ಒಳ್ಳೆಯ ಆಟಗಾರರು ತಪ್ಪುಗಳಿಂದ ಕಲಿಯುತ್ತಾರೆ, ಆದರೆ ಈತ...; ಟೀಂ ಇಂಡಿಯಾ ಸ್ಟಾರ್ ಬಗ್ಗೆ ಡೇಲ್ ಸ್ಟೇನ್

ರಿಷಭ್ ಪಂತ್ ಬ್ಯಾಟಿಂಗ್‌ನಲ್ಲಿ ಕಳಪೆಯಾಗಿದ್ದಾರೆ

ಮತ್ತೊಂದೆಡೆ ಹಂಗಾಮಿ ನಾಯಕ ರಿಷಭ್ ಪಂತ್ ಬ್ಯಾಟಿಂಗ್‌ನಲ್ಲಿ ಕಳಪೆಯಾಗಿದ್ದಾರೆ ಮತ್ತು ಇದುವರೆಗೆ ನಾಲ್ಕು ಪಂದ್ಯಗಳಲ್ಲಿ ಕೇವಲ 57 ರನ್‌ಗಳನ್ನು ಮಾತ್ರ ಗಳಿಸಿದ್ದಾರೆ. ರಿಷಭ್ ಪಂತ್ ಒಂದೇ ತಪ್ಪನ್ನು ಪದೇ ಪದೇ ಮಾಡುತ್ತಿರುವಂತೆ ತೋರುತ್ತಿದೆ ಎಂದು ಮಾಜಿ ದಕ್ಷಿಣ ಆಫ್ರಿಕಾ ಮಾಜಿ ವೇಗಿ ಡೇಲ್ ಸ್ಟೇಯ್ನ್ ಹೇಳಿದ್ದಾರೆ.

"ಈ ಸರಣಿಯಲ್ಲಿ ರಿಷಭ್ ಪಂತ್ ಅವರಿಗೆ ನಾಲ್ಕು ಅವಕಾಶಗಳನ್ನು ನೀಡಲಾಗಿದೆ. ಅದರಲ್ಲಿ ಅವರು ಅದೇ ತಪ್ಪುಗಳನ್ನು ಪದೇ ಪದೇ ಮಾಡುತ್ತಿದ್ದಾರೆ. ಅಲ್ಲದೆ, ಉತ್ತಮ ಆಟಗಾರರು ತಮ್ಮ ತಪ್ಪುಗಳಿಂದ ಕಲಿಯುತ್ತಾರೆ ಎಂದು ನಾವೆಲ್ಲ ಭಾವಿಸುತ್ತೇವೆ, ಆದರೆ ರಿಷಭ್ ಪಂತ್ ಕಲಿತಿಲ್ಲ. ದಿನೇಶ್ ಕಾರ್ತಿಕ್ ಪ್ರತಿ ಬಾರಿ ಕ್ಲಾಸ್ ಪ್ಲೇಯರ್ ಎಂಬುದನ್ನು ತೋರಿಸಿದ್ದಾರೆ,'' ಎಂದು ಡೇಲ್ ಸ್ಟೇಯ್ನ್ ಅಭಿಪ್ರಾಯಪಟ್ಟರು.

ಭಾರತ ಟಿ20 ವಿಶ್ವಕಪ್‌ನಲ್ಲಿ ದಿನೇಶ್ ಕಾರ್ತಿಕ್ ಇರಬೇಕು

"ನೀವು ವಿಶ್ವಕಪ್ ಗೆಲ್ಲಲು ಬಯಸಿದರೆ, ನೀವು ಫಾರ್ಮ್‌ನಲ್ಲಿರುವ ಹುಡುಗನನ್ನು ಆಯ್ಕೆ ಮಾಡಲು ಬಯಸುತ್ತೀರಿ. ದಿನೇಶ್ ಕಾರ್ತಿಕ್ ಅಂತಹ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಅವರು ಇದೇ ಫಾರ್ಮ್ ಅನ್ನು ಮುಂದುವರಿಸಿದರೆ, ಈ ವರ್ಷದ ಕೊನೆಯಲ್ಲಿ ಭಾರತ ಟಿ20 ವಿಶ್ವಕಪ್‌ಗಾಗಿ ಪ್ರವಾಸ ಮಾಡುವಾಗ ವಿಮಾನದಲ್ಲಿ ಬರೆದ ಮೊದಲ ಹೆಸರುಗಳಲ್ಲಿ ದಿನೇಶ್ ಕಾರ್ತಿಕ್ ಒಂದಾಗಿದೆ," ಎಂದು ಇಎಸ್‌ಪಿಎನ್‌ಕ್ರಿಕ್‌ಇನ್‌ಫೋದ 'ಟಿ20 ಟೈಮ್ ಔಟ್'ನಲ್ಲಿ ಡೇಲ್ ಸ್ಟೇಯ್ನ್ ಹೇಳಿದರು.

ಒಂದು ಬಾಲ್‌ನಲ್ಲಿ ಒತ್ತಡಕ್ಕೆ ಒಳಪಡಿಸುವ ಕಲೆ ಅವರಿಗಿದೆ

ದಿನೇಶ್ ಕಾರ್ತಿಕ್ ಬಗ್ಗೆ ಇನ್ನಷ್ಟು ಮಾತನಾಡಿದ ಡೇಲ್ ಸ್ಟೇಯ್ನ್, "ಡಿಕೆ ಅಸಾಧಾರಣ ಫಾರ್ಮ್‌ನಲ್ಲಿದ್ದಾರೆ. ಈ ವರ್ಷ ಅವರು ಇನ್ನೂ ಉತ್ತಮವಾಗುತ್ತಿದ್ದಾರೆ. ಅವರು ವಿಕೆಟ್‌ಕೀಪರ್ ಮನಸ್ಥಿತಿಯನ್ನು ಸಹ ಹೊಂದಿದ್ದಾರೆ. ಅವರು ಬೌಲರ್‌ಗಳು ಏನು ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎಂಬುದನ್ನು ಅವರು ತಿಳಿದಿದ್ದಾರೆ ಮತ್ತು ಅರ್ಥಮಾಡಿಕೊಳ್ಳುತ್ತಾರೆ," ಎಂದರು.

"ದಿನೇಶ್ ಕಾರ್ತಿಕ್ ಅವರು ಬೌಲರ್ ಬೌಲ್ ಮಾಡುವ ಮೊದಲೇ ಬೌಲರ್ ಯಾವ ಬೌಲ್ ಮಾಡಲಿದ್ದಾನೆ ಎಂಬುದನ್ನು ಅರ್ಥಮಾಡಿಕೊಳ್ಳುತ್ತಾರೆ. ಓವರ್‌ನ ಮೊದಲ ಮತ್ತು ಕೊನೆಯ ಎಸೆತವನ್ನು ಆಕ್ರಮಣ ಮಾಡಿ ಹೊಡೆಯುತ್ತಾರೆ. ಬೌಲರ್‌ಗಳನ್ನು ಒಂದು ಬಾಲ್‌ನಲ್ಲಿ ಒತ್ತಡಕ್ಕೆ ಒಳಪಡಿಸುವ ಕಲೆ ಅವರಿಗಿದೆ, ಇದಕ್ಕೆ ಬೌಲರ್‌ಗಳ ಬಳಿ ನಿಜವಾಗಿಯೂ ಉತ್ತರವಿಲ್ಲ," ಎಂದು ದಕ್ಷಿಣ ಆಫ್ರಿಕಾ ವೇಗಿ ಡೇಲ್ ಸ್ಟೇಯ್ನ್ ವಿವರಿಸಿದರು.

ಎಷ್ಟೇ ಪರ್ಫಾಮ್ ಮಾಡಿದ್ರು ಬಿಸಿಸಿಐ ಕಣ್ಣಿಗೆ ಬೀಳೋದು ಕಷ್ಟ | *Cricket | OneIndia Kannada

ದಕ್ಷಿಣ ಆಫ್ರಿಕಾ 87 ರನ್‌ಗಳಿಗೆ ಆಲೌಟ್

ದಕ್ಷಿಣ ಆಫ್ರಿಕಾ ವಿರುದ್ಧದ ನಾಲ್ಕನೇ ಪಂದ್ಯದ 13ನೇ ಓವರ್‌ನಲ್ಲಿ ಬ್ಯಾಟ್ ಮಾಡಲು ಕ್ರೀಸ್‌ಗೆ ಬಂದ ಕಾರ್ತಿಕ್, ಆರಂಭಿಕ ಕೆಲವು ಎಸೆತಗಳನ್ನು ನೋಡಿ ಆಡಿದರು ಮತ್ತು ನಂತರ ಅವರು ಆಕ್ರಮಣ ಮಾಡಲು ಪ್ರಾರಂಭಿಸಿದರು, ಇದರಿಂದಾಗಿ ಭಾರತ 20 ಓವರ್‌ಗಳಲ್ಲಿ 169/6 ಸ್ಕೋರ್ ಮಾಡಲು ಸಹಾಯವಾಯಿತು. ಆನಂತರ ದಕ್ಷಿಣ ಆಫ್ರಿಕಾವನ್ನು 87 ರನ್‌ಗಳಿಗೆ ಆಲೌಟ್ ಮಾಡಲಾಯಿತು. ಭಾನುವಾರ ಸಂಜೆ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸರಣಿ ನಿರ್ಣಾಯಕ ಪಂದ್ಯ ನಡೆಯಲಿದೆ.