Wimbledon 2024: ಜಾಸ್ಮಿನ್ ಪಾವೊಲಿನಿ ಸೋಲಿಸಿ ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ಬಾರ್ಬೊರಾ ಕ್ರೆಜ್ಸಿಕೋವಾ

ಶನಿವಾರ, ಜುಲೈ 13ರಂದು ಲಂಡನ್‌ನಲ್ಲಿ ನಡೆದ 2024ರ ವಿಂಬಲ್ಡನ್ ಟೂರ್ನಿಯ ಮಹಿಳಾ ಸಿಂಗಲ್ಸ್ ಫೈನಲ್‌ನಲ್ಲಿ ಜಾಸ್ಮಿನ್ ಪಾವೊಲಿನಿ ಅವರನ್ನು 6-2, 2-6, 6-4 ಸೆಟ್‌ಗಳಿಂದ ಸೋಲಿಸಿದ ಬಾರ್ಬೊರಾ ಕ್ರೆಜ್ಸಿಕೋವಾ 2024ರ ವಿಂಬಲ್ಡನ್ ಮಹಿಳಾ ಸಿಂಗಲ್ಸ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು.

ಜಾಸ್ಮಿನ್ ಪಾವೊಲಿನಿ ವಿರುದ್ಧ ವಿಜಯೋತ್ಸವ ಆಚರಿಸಲು 28ರ ಹರೆಯದ ಆಟಗಾರ್ತಿ ಬಾರ್ಬೊರಾ ಕ್ರೆಜ್ಸಿಕೋವಾ ಒಂದು ಗಂಟೆ 56 ನಿಮಿಷಗಳನ್ನು ತೆಗೆದುಕೊಂಡರು.

2021ರಲ್ಲಿ ಬಾರ್ಬೊರಾ ಕ್ರೆಜ್ಸಿಕೋವಾ 2021ರ ಫ್ರೆಂಚ್ ಓಪನ್ ಟ್ರೋಫಿಯನ್ನು ಗೆದ್ದರು ಮತ್ತು ಗ್ರ್ಯಾಂಡ್ ಸ್ಲ್ಯಾಮ್ ಫೈನಲ್‌ನಲ್ಲಿ ಎರಡನೇ ಬಾರಿಗೆ ಕಾಣಿಸಿಕೊಂಡರು, ಇದೀಗ ಮತ್ತೊಂದು ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿ ಎತ್ತಿದರು.

2017ರಲ್ಲಿ ನಿಧನರಾದ ಬಾರ್ಬೊರಾ ಕ್ರೆಜ್ಸಿಕೋವಾ ಅವರ ಮಾರ್ಗದರ್ಶಕಿ ಜನಾ ನೊವೊಟ್ನಾ ಅವರು 1998ರ ವಿಂಬಲ್ಡನ್‌ನಲ್ಲಿ ತಮ್ಮ ಏಕೈಕ ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಯನ್ನು ಗೆದ್ದಿದ್ದರು.

ಸಿಂಗಲ್ಸ್ ಗ್ರ್ಯಾಂಡ್ ಸ್ಲ್ಯಾಮ್ ಅನ್ನು ಗೆದ್ದ ಮೊದಲ ಇಟಾಲಿಯನ್ ಪುರುಷ ಅಥವಾ ಮಹಿಳೆಯಾಗುವ ಅವಕಾಶವನ್ನು ಜಾಸ್ಮಿನ್ ಪಾವೊಲಿನಿ ಹೊಂದಿದ್ದರು. ಆದರೆ ಇತಿಹಾಸ ಸೃಷ್ಟಿಸುವಲ್ಲಿ ವಿಫಲವಾದಳು.

ಈ ವರ್ಷದ ಆರಂಭದಲ್ಲಿ ರೋಲ್ಯಾಂಡ್ ಗ್ಯಾರೋಸ್‌ನಲ್ಲಿ ನಡೆದ ಫ್ರೆಂಚ್ ಓಪನ್‌ನ ಫೈನಲ್‌ನಲ್ಲಿ ವಿಶ್ವ ನಂ.1 ಇಗಾ ಸ್ವಿಯಾಟೆಕ್ ವಿರುದ್ಧ ಸೋತಾಗಲೂ ಜಾಸ್ಮಿನ್ ಪಾವೊಲಿನಿ ಆಘಾತವನ್ನು ಎದುರಿಸಿದ್ದಳು.

ಜಾಸ್ಮಿನ್ ಪಾವೊಲಿನಿ ಮತ್ತೊಮ್ಮೆ ಸೋಲಿನ ವಿರುದ್ಧ ಹೋರಾಡಲು ಸಾಧ್ಯವಾಗಲಿಲ್ಲ. ಆದರೆ ಬಾರ್ಬೊರಾ ಕ್ರೆಜ್ಸಿಕೋವಾ ವಿರುದ್ಧ ತನ್ನ ಬಲವಾದ ಪ್ರತಿರೋಧ ಒಡ್ಡಿದಳು. ಮೊದಲನೆಯದಾಗಿ, ಜಾಸ್ಮಿನ್ ಪಾವೊಲಿನಿ ವಿಂಬಲ್ಡನ್ ಫೈನಲ್ ತಲುಪಿದ ಮೊದಲ ಇಟಾಲಿಯನ್ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದಳು.

2022ರ ಚಾಂಪಿಯನ್ ಎಲೆನಾ ರೈಬಾಕಿನಾ ವಿರುದ್ಧದ ಗೆಲುವಿನಿಂದ ತನ್ನ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಂಡಂತೆ ತೋರುತ್ತಿದ್ದ ಬಾರ್ಬೊರಾ ಕ್ರೆಜ್ಸಿಕೋವಾ ತನ್ನ ಪರವಾಗಿ ಮೊದಲ ಸೆಟ್ ಸಂಪೂರ್ಣವಾಗಿ ಏಕಪಕ್ಷೀಯ ಆಟವಾಗಿತ್ತು.

ಡಬಲ್ ಕ್ವಿಕ್ ಟೈಮ್‌ನಲ್ಲಿ ಸೆಟ್ ಗೆಲ್ಲಲು ಬಾರ್ಬೊರಾ ಕ್ರೆಜ್ಸಿಕೋವಾ ಡಬಲ್ ಬ್ರೇಕ್ ಗಳಿಸಿದಳು. ಜಾಸ್ಮಿನ್ ಪಾವೊಲಿನಿ ಎರಡು ಬ್ರೇಕ್ ಪಾಯಿಂಟ್‌ ಉಳಿಸಿದಳು. ಆದರೆ ಜೆಕ್ ಗಣರಾಜ್ಯದ ಬಾರ್ಬೊರಾ ಕ್ರೆಜ್ಸಿಕೋವಾ ಇಟಾಲಿಯನ್ ಆಟಗಾರ್ತಿಗೆ ಹೆಚ್ಚು ವಿಶ್ರಾಂತಿ ಪಡೆಯುವ ಸಮಯವನ್ನು ನೀಡಲಿಲ್ಲ.

ಎರಡನೇ ಸೆಟ್ ಸಂಪೂರ್ಣವಾಗಿ ವಿಭಿನ್ನ ಕಥೆಯಾಗಿತ್ತು. ಮೊದಲ ಸೆಟ್‌ನಲ್ಲಿ ಹಿನ್ನಡೆ ಸನುಭವಿಸಿದಾಗ ಜಾಸ್ಮಿನ್ ಪಾವೊಲಿನಿ ಸಾಕಷ್ಟು ಧೈರ್ಯದಿಂದ ತಿರುಗೇಟು ನೀಡಿದಳು.

ಡಬಲ್ ಬ್ರೇಕ್‌ನೊಂದಿಗೆ ಎರಡನೇ ಸೆಟ್ ಗೆಲುವಿನೊಂದಿಗೆ ಮರಳಿದಳು ಮತ್ತು ಪಂದ್ಯವನ್ನು ನಿರ್ಣಾಯಕ ಆಟಕ್ಕೆ ತೆಗೆದುಕೊಂಡು ಹೋದಳು. ಆರಂಭಿಕ ಸೆಟ್‌ನಲ್ಲಿದ್ದಕ್ಕಿಂತ ಹೆಚ್ಚು ಆಕ್ರಮಣಕಾರಿಯಾಗಿದ್ದಳು ಮತ್ತು ಒತ್ತಡವನ್ನು ಬಾರ್ಬೊರಾ ಕ್ರೆಜ್ಸಿಕೋವಾಗೆ ಹಿಂತಿರುಗಿಸಿದಳು.

ಮೂರನೇ ಸೆಟ್‌ನಲ್ಲಿ ಬಾರ್ಬೊರಾ ಕ್ರೆಜ್ಸಿಕೋವಾ 4-3 ಅಂತರದಲ್ಲಿ ನಿರ್ಣಾಯಕ ಸರ್ವ್‌ನ ವಿರಾಮವನ್ನು ಗಳಿಸುವ ಮೊದಲು ಇಬ್ಬರೂ ಆಟಗಾರರು ನೆಕ್-ಟು-ನೆಕ್ ಫೈಟ್ ಮಾಡಿದರು.

ಜಾಸ್ಮಿನ್ ಪಾವೊಲಿನಿ ಆಟದಲ್ಲಿ ಉಳಿಯಲು ಒಂದೆರಡು ಚಾಂಪಿಯನ್‌ಶಿಪ್ ಅಂಕಗಳನ್ನು ಉಳಿಸಿದಳು. ಆದರೆ ಬಾರ್ಬೊರಾ ಕ್ರೆಜ್ಸಿಕೋವಾ ಕೊನೆಯಲ್ಲಿ ಗೆಲುವಿನ ನಗುವನ್ನು ಬೀರಿದರು.

ಈ ಗೆಲುವಿನೊಂದಿಗೆ ಬಾರ್ಬೊರಾ ಕ್ರೆಜ್ಸಿಕೋವಾ ಅವರು ಡಬ್ಲ್ಯುಟಿಎ ಶ್ರೇಯಾಂಕದಲ್ಲಿ ಅಗ್ರ 10ರೊಳಗೆ ಮರಳಲಿದ್ದಾರೆ. ಅಲ್ಲದೆ ಜೂನ್ 26ರಂದು ನಡೆಯಲಿರುವ ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಮರಳಲಿದ್ದಾರೆ.