ಚೆನ್ನೈ ಸೂಪರ್ ಕಿಂಗ್ಸ್ ಗೆ ಆಟಕ್ಕುಂಟು ಲೆಕ್ಕಕ್ಕಿಲ್ಲದ ಡೆಲ್ಲಿ ಸವಾಲು

ನವದೆಹಲಿ, ಮೇ 18: ಐಪಿಎಲ್ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನಿಗ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಕೆಳ ತುದಿಯಲ್ಲಿರುವ ಡೆಲ್ಲಿ ಡೇರ್ ಡೆವಿಲ್ಸ್ ನಡುವೆ ದೆಹಲಿಯ ಫಿರೋಜ್ ಶಾ ಕೋಟ್ಲಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಕಾದಾಟ ನಡೆಯಲಿದೆ.

ಈ ಐಪಿಎಲ್ ಆವೃತ್ತಿಯ 52ನೇ ಪಂದ್ಯವಾಗಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಡೆಲ್ಲಿಗೆ ಗೆಲುವು ಮರ್ಯಾದೆ ಪ್ರಶ್ನೆಯಾದರೆ ಚೆನ್ನೈಗೆ ಪ್ರತಿಷ್ಠೆಯ ಪ್ರಶ್ನೆ. ಗೆಲುವಿನ ನೆಲೆಯಲ್ಲಿ ನೋಡಿದರೆ ಇವತ್ತು ಚೆನ್ನೈ ತಂಡವೇ ಗೆಲ್ಲುವ ಬಲಾಡ್ಯ ತಂಡ.

En route Kotla! #whistlepodu #DDvCSK #Yellove 🦁💛 pic.twitter.com/fPHbnjNk4p

— Chennai Super Kings (@ChennaiIPL) May 18, 2018

ಆಡಿರುವ 12 ಪಂದ್ಯಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಒಟ್ಟು 8 ಪಂದ್ಯಗಳನ್ನು ಗೆದ್ದು 4 ಪಂದ್ಯಗಳನ್ನು ಸೋತಿದೆ. ಹೀಗಾಗಿ ಒಟ್ಟು 16 ಅಂಕಗಳನ್ನು ಸಂಪಾದಿಸಿರುವ ಚೆನ್ನೈ ಐಪಿಎಲ್ ಅಂಕಪಟ್ಟಿಯಲ್ಲಿ ಹೈದರಾಬಾದ್ ಕೆಳಗೆ ಅಂದರೆ ದ್ವಿತೀಯ ಸ್ಥಾನಿಗನಾಗಿ ಗುರುತಿಸಿಕೊಂಡಿದೆ.

Having put in the hard work in the nets, skipper Shreyas Iyer is eyeing another big score! 😎#DilDilli #Dhadkega #DDvCSK pic.twitter.com/MznOokkQuX

— Delhi Daredevils (@DelhiDaredevils) May 18, 2018

ಡೆಲ್ಲಿ ಆಡಿರುವ 12 ಪಂದ್ಯಗಳಲ್ಲಿ 3 ಗೆಲುವನ್ನು ದಾಖಲಿಸಿ ಈಗಾಗಲೇ ಪ್ಲೇ ಆಫ್ ಅವಕಾಶವನ್ನು ಕಳೆದುಕೊಂಡಿದೆ. ಇಂದಿನ ಪಂದ್ಯವೂ ಸೋತರೆ ಡೆಲ್ಲಿ ತೀವ್ರ ಮುಖಭಂಗಕ್ಕೀಡಾಗಬೇಕಾಗುತ್ತದೆ. ಹಾಗಾಗಿ ಇಂದಿನ ಪಂದ್ಯ ಕೊಂಚ ಕುತೂಹಲ ಕಾದಿರಿಸಿದೆ.