ಪಾಕ್‌ ವೇಗಿ ಶೋಯೆಬ್ ಅಖ್ತರ್‌ ಲವ್ ಸ್ಟೋರಿ ಬಗ್ಗೆ ನಿಮಗೆಷ್ಟು ಗೊತ್ತು? ಇಲ್ಲಿದೆ ಕಂಪ್ಲೀಟ್ ಮಾಹಿತಿ

ರಿಕೆಟ್‌ ಜಗತ್ತು ಅದೆಷ್ಟೋ ವೇಗಿಗಳನ್ನು ನೋಡಿದೆ. ಆದರೆ ಸ್ಟಾರ್ ಎಂಬ ಹಣೆ ಪಟ್ಟವನ್ನು ಹೊತ್ತವರು ಮಾತ್ರ ಕೆಲವೇ ಕೆಲವು ಜನ. ಈ ಪಟ್ಟಿಯಲ್ಲಿ ಆಸೀಸ್‌ನ ಗ್ಲೇನ್ ಮೆಗ್ರಾಥ್, ಬ್ರೇಟ್‌ ಲೀ ಕಾಣಿಸಿಕೊಳ್ಳುತ್ತಾರೆ. ಪಾಕಿಸ್ತಾನದ ಪರ ಈ ಪಟ್ಟಿಯಲ್ಲಿ ವಾಸೀಂ ಅಕ್ರಮ್, ವಕಾರ್ ಯೂನಸ್‌ ಸಹ ಕಾಣಿಸಿಕೊಳ್ಳುತ್ತಾರೆ. ಆದರೆ ವೇಗದಿಂದ ಇಡೀ ವಿಶ್ವದಲ್ಲೇ ತಮ್ಮ ಛಾಪು ಮೂಡಿಸಿದ ಆಟಗಾರ ಒಬ್ಬರೇ. ಅವರೇ ರಾವಲ್ಪಿಂಡಿ ಎಕ್ಸ್‌ಪ್ರೇಸ್ ಖ್ಯಾತಿಯ ಶೋಯೆಬ್ ಅಖ್ತರ್..

ಪಾಕಿಸ್ತಾನದ ಸೂಪರ್ ಫಾಸ್ಟ್ ಬೌಲರ್ ಶೋಯೆಬ್ ಅಖ್ತರ್ ಅವರ ವೇಗದ ಬೌಲಿಂಗ್‌ಗಾಗಿ ಸುದ್ದಿಯಲ್ಲಿರುವಂತೆಯೇ, ಅವರ ಮದುವೆಯ ಬಗ್ಗೆಯೂ ಅವರು ಸಾಕಷ್ಟು ಸುದ್ದಿಯಲ್ಲಿದ್ದರು. 'ರಾವಲ್ಪಿಂಡಿ ಎಕ್ಸ್‌ಪ್ರೆಸ್' ಎಂದೇ ಖ್ಯಾತರಾಗಿರುವ ಶೋಯೆಬ್ ಅಖ್ತರ್ 2014ರಲ್ಲಿ ರುಬಾಬ್ ಖಾನ್ ಅವರನ್ನು ವಿವಾಹವಾದರು.

ಆ ಸಮಯದಲ್ಲಿ ಅವರ ಮದುವೆಯ ಬಗ್ಗೆ ಹೆಚ್ಚು ಮಾತನಾಡಲಾಯಿತು. ಶೋಯೆಬ್ ಅಖ್ತರ್ ಮತ್ತು ರುಬಾಬ್ ಖಾನ್ ನಡುವಿನ 18 ವರ್ಷಗಳ ದೊಡ್ಡ ವಯಸ್ಸಿನ ವ್ಯತ್ಯಾಸವೇ ಇದಕ್ಕೆ ದೊಡ್ಡ ಕಾರಣ. ಪ್ರಸ್ತುತ ದಂಪತಿಗಳು ಮೂರು ಮಕ್ಕಳ ಪೋಷಕರಾಗಿದ್ದರೂ, ಶೋಯೆಬ್ ಮತ್ತು ರುಬಾಬ್ ಮೊದಲ ಬಾರಿಗೆ ಯಾವಾಗ ಎಂಬ ಪ್ರಶ್ನೆಗೆ ಉತ್ತರ ಈ ಸ್ಟೋರಿಯಲ್ಲಿದೆ.

2013ರಲ್ಲಿ ಶೋಯೆಬ್ ಅಖ್ತರ್ ಹಜ್ ಯಾತ್ರೆಗೆ ತೆರಳಿದ್ದರು. ಆ ಸಮಯದಲ್ಲಿ ರುಬಾಬ್ ತಂದೆ ಕೂಡ ಹಜ್ ನಲ್ಲಿದ್ದರು. ಅಲ್ಲಿ ಶೋಯೆಬ್ ಮತ್ತು ರುಬಾಬ್ ತಂದೆ ಮುಷ್ತಾಕ್ ಮೊದಲ ಬಾರಿಗೆ ಭೇಟಿಯಾದರು. ಇದಾದ ಬಳಿಕ ಎರಡೂ ಕುಟುಂಬದವರು ಸೇರಿ ಈ ಸ್ನೇಹವನ್ನು ಸಂಬಂಧದಲ್ಲಿ ಬದಲಿಸಲು ಒಪ್ಪಿಗೆ ಸೂಚಿಸಿದರು.

ಜೂನ್ 23, 2014 ರಂದು, ಶೋಯೆಬ್ ಅಖ್ತರ್ ಮತ್ತು ರುಬಾಬ್ ಖಾನ್ ಅವರ ಕುಟುಂಬಗಳ ಒಪ್ಪಿಗೆಯ ನಂತರ ವಿವಾಹವಾದರು. ರುಬಾಬ್ ಖಾನ್ ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಹರಿಪುರದ ನಿವಾಸಿ. ಶೋಯೆಬ್ ಅಖ್ತರ್ ಮತ್ತು ರುಬಾಬ್ ಖಾನ್ ವಿವಾಹವಾದಾಗ, ಶೋಯೆಬ್‌ಗೆ 38 ವರ್ಷ ಮತ್ತು ರುಬಾಬ್‌ಗೆ 20 ವರ್ಷ.

ಮೂರನೇ ಮಗು

ಪಾಕಿಸ್ತಾನದ ಮಾಜಿ ವೇಗದ ಬೌಲರ್ ಶೋಯೆಬ್ ಅಖ್ತರ್ ಪ್ರಸ್ತುತ ಮೂರು ಮಕ್ಕಳ ತಂದೆ. ಶೋಯೆಬ್ ಮತ್ತು ರುಬಾಬ್ 2016 ರಲ್ಲಿ ಮೊದಲ ಬಾರಿಗೆ ಪೋಷಕರಾದರು. ಶೋಯೆಬ್ ಮತ್ತು ರುಬಾಬ್ ತಮ್ಮ ಮಗನಿಗೆ ಮೈಕೆಲ್ ಎಂದು ಹೆಸರಿಟ್ಟರು. ಇದರ ನಂತರ, ಜುಲೈ 2019 ರಲ್ಲಿ, ರುಬಾಬ್ ಎರಡನೇ ಮಗನಿಗೆ ಜನ್ಮ ನೀಡಿದಳು.