ಟೆಸ್ಟ್ ಕ್ರಿಕೆಟ್‌ನಲ್ಲಿ ಜೋ ರೂಟ್ ದಾಖಲೆ: 2021ರಿಂದ 10 ಶತಕಗಳ ಸರದಾರ

2021ರಿಂದ ಅತಿ ಹೆಚ್ಚು ಟೆಸ್ಟ್ ಶತಕಗಳು

ಜೋ ರೂಟ್ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಇಂಗ್ಲೆಂಡ್‌ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಾಗಿ ಮುಂದುವರಿದಿದ್ದಾರೆ. ಅದ್ರಲ್ಲೂ ಕೇವಲ ಒಂದೂವರೆ ವರ್ಷದಲ್ಲಿ ಬರೋಬ್ಬರಿ 10 ಶತಕಗಳನ್ನು ಗಳಿಸಿದರು. ಯಾವ ತಂಡದ ವಿರುದ್ಧ ಎಷ್ಟು ರನ್‌ಗಳಿಸಿದ್ದಾರೆ ಎಂಬುದನ್ನ ಈ ಕೆಳಗೆ ಕಾಣಬಹುದು.

1. 228 ವಿರುದ್ಧ ಶ್ರೀಲಂಕಾ,
2. 186 ವಿರುದ್ಧ ಶ್ರೀಲಂಕಾ,
3. 218 ವಿರುದ್ಧ ಭಾರತ,
4. 109 ವಿರುದ್ಧ ಭಾರತ,
5. 180 * ವಿರುದ್ಧ ಭಾರತ,
6. 121 ವಿರುದ್ಧ ಭಾರತ,
7. 109 ವಿರುದ್ಧ ವೆಸ್ಟ್ ಇಂಡೀಸ್,
8. 153 vs ವೆಸ್ಟ್ ಇಂಡೀಸ್,
9. 115 * vs ನ್ಯೂಜಿಲೆಂಡ್,
10. 176 vs ನ್ಯೂಜಿಲೆಂಡ್

ಟೆಸ್ಟ್ ಕ್ರಿಕೆಟ್‍ನಲ್ಲಿ ಹೆಚ್ಚು ಸಿಕ್ಸರ್ ಬಾರಿಸಿರುವ ಸಕ್ರಿಯ ಆಟಗಾರರ ಟಾಪ್ 6 ಪಟ್ಟಿ; ಇಬ್ಬರು ಭಾರತೀಯ!

2021 ರಿಂದ ಅತಿ ಹೆಚ್ಚು ರನ್‌ಗಳು

ರೂಟ್ 2021 ರಿಂದ ಒಟ್ಟು 23 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಅವರು 42 ಇನ್ನಿಂಗ್ಸ್‌ಗಳಲ್ಲಿ 2368 ರನ್ ಗಳಿಸಿದ್ದಾರೆ. ಅವರ ಬ್ಯಾಟಿಂಗ್ ಸರಾಸರಿ 59.2 ಆಗಿದ್ದು 10 ಶತಕ ಮತ್ತು 4 ಅರ್ಧ ಶತಕಗಳನ್ನು ಗಳಿಸಿದ್ದಾರೆ. ಎರಡು ದ್ವಿಶತಕ, ನಾಲ್ಕು ಬಾರಿ 150 ಪ್ಲಸ್ ಸ್ಕೋರ್ ದಾಖಲಿಸಿದ್ದಾರೆ

ರೂಟ್ ತಮ್ಮ ವೃತ್ತಿಜೀವನದಲ್ಲಿ 119 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, 219 ಇನ್ನಿಂಗ್ಸ್‌ಗಳಲ್ಲಿ 10191 ರನ್ ಗಳಿಸಿದ್ದಾರೆ. ಅವರ ಗರಿಷ್ಠ ಸ್ಕೋರ್ 254 ರನ್ ಆಗಿದೆ. ಅವರ ಬ್ಯಾಟಿಂಗ್ ಸರಾಸರಿ 50.20ರಷ್ಟು ಕಾಯ್ದುಕೊಂಡಿದ್ದಾರೆ. ರೂಟ್ 27 ಶತಕ, 5 ದ್ವಿಶತಕ ಮತ್ತು 53 ಅರ್ಧ ಶತಕ ಗಳಿಸಿದ್ದಾರೆ. ಅವರ ಫಾರ್ಮ್ ಹೀಗೆಯೇ ಮುಂದುವರಿದಲ್ಲಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಹೆಸರಲ್ಲಿನ ಅತಿ ಹೆಚ್ಚು ಟೆಸ್ಟ್ ರನ್ ಗಳಿಸಿದ ದಾಖಲೆ ಮುರಿಯುವ ಸಾಧ್ಯತೆ ಇದೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ ಮತ್ತೊಂದು ಮೈಲಿಗಲ್ಲು ದಾಟಿದ ಇಂಗ್ಲೆಂಡ್ ವೇಗಿ ಜೇಮ್ಸ್ ಆಂಡರ್ಸನ್

ಮೊದಲ ಇನ್ನಿಂಗ್ಸ್‌ನಲ್ಲಿ ಅಲ್ಪ ಮುನ್ನಡೆ ಸಾಧಿಸಿದ ನ್ಯೂಜಿಲೆಂಡ್

ನಾಲ್ಕನೇ ದಿನದಂದು ಇಂಗ್ಲೆಂಡ್ ಪರ ಜೋ ರೂಟ್ 176ರನ್‌ಗಳಿಗೆ ಔಟಾದ ಬಳಿಕ, ಅರ್ಧಶತಕ ದಾಖಲಿಸಿದ್ದ ಬೆನ್ ಫೋಕ್ಸ್‌ 56ರನ್‌ಗೆ ವಿಕೆಟ್ ಒಪ್ಪಿಸಿದ್ರು. ಇದಾದ ಬಳಿಕ ಕೆಳಕ್ರಮಾಂಕದಲ್ಲಿ ಸ್ಟುವರ್ಟ್ ಬ್ರಾಡ್ 9, ಮ್ಯಾಟಿ ಫಾಟ್ಸ್ 3, ಜೇಮ್ಸ್ ಆ್ಯಡರ್ಸನ್ 9 ರನ್‌ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿಕೊಂಡರು.

ಇಂಗ್ಲೆಂಡ್ ಮೊದಲ ಇನಿಂಗ್ಸ್‌ನಲ್ಲಿ 539 ರನ್‌ಗಳಿಗೆ ಆಲೌಟ್ ಆಗಿದ್ದು, ಈ ಮೂಲಕ ನ್ಯೂಜಿಲೆಂಡ್ 14 ರನ್ ಮುನ್ನಡೆ ಸಾಧಿಸಿತು. ಇನ್ನೂ ಒಂದು ಸೆಷನ್‌ ಹೊರತುಪಡಿಸಿ ಇನ್ನೊಂದು ದಿನವಷ್ಟೇ ಬಾಕಿ ಉಳಿದಿರುವುದರಿಂದ ಪಂದ್ಯ ಬಹುತೇಕ ಡ್ರಾ ಆಗುವ ಸಾಧ್ಯತೆ ಇದೆ.