Wimbeldon 2023: ಈ ವರ್ಷದ ವಿಂಬಲ್ಡನ್ ಯಾವಾಗ ಆರಂಭ?; ಅಗ್ರ ಶ್ರೇಯಾಂಕಿತರು, ಟಿವಿಯಲ್ಲಿ ವೀಕ್ಷಣೆ ಹೇಗೆ?

ವಿಂಬಲ್ಡನ್ ಪಂದ್ಯಾವಳಿಯು ಆಲ್ ಇಂಗ್ಲೆಂಡ್ ಲಾನ್ ಟೆನಿಸ್ ಕ್ಲಬ್ (ಎಇಎಲ್‌ಟಿಸಿ) ನಿರ್ವಹಿಸುವ ಗ್ರಾಸ್‌ಕೋರ್ಟ್ ಗ್ರ್ಯಾಂಡ್ ಸ್ಲಾಮ್ ಆಗಿದೆ. ವಿಂಬಲ್ಡನ್ ಪಂದ್ಯಾವಳಿಯನ್ನು ಮೊದಲು 1877ರಲ್ಲಿ ಆಡಸಲಾಯಿತು.

ಆಸ್ಟ್ರೇಲಿಯನ್ ಓಪನ್ ಮತ್ತು ಫ್ರೆಂಚ್ ಓಪನ್ ನಂತರ ವರ್ಷದ ಮೂರನೇ ಪ್ರಮುಖ ಟೆನ್ನಿಸ್ ಪಂದ್ಯಾವಳಿ ಇಲ್ಲಿದೆ ಮಾಹಿತಿ.

2023ರ ವಿಂಬಲ್ಡನ್ ಯಾವಾಗ ಆರಂಭ? ಎಲ್ಲಿ ನಡೆಯುತ್ತದೆ?

2023ರ ವಿಂಬಲ್ಡನ್ ಪಂದ್ಯಾವಳಿ ಜುಲೈ 3-16 ರವರೆಗೆ ಪ್ರತಿ ವರ್ಷದಂತೆ ಲಂಡನ್‌ನಲ್ಲಿ ನಡೆಯಲಿದೆ.

* ಆಲ್ ಇಂಗ್ಲೆಂಡ್ ಕ್ಲಬ್‌ನಲ್ಲಿರುವ ಮೂರು ಪ್ರಮುಖ ಟೆನ್ನಿಸ್ ಕೋರ್ಟ್‌ಗಳೆಂದರೆ ಸೆಂಟರ್ ಕೋರ್ಟ್, ಕೋರ್ಟ್ 1 ಮತ್ತು ಕೋರ್ಟ್ 2. ಇತರ ಗ್ರ್ಯಾಂಡ್ ಸ್ಲ್ಯಾಮ್ ಸ್ಥಳಗಳಿಗಿಂತ ಭಿನ್ನವಾಗಿ ಆಲ್ ಇಂಗ್ಲೆಂಡ್ ಕ್ಲಬ್ ತನ್ನ ಅಂಕಣಗಳಿಗೆ ಮಾಜಿ ಆಟಗಾರರ ಹೆಸರನ್ನು ಇಟ್ಟಿರುವುದಿಲ್ಲ.

ಸೆಂಟರ್ ಕೋರ್ಟ್ ಸುಮಾರು 15,000 ಪ್ರೇಕ್ಷಕರ ಆಸನದ ಸಾಮರ್ಥ್ಯವನ್ನು ಹೊಂದಿರುವ ಅತ್ಯಂತ ದೊಡ್ಡ ಟೆನ್ನಿಸ್ ಕೋರ್ಟ್ ಆಗಿದೆ. ಕೋರ್ಟ್ 1ರಲ್ಲಿ 12,345 ಆಸನ ಸಾಮರ್ಥ್ಯವಿದ್ದರೆ, ಕೋರ್ಟ್ 2ರಲ್ಲಿ 4,000 ಆಸನಗಳನ್ನು ಹೊಂದಿದೆ.

2023ರ ವಿಂಬಲ್ಡನ್‌ನಲ್ಲಿ ಯಾರೆಲ್ಲಾ ಭಾಗಿ?

ಅಗ್ರ ಶ್ರೇಯಾಂಕದ ಆಟಗಾರರು ಆರಂಭಿಕ ಸುತ್ತುಗಳಲ್ಲಿ ಮುಖಾಮುಖಿಯಾಗುವುದಿಲ್ಲ. ಪಂದ್ಯಾವಳಿ ಮುಂಚಿತವಾಗಿ ಘೋಷಿಸಲಾದ 32 ಶ್ರೇಯಾಂಕದ ಆಟಗಾರರು ಸ್ವಯಂಚಾಲಿತವಾಗಿ ಮುಖ್ಯ ಪಂದ್ಯಾವಳಿಯನ್ನು ಪ್ರವೇಶಿಸುತ್ತಾರೆ. 2021ರ ಚಾಂಪಿಯನ್‌ಶಿಪ್‌ನಿಂದ, ಪುರುಷರ ಮತ್ತು ಮಹಿಳೆಯರ ಸಿಂಗಲ್ಸ್‌ನ ಶ್ರೇಯಾಂಕಗಳು ವಿಶ್ವ ಶ್ರೇಯಾಂಕಗಳನ್ನು ಆಧರಿಸಿರುತ್ತದೆ.

ಪುರುಷ ಆಟಗಾರರು - ಶ್ರೇಯಾಂಕ ಆಧಾರಿತ

1. ಕಾರ್ಲೋಸ್ ಅಲ್ಕರಾಜ್ (ಸ್ಪೇನ್)
2. ನೊವಾಕ್ ಜೊಕೊವಿಕ್ (ಸರ್ಬಿಯಾ)
3. ಡೇನಿಯಲ್ ಮೆಡ್ವೆಡೆವ್ (ರಷ್ಯಾ)
4. ಕ್ಯಾಸ್ಪರ್ ರೂಡ್ (ನಾರ್ವೆ)
5. ಸ್ಟೆಫಾನೋಸ್ ಸಿಟ್ಸಿಪಾಸ್ (ಗ್ರೀಸ್)
6. ಹೋಲ್ಗರ್ ರೂನ್ (ಡೆನ್ಮಾರ್ಕ್)
7. ಆಂಡ್ರೆ ರುಬ್ಲೆವ್ (ರಷ್ಯಾ)
8. ಟೇಲರ್ ಫ್ರಿಟ್ಜ್ (ಯುಎಸ್ಎ)
9. ಜಾನಿಕ್ ಸಿನ್ನರ್ (ಇಟಲಿ)
10. ಫ್ರಾನ್ಸಿಸ್ ಟಿಯಾಫೊ (ಯುಎಸ್ಎ)

ಮಹಿಳಾ ಆಟಗಾರ್ತಿಯರು - ಶ್ರೇಯಾಂಕ ಆಧಾರಿತ

1. ಇಗಾ ಸ್ವಿಯಾಟೆಕ್ (ಪೋಲೆಂಡ್)
2. ಅರಿನಾ ಸಬಲೆಂಕಾ (ಬೆಲಾರಸ್)
3. ಎಲೆನಾ ರೈಬಾಕಿನಾ (ಕಝಾಕಿಸ್ತಾನ್)
4. ಕ್ಯಾರೋಲಿನ್ ಗಾರ್ಸಿಯಾ (ಫ್ರಾನ್ಸ್)
5. ಜೆಸ್ಸಿಕಾ ಪೆಗುಲಾ (ಯುಎಸ್)
6. ಓನ್ಸ್ ಜಬೇರ್ (ಟುನೀಶಿಯಾ)
7. ಕೊಕೊ ಗೌಫ್ (ಯುಎಸ್)
8. ಮರಿಯಾ ಸಕ್ಕರಿ (ಗ್ರೀಸ್)
9. ಪೆಟ್ರಾ ಕ್ವಿಟೋವಾ (ಜೆಕ್ ರಿಪಬ್ಲಿಕ್)
10. ಬೀಟ್ರಿಜ್ ಹಡ್ಡಾದ್ ಮಾಯಾ (ಬ್ರೆಜಿಲ್)

ಟಿವಿಯಲ್ಲಿ ವಿಂಬಲ್ಡನ್ ಪಂದ್ಯಾವಳಿಯನ್ನು ಎಲ್ಲಿ ವೀಕ್ಷಿಸಬೇಕು?

ಟೆನ್ನಿಸ್ ಪ್ರಿಯರಿಗಾಗಿ ಪ್ರತಿ ದೇಶದ ವಿಂಬಲ್ಡನ್‌ನ ಅಧಿಕೃತ ಪ್ರಸಾರಕರ ಸಂಪೂರ್ಣ ಪಟ್ಟಿ ಇಲ್ಲಿದೆ.

* ಆಫ್ರಿಕಾ: ಕೆನಾಲ್ ಪ್ಲಸ್ ಇಂಟರ್‌ನ್ಯಾಷನಲ್

* ಯುರೋಪ್: ಯುರೋಸ್ಪೋರ್ಟ್, ಬಿಬಿಸಿ, ಸರನ್ ಸ್ಪೋರ್ಟ್

* ಏಷ್ಯಾ ಪೆಸಿಫಿಕ್ ಮತ್ತು ಓಷಿಯಾನಿಯಾ: ನೈನ್ ಮತ್ತು ಸ್ಟಾನ್ ಸ್ಪೋರ್ಟ್, ಸ್ಕೈ, ಡಿಜಿಸೆಲ್, ಟಿವಿ ವಾನ್

* ಭಾರತ ಮತ್ತು ಉಪಖಂಡ: ಸ್ಟಾರ್ ಸ್ಪೋರ್ಟ್ಸ್

* ಲ್ಯಾಟಿನ್ ಅಮೇರಿಕಾ ಮತ್ತು ಕೆರಿಬಿಯನ್: ESPN, ಲ್ಯಾಟಿನ್ ಅಮೇರಿಕಾ

* ಮಧ್ಯಪ್ರಾಚ್ಯ: beIN ಕ್ರೀಡೆ

* ಉತ್ತರ ಅಮೇರಿಕಾ: ESPN, ಟೆನ್ನಿಸ್ ಚಾನೆಲ್, TSN/RDS