Asia Cup 2023: ನೇಪಾಳ ವಿರುದ್ಧ ಭರ್ಜರಿ ಶತಕ; ಲಾರಾ, ವಾರ್ನರ್ ದಾಖಲೆ ಸರಿಗಟ್ಟಿದ ಬಾಬರ್ ಅಜಂ!

ಬುಧವಾರ, ಆಗಸ್ಟ್ 30ರಂದು ಮುಲ್ತಾನ್‌ನಲ್ಲಿ ನಡೆದ 2023ರ ಏಷ್ಯಾ ಕಪ್ ಪಂದ್ಯಾವಳಿಯ ನೇಪಾಳ ವಿರುದ್ಧದ ಉದ್ಘಾಟನಾ ಪಂದ್ಯದಲ್ಲಿ ಪಾಕಿಸ್ತಾನದ ನಾಯಕ ಬಾಬರ್ ಅಜಂ ಭರ್ಜರಿ ಶತಕದೊಂದಿಗೆ ಅಭಿಯಾನವನ್ನು ಪ್ರಾರಂಭಿಸಿದರು.

ಮುಲ್ತಾನ್ ಕ್ರಿಕೆಟ್ ಮೈದಾನದಲ್ಲಿ ನೇಪಾಳದ ಶಿಸ್ತುಬದ್ಧ ಬೌಲಿಂಗ್ ದಾಳಿಯಿಂದ ಪಾಕಿಸ್ತಾನ ತಂಡದ ಆರಂಭಿಕ ಬ್ಯಾಟರ್‌ಗಳು ತತ್ತರಿಸಿದ ನಂತರ, ನಾಯಕ ಬಾಬರ್ ಅಜಂ ತಂಡಕ್ಕೆ ಒಂದು ಬದಿಯಿಂದ ಕ್ರೀಸ್‌ಗೆ ಅಂಟಿಕೊಂಡು ಆಡಿದರು.

ಇದೇ ವೇಳೆ ಬಾಬರ್ ಅಜಂ ಅವರು ಕೇವಲ 109 ಎಸೆತಗಳಲ್ಲಿ 19ನೇ ಏಕದಿನ ಶತಕವನ್ನು ಬಾರಿಸಿದರು. ಏಕೆಂದರೆ, ಅವರು ಪಂದ್ಯದ 42ನೇ ಓವರ್‌ನಲ್ಲಿ ಪಾಕಿಸ್ತಾನ ತಂಡವು ದೊಡ್ಡ ಮೊತ್ತ ಗಳಿಸಲು ಸಹಾಯ ಮಾಡಿದರು.

ಇದಕ್ಕೂ ಮೊದಲು ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ನಂತರ, ಆರಂಭಿಕ ಆಘಾತವನ್ನು ಮೆಟ್ಟಿನಿಂತು ತಂಡವನ್ನು ಅಪಾಯದಿಂದ ಪಾರುಮಾಡುವ ಜವಾಬ್ದಾರಿ ಬಾಬರ್ ಅಜಂ ಹೇಗಲೇರಿತು.

5ನೇ ವಿಕೆಟ್‌ಗೆ ವೇಗದ 130ಕ್ಕೂ ಅಧಿಕ ರನ್‌ಗಳ ಜೊತೆಯಾಟ

ಬಾಬರ್ ಅಜಂ ತಮ್ಮ ಅರ್ಧಶತಕವನ್ನು ಗಳಿಸಲು 72 ಎಸೆತಗಳಲ್ಲಿ ತೆಗೆದುಕೊಂಡರೆ, ನಂತರ ಬ್ಯಾಟಿಂಗ್ ವೇಗವನ್ನು ಹೆಚ್ಚಿಸಿಕೊಂಡು ಕೇವಲ 37 ಎಸೆತಗಳಲ್ಲಿ ಅವರ ಮುಂದಿನ 50 ರನ್ ಗಳಿಸಿದರು.

ವಿಕೆಟ್ ಕೀಪರ್-ಬ್ಯಾಟರ್ ಮೊಹಮ್ಮದ್ ರಿಜ್ವಾನ್ ರನೌಟ್‌ಗೆ ಕಳೆದುಕೊಂಡಾಗ 22ನೇ ಓವರ್‌ನಲ್ಲಿ 3 ವಿಕೆಟ್‌ಗೆ 111 ರನ್‌ ಗಳಿಸಿ ಪಾಕಿಸ್ತಾನ ತಂಡವು ಸಂಕಷ್ಟದಲ್ಲಿತ್ತು. ಆದರೆ, ಬಾಬರ್ ಅಜಂ ಮತ್ತು ಇಫ್ತಿಕರ್ ಅಹ್ಮದ್ 5ನೇ ವಿಕೆಟ್‌ಗೆ ವೇಗದ 130ಕ್ಕೂ ಅಧಿಕ ರನ್‌ಗಳ ಜೊತೆಯಾಟದೊಂದಿಗೆ ತಮ್ಮ ಪರವಾಗಿ ತಿರುಗಿಸಿದರು.

ಬಾಬರ್ ಅಜಂ 131 ಎಸೆತಗಳಲ್ಲಿ 14 ಬೌಂಡರಿ ಮತ್ತು 4 ಸಿಕ್ಸರ್‌ಗಳ ಮೂಲಕ 151 ರನ್ ಬಾರಿಸಿದರೆ, ಇಫ್ತಿಕರ್ ಅಹ್ಮದ್ 71 ಎಸೆತಗಳಲ್ಲಿ 11 ಬೌಂಡರಿ ಮತ್ತು 4 ಸಿಕ್ಸರ್ ನೆರವಿನಿಂದ 109 ರನ್ ಗಳಿಸಿದರು.

ಶ್ರೇಷ್ಠರ ದಾಖಲೆ ಸರಗಟ್ಟಿದ ಬಾಬರ್ ಅಜಂ

ಬಾಬರ್ ಅಜಂ ಅವರು ನೇಪಾಳ ವಿರುದ್ಧ ಶತಕ ಸಿಡಿಸುವ ಮೂಲಕ ಡೇವಿಡ್ ವಾರ್ನರ್, ಲೆಜೆಂಡ್‌ಗಳಾದ ಬ್ರಿಯಾನ್ ಲಾರಾ ಮತ್ತು ಮಹೇಲಾ ಜಯವರ್ಧನೆ ಅವರ ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 19 ಶತಕಗಳೊಂದಿಗೆ ಗಣ್ಯ ಬ್ಯಾಟರ್‌ಗಳ ಪಟ್ಟಿಯನ್ನು ಸೇರಿಕೊಂಡರು.

ಪಾಕಿಸ್ತಾನ ಪರ ಸಾರ್ವಕಾಲಿಕ 20 ಏಕದಿನ ಶತಕಗಳನ್ನು ಬಾರಿಸಿರುವ ಸಯೀದ್ ಅನ್ವರ್ ಅವರ ದಾಖಲೆಯ ನಂತರ ಬಾಬರ್ ಅಜಂ ಈಗ ಒಬ್ಬರಾಗಿದ್ದಾರೆ.

ಇನ್ನು ಏಷ್ಯಾ ಕಪ್ ಪಂದ್ಯಗಳಲ್ಲಿ ಶತಕ ಬಾರಿಸಿದ ಶಾಹಿದ್ ಅಫ್ರಿದಿ ಮತ್ತು ಶೋಯೆಬ್ ಮಲಿಕ್ ನಂತರ ಬಾಬರ್ ಅಜಂ ಪಾಕಿಸ್ತಾನದ 3ನೇ ನಾಯಕರೆನಿಸಿದರು.

ಏಷ್ಯಾ ಕಪ್‌ನಲ್ಲಿ ಶತಕ ಬಾರಿಸಿದ ಪಾಕಿಸ್ತಾನ ತಂಡದ ನಾಯಕರು

ಶಾಹಿದ್ ಅಫ್ರಿದಿ - 2 - 2010

ಶೋಯೆಬ್ ಮಲಿಕ್ - 1 - 2008

ಬಾಬರ್ ಅಜಂ - 1 - 2023

ಇತ್ತೀಚಿಗೆ ಅಫ್ಘಾನಿಸ್ತಾನ ವಿರುದ್ಧದ ಏಕದಿನ ಸರಣಿಯಲ್ಲಿ ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಜಂ ಅವರು ತಮ್ಮ ತಂಡವು ಕ್ಲೀನ್‌ಸ್ವೀಪ್ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಶ್ರೀಲಂಕಾದಲ್ಲಿ ನಡೆದ ಈ ಸರಣಿಯಲ್ಲಿ ಪಾಕಿಸ್ತಾನವು ಎಲ್ಲಾ ಮೂರು ಪಂದ್ಯಗಳನ್ನು ಗೆಲುವು ಸಾಧಿಸಿತು.

ಆ ಪ್ರಭಾವಶಾಲಿ ಪ್ರದರ್ಶನವು ತಂಡದ ಸ್ಥೈರ್ಯವನ್ನು ಹೆಚ್ಚಿಸಿತು ಮತ್ತು ತಮ್ಮ ತಂಡವನ್ನು ಐಸಿಸಿ ಪುರುಷರ ಏಕದಿನ ತಂಡದ ಶ್ರೇಯಾಂಕದಲ್ಲಿ ಅಗ್ರಸ್ಥಾನಕ್ಕೆ ಏರಿಕೆ ಕಂಡಿದೆ.

ಬಾಬರ್ ಅಜಂ ಅವರ ನಾಯಕತ್ವ ಮತ್ತು ವೈಯಕ್ತಿಕ ಪ್ರದರ್ಶನವು ಈ ಸಾಧನೆಯಲ್ಲಿ ಪ್ರಮುಖ ಅಂಶಗಳಾಗಿವೆ. ಮೂರನೇ ಏಕದಿನ ಪಂದ್ಯದಲ್ಲಿ ಅಮೋಘ 60 ರನ್‌ಗಳನ್ನು ಗಳಿಸಿದರು. ಪಾಕಿಸ್ತಾನ 8 ವಿಕೆಟ್‌ಗೆ 268 ರನ್ ಗಳಿಸುವಲ್ಲಿ ಗಮನಾರ್ಹವಾಗಿ ಕೊಡುಗೆ ನೀಡಿದರು.

ಈ ಬ್ಯಾಟಿಂಗ್ ಪ್ರದರ್ಶನ ಪಾಕಿಸ್ತಾನ ತಂಡವು ಅಫ್ಘಾನಿಸ್ತಾನದ ವಿರುದ್ಧ 59 ರನ್‌ಗಳ ಗೆಲುವು ದಾಖಲಿಸಲು ಸಹಾಯ ಮಾಡಿತು ಮತ್ತು ಸರಣಿಯನ್ನು 3-0 ಅಂತರದಲ್ಲಿ ವಶಪಡಿಸಿಕೊಂಡಿತು.