ಏಷ್ಯಾ ಕಪ್ 2022: ಅಂತೂ ರವೀಂದ್ರ ಜಡೇಜಾ ಬಗ್ಗೆ ಒಳ್ಳೆಯ ಮಾತಾಡಿದ ಸಂಜಯ್ ಮಂಜ್ರೇಕರ್!

ಭಾರತೀಯ ಆಲ್‌ರೌಂಡರ್ ರವೀಂದ್ರ ಜಡೇಜಾರನ್ನು ಅವಕಾಶ ಸಿಕ್ಕಾಗಲೆಲ್ಲ ಟೀಕಿಸುತ್ತ, ಕೆಣುಕತ್ತಲೇ ಇರುತ್ತಿದ್ದ ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಪಾಕಿಸ್ತಾನ ವಿರುದ್ಧದ ಪಂದ್ಯದ ನಂತರ ಒಳ್ಳೆಯ ಮಾತಾಡಿರುವುದು ಅಚ್ಚರಿಗೆ ಕಾರಣವಾಗಿದೆ.

ಮಾಜಿ ಭಾರತೀಯ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಅವರು ಪಾಕಿಸ್ತಾನದ ವಿರುದ್ಧ ಧೀರ ಪ್ರಯತ್ನದ ನಂತರ ರವೀಂದ್ರ ಜಡೇಜಾ ಅವರನ್ನು ಈಗ ಭಾರತದ ಬ್ಯಾಟಿಂಗ್ ಆಲ್‌ರೌಂಡರ್ ಆಗಿ ನೋಡಬಹುದು ಎಂದು ಹೇಳಿದ್ದಾರೆ.

ಪಾಕಿಸ್ತಾನದ ಸ್ಪಿನ್ನರ್‌ಗಳಾದ ಶಾದಾಬ್ ಖಾನ್ ಮತ್ತು ಮೊಹಮ್ಮದ್ ನವಾಜ್ ಭಾರತದ ರನ್ ವೇಗಕ್ಕೆ ಕಡಿವಾಣ ಹಾಕಿದರ್ದರು. ಭಾರತ ತಂಡ ಆರಂಭಿಕ ವಿಕೆಟ್‌ಗಳನ್ನು ಕಳೆದುಕೊಂಡು ಅನಿಶ್ಚಿತ ಸನ್ನಿವೇಶದಲ್ಲಿದ್ದಾಗ ರವೀಂದ್ರ ಜಡೇಜಾ ಭಾನುವಾರದಂದು ನಂ.4ರ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಬಂದರು.

ಆದಾಗ್ಯೂ, ಭಾರತೀಯ ಆಲ್‌ರೌಂಡರ್ ಜಡೇಜಾ ಪಾಕಿಸ್ತಾನ ಬೌಲರ್‌ಗಳ ವಿರುದ್ಧ ನಿಧಾನವಾಗಿ ರನ್ ವೇಗಕ್ಕೆ ಚುರುಕು ನೀಡಿದರು ಮತ್ತು ಅವಶ್ಯವಾದ 35 ರನ್ ಗಳಿಸಿದರು. ಕೊನೆಯ ಓವರ್‌ನಲ್ಲಿ ತಂಡವು ಗೆಲುವಿನ ಗೆರೆಯನ್ನು ಪಡೆಯುತ್ತಿದ್ದಂತೆ ಮ್ಯಾಚ್ ವಿನ್ನರ್ ಹಾರ್ದಿಕ್ ಪಾಂಡ್ಯಗೆ ಸಾಕಷ್ಟು ಬೆಂಬಲವನ್ನು ನೀಡಿದರು.

ಕ್ರೀಡಾ ಸುದ್ದಿ ಶೋ SPORTS OVER TOPನಲ್ಲಿ ಪ್ರತ್ಯೇಕವಾಗಿ ಮಾತನಾಡಿದ ಮಾಜಿ ಭಾರತೀಯ ಬ್ಯಾಟ್ಸ್‌ಮನ್ ಸಂಜಯ್ ಮಂಜ್ರೇಕರ್, ರವೀಮದ್ರ ಜಡೇಜಾ ಅವರ ಬ್ಯಾಟಿಂಗ್ ಕ್ರಮಾಂಕವನ್ನು ಹೆಚ್ಚಿಸುವ ಕ್ರಮವನ್ನು ನಾನು ಇಷ್ಟಪಟ್ಟಿದ್ದೇನೆ ಮತ್ತು ಇದು ಜೂಜು ಅಲ್ಲ ಎಂದು ಹೇಳಿದರು.

ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಅವರು 33 ವರ್ಷ ವಯಸ್ಸಿನ ಆಲ್‌ರೌಂಡರ್ ರವೀಂದ್ರ ಜಡೇಜಾ ಈಗ ಬ್ಯಾಟಿಂಗ್ ಆಲ್‌ರೌಂಡರ್ ಆಗಿ ನೋಡಬಹುದು ಎಂದು ಹೇಳಿದರು ಮತ್ತು ಅವರು ವೈಟ್-ಬಾಲ್ ಕ್ರಿಕೆಟ್‌ನಲ್ಲಿ ತಂಡಕ್ಕಾಗಿ ಪ್ರಮುಖ ಬ್ಯಾಟಿಂಗ್ ಸ್ಥಾನಗಳನ್ನು ತೆಗೆದುಕೊಳ್ಳಲಿದ್ದಾರೆ ಎಂದು ತಿಳಿಸಿದರು.

"ಹೌದು. ತುಂಬಾ ಒಳ್ಳೆಯ ನಡೆ ಮತ್ತು ನಾನು ಅದನ್ನು ಇಷ್ಟಪಟ್ಟೆ ಮತ್ತು ಇದು ಜೂಜು ಎಂದು ನಾನು ಭಾವಿಸುವುದಿಲ್ಲ. ಇದು ವೈಲ್ಡ್ ಕಾರ್ಡ್ ಆಗಿರಲಿಲ್ಲ ಏಕೆಂದರೆ ಪಾಕಿಸ್ತಾನವು ಇಬ್ಬರು ಸ್ಪಿನ್ನರ್‌ಗಳು, ಒಬ್ಬ ಲೆಗ್ ಸ್ಪಿನ್ನರ್ ಮತ್ತು ಎಡಗೈ ಸ್ಪಿನ್ನರ್ ಮೊಹಮ್ಮದ್ ನವಾಜ್ ಮತ್ತು ಶಾದಾಬ್ ಅವರೊಂದಿಗೆ ಪ್ರಭಾವಿಯಾಗಿ ಬೌಲಿಂಗ್ ಮಾಡುತ್ತಿತ್ತು. ಎಡಗೈ ಆಟಗಾರ ರವೀಂದ್ರ ಜಡೇಜಾ ಬ್ಯಾಟಿಂಗ್‌ಗೆ ಬರುವುದರಿಂದ ಸ್ವಲ್ಪ ಕಷ್ಟವಾಗುತ್ತದೆ. ಚೆಂಡು ಕೂಡ ಹಸಿರು ಬಣ್ಣದಿಂದ ಕಾಣುತ್ತಿತ್ತು, ಆದರೆ ಚೆಂಡು ತಿರುಗುತ್ತಿತ್ತು. ಆದ್ದರಿಂದ ಸ್ಪಿನ್ನರ್‌ಗಳು ಪ್ರಭಾವ ಬೀರಲು ಹೊರಟಿದ್ದರು. ಆಗ ರವೀಂದ್ರ ಜಡೇಜಾ ಕ್ರೀಸ್‌ಗೆ ಆಗಮನ ಚೆನ್ನಾಗಿತ್ತು," ಎಂದರು.

"ಮತ್ತೊಂದು ದೀರ್ಘಾವಧಿಯ ಸುಳಿವು ಅಥವಾ ಆಲೋಚನೆಯಾಗಿರುವುದು. ಈಗ ನಿಧಾನವಾಗಿ ವೈಟ್ ಬಾಲ್ ಕ್ರಿಕೆಟ್‌ನಲ್ಲಿ ರವೀಂದ್ರ ಜಡೇಜಾರನ್ನು ಈಗ ಬ್ಯಾಟಿಂಗ್ ಆಲ್‌ರೌಂಡರ್ ಆಗಿ ನೋಡಬಹುದು. 2 ಓವರ್‌ಗಳನ್ನು ಬೌಲ್ ಸಹ ಮಾಡಿದರು. ಭಾರತ ತಂಡ ಹಾರ್ದಿಕ್ ಪಾಂಡ್ಯ ಅವರನ್ನು ಹೆಚ್ಚುವರಿ ಬೌಲರ್ ಆಗಿ ಪಡೆದಿದೆ, ಇದೇ ವೇಳೆ ಜಡೇಜಾ ಪುಶ್-ಇನ್ ಬೌಲರ್ ಕೂಡ ಆಗಿದ್ದು, ಉಳಿದ ವೇಗಿಗಳು ಉತ್ತಮವಾಗಿ ಬೌಲಿಂಗ್ ಮಾಡಬಹುದು. ನಾವು ನಿಧಾನವಾಗಿ ರವೀಂದ್ರ ಜಡೇಜಾ ವೈಟ್‌ಬಾಲ್ ಕ್ರಿಕೆಟ್‌ನಲ್ಲಿ ಬ್ಯಾಟಿಂಗ್ ಆಲ್‌ರೌಂಡರ್ ಆಗುವ ಪರಿವರ್ತನೆಯನ್ನು ನೋಡುತ್ತಿದ್ದೇವೆ," ಎಂದು ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಹೇಳಿದರು.