Wimbledon 2023: ಜುವಾನ್ ಮ್ಯಾನುಯೆಲ್‌ಗೆ ಸೋಲುಣಿಸಿ ಎರಡನೇ ಸುತ್ತಿಗೆ ಕಾಲಿಟ್ಟ ಜಾನಿಕ್ ಸಿನ್ನರ್

ನಂ.8 ಶ್ರೇಯಾಂಕದ ಜಾನಿಕ್ ಸಿನ್ನರ್ ತನ್ನ ವಿಂಬಲ್ಡನ್ 2023 ಅಭಿಯಾನವನ್ನು ಅದ್ಭುತವಾಗಿ ಆರಂಭಿಸಿದ್ದಾರೆ. ಮೊದಲ ಸುತ್ತಿನಲ್ಲಿ ಅರ್ಜೆಂಟೀನಾದ ಜುವಾನ್ ಮ್ಯಾನುಯೆಲ್ ಸೆರುಂಡೊಲೊ ಅವರನ್ನು ಎದುರಿಸಿದ ಸಿನ್ನರ್ ನೇರ ಸೆಟ್‌ಗಳ ಗೆಲುವು ಸಾಧಿಸಿದ್ದಾರೆ. ಸಿನ್ನರ್ ತನ್ನ ಎದುರಾಳಿಯನ್ನು 6-2, 6-2, 6-2 ಸೆಟ್‌ಗಳಿಂದ ಮಣಿಸಿದ್ದಯ ಒಂದು ಗಂಟೆ 30 ನಿಮಿಷಗಳಲ್ಲಿ ಗೆಲುವು ಸಾಧಿಸಿದ್ದಾರೆ. ಈ ಮೂಲಕ ಎರಡನೇ ಸುತ್ತಿಗೆ ಪ್ರವೇಶ ಪಡೆದುಕೊಂಡಿದ್ದಾರೆ.

ಸಿನ್ನರ್ ತನ್ನ ಮೊದಲ ಮತ್ತು ಎರಡನೇ ಸರ್ವ್‌ಗಳಲ್ಲಿ ಪರಿಣಾಮಕಾರಿಯೆನಿಸಿದರು. 21ರ ಹರೆಯದ ಅವರು ಆರು ವಿರಾಮಗಳ ಸರ್ವ್‌ಗಳನ್ನು ಬ್ರೇಕ್‌ ಮಾಡಿದರೆ ಎದುರಾಳೀಗೆ ಸೆರುಂಡೊಲೊಗೆ ಒಂದನ್ನು ಸಹ ಅವಕಾಶ ನೀಡಲಿಲ್ಲ. ಸೆರುಂಡೊಲೊ ತನ್ನ ಎರಡನೇ ಸರ್ವ್‌ಗಳೊಂದಿಗೆ ತಾತ್ಕಾಲಿಕವಾಗಿ ಮೂರು ಡಬಲ್ ಫಾಲ್ಟ್‌ಗಳನ್ನು ಮಾಡಿದರು. ಈ ಪಂದ್ಯದಲ್ಲಿ 24 ಬಲವಂತದ ತಪ್ಪುಗಳನ್ನು ಮಾಡಿದ್ದು ಅವರ ಹಿನ್ನಡೆಗೆ ಕಾರಣವಾಯಿತು.

ಇನ್ನು ಮತ್ತೊಂದೆಡೆ ವಿಶ್ವದ ನಂಬರ್ ಒನ್ ಆಟಗಾರ್ತಿ ಇಗಾ ಸ್ವಿಟೆಕ್ ತನ್ನ 2023ರ ವಿಂಬಲ್ಡನ್ ಅಭಿಯಾನವನ್ನು ಭರ್ಜರಿಯಾಗಿ ಆರಂಭಿಸಿದ್ದಾರೆ. ಮೊದಲ ಸುತ್ತಿನಲ್ಲಿ ಚೀನಾದ ಝು ಲಿನ್ ವಿರುದ್ಧ ಕಣಕ್ಕಿಳಿದಿದ್ದ ಸ್ವಿಯಾಟಿಕ್ ಅದ್ಭುತ ಜಯ ಸಾಧಿಸಿದರು. ಲಿನ್ ಅವರನ್ನು 6-1, 6-3 ನೇರ ಸೆಟ್‌ಗಳಿಂದ ಸೋಲಿಸಿ ವಿಂಬಲ್ಡನ್‌ನ 2ನೇ ಸುತ್ತಿಗೆ ಪ್ರವೇಶ ಪಡೆದುಕೊಂಡಿದ್ದಾರೆ.

22 ವರ್ಷದ ಪೋಲಿಷ್ ಆಟಗಾರ್ತಿ ಇತ್ತೀಚೆಗೆ ತನ್ನ ಮೂರನೇ ಫ್ರೆಂಚ್ ಓಪನ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದು ಈಗ ಹುಲ್ಲಿನ ಅಂಗಳದಲ್ಲಿ ತನ್ನ ಮೊದಲ ಗ್ರ್ಯಾಂಡ್ ಸ್ಲಾಮ್ ಗೆಲುವಿಗಾಗಿ ಪೈಪೋಟಿ ನಡೆಸುತ್ತಿದ್ದಾರೆ. ಅದ್ಭಿತ ಪ್ರದರ್ಶನದ ಹೊರತಾಗಿಯೂ ಸ್ವಿಟೆಕ್ ಹಿಂದಿನ ವರ್ಷಗಳಲ್ಲಿ ವಿಂಬಲ್ಡನ್‌ನಲ್ಲಿ ನಾಲ್ಕನೇ ಸುತ್ತನ್ನು ಮೀರಿ ಮುನ್ನಡೆಯಲು ಸಾಧ್ಯವಾಗಿಲ್ಲ.

ತನ್ನ ಅದ್ಭುತ ಗೆಲುವಿನ ನಂತರ ಸ್ವಿಟೆಕ್ ತನ್ನ ಪ್ರದರ್ಶನದ ಬಗ್ಗೆ ತನ್ನ ಆತ್ಮವಿಶ್ವಾಸ ಮತ್ತು ಸಂತಸ ವ್ಯಕ್ತಪಡಿಸಿದ್ದಾರೆ. 2023ರ ರೋಲ್ಯಾಂಡ್ ಗ್ಯಾರೋಸ್ ಗೆದ್ದ ನಂತರ ಇದೀಗ ವಿಂಬಲ್ಡನ್ ಎತ್ತಲು ಸಿದ್ದತೆ ನಡೆಸಬಹುದು ಎಂಬ ಆತ್ಮವಿಶ್ವಾಸದ ಮಾತುಗಳನ್ನಾಡಿದ್ದಾರೆ.

"ನಾನು ನಿಜವಾಗಿಯೂ ಆತ್ಮವಿಶ್ವಾಸವನ್ನು ಹೊಂದಿದ್ದೇನೆ. ನಾನು ತುಂಬಾ ಒಳ್ಳೆಯ ಕೆಲಸ ಮಾಡಿದ್ದೇನೆ ಎಂಬ ಭಾವನೆ ಮೂಡಿಸಿತು ಈ ಗೆಲುವು. ಕಳೆದ ವರ್ಷ ಫ್ರೆಂಚ್ ಓಪನ್‌ನಲ್ಲಿ ನನ್ನ ಎರಡನೇ ಗ್ರ್ಯಾಂಡ್‌ಸ್ಲಾಮ್ ಆಗಿತ್ತು ಅದು ಬಹಳ ದೊಡ್ಡ ಸಂಭ್ರಮವಾಗಿತ್ತು. ಈ ಸಂದರ್ಭದಲ್ಲಿ ನಾನು ಗೆಲುವನ್ನು ಅನುಭವಿಸಬಹುದು ಮತ್ತು ಶಾಂತವಾಗಿ ಮತ್ತೆ ಕಾರ್ಯದತ್ತ ಮರಳಬಹುದು" ಎಂದಿದ್ದಾರೆ ಸ್ವಿಟೆಕ್.