್ಯದಲ್ಲಿ ಜಾನಿಕ್ ಸಿನ್ನರ್ 61 ತಪ್ಪುಗಳನ್ನು ಎಸಗಿದರು. ಇದು ಅವರ ಎದುರಾಳಿಗಿಂತ ಮೂರು ಹೆಚ್ಚು. ಆದರೆ 33 ವಿಜೇತ ಸ್ಮಾಶಿಂಗ್‌ಗಳು ಮತ್ತು ಅವರ ಮೊದಲ ಸರ್ವ್‌ಗಳಿಂದ (73ರಲ್ಲಿ 53 ಅಂಕ) ಶೇಕಡಾ 73ರ ಗೆಲುವಿನೊಂದಿಗೆ ಸರಿದೂಗಿಸಿದರು.

ಆರ್ಥರ್ ರಿಂಡರ್‌ಕೆನೆಂಚ್ ಸೋಲಿಸಿದ ಆಂಡ್ರೆ ರುಬ್ಲೆವ್
ಆಂಡ್ರೆ ರುಬ್ಲೆವ್ ಅವರು ಯುಎಸ್ ಓಪನ್ ಗ್ರ್ಯಾಂಡ್‌ಸ್ಲಾಮ್‌ನ ರೋಚಕ ಮೂರನೇ ಸುತ್ತಿನ ಪಂದ್ಯದಲ್ಲಿ ಫ್ರಾನ್ಸ್‌ನ ಆರ್ಥರ್ ರಿಂಡರ್‌ಕೆನೆಂಚ್ ಅವರನ್ನು ಸೋಲಿಸಿದ ಬಳಿಕ ನಾಲ್ಕನೇ ಸುತ್ತಿಗೆ ಮುನ್ನಡೆದರು.

ಆಂಡ್ರೆ ರುಬ್ಲೆವ್ ಮೊದಲ ಸೆಟ್ ಅನ್ನು ಸೋತರು. ಆದರೆ ಎರಡು ಗಂಟೆ 34 ನಿಮಿಷಗಳಲ್ಲಿ 3-6, 6-3, 6-1, 7-5 ಅಂತರದಲ್ಲಿ ಪಂದ್ಯವನ್ನು ಗೆಲ್ಲುವ ಮೂಲಕ ಅದ್ಭುತ ಪುನರಾಗಮನ ಮಾಡಿದರು.

ಅದ್ಭುತ ಆರಂಭಿಕ ಸೆಟ್‌ ಗೆಲುವಿನ ನಂತರ, ರಿಂಡರ್‌ಕೆನೆಂಚ್ ತಮ್ಮ ಆವೇಗವನ್ನು ಕಳೆದುಕೊಂಡರು ಮತ್ತು 45 ಅನಗತ್ಯ ತಪ್ಪುಗಳನ್ನು ಮಾಡಿದರು. ಇದು ಅವರ ಸೋಲಿಗೆ ಕಾರಣವಾಯಿತು.

ಆಂಡ್ರೆ ರುಬ್ಲೆವ್ ತನ್ನ ಮೊದಲ ಸರ್ವ್‌ಗಳಿಂದ ಶೇಕಡಾ 80ರ ಗೆಲುವನ್ನು ಹೊಂದಿದ್ದರು ಮತ್ತು ಇದು ಪಂದ್ಯದಲ್ಲಿ ಸ್ವಲ್ಪ ವ್ಯತ್ಯಾಸವನ್ನು ಮಾಡಿತು.

ಆಂಡ್ರೆ ರುಬ್ಲೆವ್ ತನ್ನ ಮುಂದಿನ ಪಂದ್ಯದಲ್ಲಿ ಅಮೆರಿಕದ ಜ್ಯಾಕ್ ಡ್ರೇಪರ್ ಅವರನ್ನು ಎದುರಿಸಲು ಸಜ್ಜಾಗಿದ್ದಾರೆ. ಡ್ರೇಪರ್ ಮೂರು ಗಂಟೆ ಮತ್ತು ನಾಲ್ಕು ನಿಮಿಷಗಳಲ್ಲಿ ಮೈಕೆಲ್ ಎಂಮೊಹ್ ಅವರ ವಿರುದ್ಧ 6-4, 6-2, 3-6, 6-3 ಸೆಟ್‌ಗಳ ಅಂತರದಿಂದ ಗೆದ್ದರು.

ಮಹಿಳಾ ಸಿಂಗಲ್ಸ್‌ನಿಂದ ಹೊರಬಿದ್ದ ಸ್ವಿಟೋಲಿನಾ
2023ರ ಯುಎಸ್ ಓಪನ್ ಮಹಿಳೆಯರ ಸಿಂಗಲ್ಸ್‌ನಲ್ಲಿ ಜೆಸ್ಸಿಕಾ ಪೆಗುಲಾ ಅವರ ವಿರುದ್ಧ ಎಲಿನಾ ಸ್ವಿಟೋಲಿನಾ ಅವರು ಒಂದು ಗಂಟೆ 51 ನಿಮಿಷಗಳಲ್ಲಿ 6-4, 4-6, 6-4 ಸೆಟ್‌ಗಳಿಂದ ಸೋತು ಹೊರಬಿದ್ದರೆ, ಪೆಗುಲಾ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದರು.

ಜೆಸ್ಸಿಕಾ ಪೆಗುಲಾ ತನ್ನ ಎದುರಾಳಿಯ ಸರ್ವ್‌ಗಳಿಗೆ ಹೋಲಿಸಿದರೆ ಮೂರು ಬ್ರೇಕ್ಸ್ ಗಳಿಸಿದರು ಮತ್ತು ಅದು ಪೈಪೋಟಿಯುತ ಪಂದ್ಯದಲ್ಲಿ ದೊಡ್ಡ ಪಾತ್ರವನ್ನು ವಹಿಸಿತು.

29 ವರ್ಷದ ಜೆಸ್ಸಿಕಾ ಪೆಗುಲಾ 35 ಅನಗತ್ಯ ತಪ್ಪುಗಳನ್ನು ಮಾಡಿದರೂ, 31 ವಿನ್ನಿಂಗ್ ಶಾಟ್ ಬಾರಿಸಿದರು. ಇದು ಪೆಗುಲಾ ಅವರ ಒಟ್ಟು ಅಂಕಗಳಲ್ಲಿ ಶೇ.60ರಷ್ಟು ಗೆಲುವಿಗೆ ಕಾರಣವಾಯಿತು.

ಇನ್ನು ಮೂರನೇ ಸುತ್ತಿನ ಪಂದ್ಯದಲ್ಲಿ ಎಲ್ ಸ್ಯಾಮ್ಸೊನೊವಾ ಅವರನ್ನು ಸೋಲಿಸಿದ ತನ್ನ ಅಮೆರಿಕನ್ ಪ್ರತಿಸ್ಪರ್ಧಿ ಮ್ಯಾಡಿಸನ್ ಕೀಸ್ ವಿರುದ್ಧ ಜೆಸ್ಸಿಕಾ ಪೆಗುಲಾ ತಮ್ಮ ಮುಂದಿನ ಪಂದ್ಯದಲ್ಲಿ ಆಡಲಿದ್ದಾರೆ.