ಧೋನಿ ವಿರುದ್ಧ ಯಾವುದೇ ದ್ವೇಷವಿಲ್ಲ, ಆದ್ರೆ ಆಯ್ಕೆಗಾರರು ನ್ಯಾಯ ಒದಗಿಸಿಲ್ಲ: ಹರ್ಭಜನ್ ಸಿಂಗ್

ಎಂ.ಎಸ್ ಧೋನಿ ನನಗೆ ಸ್ನೇಹಿತ, ಆತನ ವಿರುದ್ಧ ಯಾವುದೇ ದೂರಿಲ್ಲ

ಎಂ.ಎಸ್ ಧೋನಿ ಕುರಿತಾಗಿ ಇತ್ತೀಚೆಗೆ ನೀಡಿದ ಹೇಳಿಕೆಯ ಕುರಿತಾಗಿ ಕೇಳಿದ ಪ್ರಶ್ನೆಗೆ ಉತ್ತರಿಸಿರುವ ಭಜ್ಜಿ, ಎಂಎಸ್ ಧೋನಿ ಉತ್ತಮ ಸ್ನೇಹಿತ ಎಂದು ಹೇಳಿದ್ದಾರೆ.

"ಅಲ್ಲವೇ ಅಲ್ಲ. ಎಂಎಸ್ ವಿರುದ್ಧ ನನಗೆ ಯಾವುದೇ ದ್ವೇಷವಿಲ್ಲ. ವಾಸ್ತವವಾಗಿ, ಅವರು ಇಷ್ಟು ವರ್ಷಗಳಿಂದ ಉತ್ತಮ ಸ್ನೇಹಿತರಾಗಿದ್ದರು. ಆ ಕಾಲದ ಸರ್ಕಾರ್ ಬಿಸಿಸಿಐ ವಿರುದ್ಧ ನನ್ನ ದೂರು ಇದೆ. ನಾನು ಬಿಸಿಸಿಐ ಅನ್ನು ಸರ್ಕಾರ್ ಎಂದು ಕರೆಯುತ್ತೇನೆ. ಆಗಿನ ಆಯ್ಕೆಗಾರರು ತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಲಿಲ್ಲ. ಅವರು ತಂಡವನ್ನು ಒಗ್ಗೂಡಿಸಲು ಬಿಡಲಿಲ್ಲ "ಎಂದು ನ್ಯೂಸ್ 18 ಉಲ್ಲೇಖಿಸಿದಂತೆ ಹರ್ಭಜನ್ ಸಿಂಗ್ ಹೇಳಿದ್ದಾರೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ 417 ವಿಕೆಟ್‌ಗಳನ್ನು ಪಡೆದಿರುವ ಹರ್ಭಜನ್, 103 ಟೆಸ್ಟ್‌ಗಳು, 236 ಏಕದಿನ ಪಂದ್ಯಗಳು ಮತ್ತು 28 ಟಿ20 ಅಂತರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. 2007 ಟಿ20 ವಿಶ್ವ ಮತ್ತು 2011 ವಿಶ್ವಕಪ್ ವಿಜೇತ ತಂಡದ ಭಾಗವಾಗಿದ್ದರು.

IPL 2022 ಹರಾಜಿನಲ್ಲಿ ಅತಿ ಹೆಚ್ಚು ಮೊತ್ತಕ್ಕೆ ಬಿಡ್ ಆಗಬಲ್ಲ 5 ಬೌಲರ್ಸ್:ಆಕಾಶ್ ಚೋಪ್ರಾ

2011ರ ವಿಶ್ವಕಪ್‌ ಬಳಿಕ ಒಟ್ಟಾಗಿ ಆಡಲು ಬಿಡಲೇ ಇಲ್ಲ!

2011ರ ವಿಶ್ವಕಪ್ ವಿಜೇತ ತಂಡದಲ್ಲಿ ಹರ್ಭಜನ್ ಸಿಂಗ್ ಕೂಡ ಒಬ್ಬರು. ಆದ್ರೆ ಆ ಸಮಯದಲ್ಲಿ ಆಡಿದ್ದ ಬಹುತೇಕ ಟೀಂ ಇಂಡಿಯಾ ಆಟಗಾರರು ಮುಂದಿನ ವಿಶ್ವಕಪ್‌ನಲ್ಲಿ ಮತ್ತೆ ಆಡಲು ಬಿಡಲಿಲ್ಲ ಎಂದು ಭಜ್ಜಿ ದೂರಿದ್ದಾರೆ. ಮುಂಬೈನ ವಾಂಖೆಡೆ ಮೈದಾನದಲ್ಲಿ 2011ರ ವಿಶ್ವಕಪ್ ಫೈನಲ್‌ನಲ್ಲಿ ಆಡಿದ ತಂಡ ಮತ್ತೆ ಒಂದಾಗಿ ಕಾಣಿಸಲೇ ಇಲ್ಲ ಎಂದಿದ್ದಾರೆ.

"ನೋಡಿ, ಪ್ರತಿಯೊಬ್ಬರೂ ಉಲ್ಲೇಖವನ್ನು ವಿಭಿನ್ನವಾಗಿ ಅರ್ಥೈಸುತ್ತಾರೆ. 2012 ರ ನಂತರ ಬಹಳಷ್ಟು ಸಂಗತಿಗಳು ಉತ್ತಮವಾಗಿರಲಿಲ್ಲ ಎಂದು ನಾನು ನಿಮಗೆ ತಿಳಿಸಲು ಬಯಸುತ್ತೇನೆ. ಸೆಹ್ವಾಗ್, ನಾನು, ಯುವರಾಜ್ , ಗಂಭೀರ್ ಅವರು ಐಪಿಎಲ್‌ನಲ್ಲೂ ಸಕ್ರಿಯರಾಗಿದ್ದರೂ ಭಾರತ ತಂಡಕ್ಕಾಗಿ ನಿವೃತ್ತಿ ಹೊಂದಬಹುದಿತ್ತು. 2011ರ ಚಾಂಪಿಯನ್ನರು ಮತ್ತೆ ಒಟ್ಟಿಗೆ ಆಡಲಿಲ್ಲ ಎಂಬುದು ವಿಪರ್ಯಾಸ! ಏಕೆ? ಅವರಲ್ಲಿ ಕೆಲವರು ಮಾತ್ರ 2015 ರ ವಿಶ್ವಕಪ್‌ನಲ್ಲಿ ಆಡಿದ್ದಾರೆ, ಏಕೆ? " ಎಂದು ಹರ್ಭಜನ್ ಪ್ರಶ್ನಿಸಿದ್ದಾರೆ.

Rohit ಕೈಕೆಳಗೆ Virat ಮಾಡಬೇಕಾದ ಅತಿ ಮುಖ್ಯ ಕೆಲಸ ಇದೇ.. | Oneindia Kannada

2016ರಲ್ಲಿ ಕೊನೆಯ ಬಾರಿ ಅಂತರಾಷ್ಟ್ರೀಯ ಪಂದ್ಯವನ್ನಾಡಿದ ಭಜ್ಜಿ

ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ಹೊರಗುಳಿದು ಐದು ವರ್ಷಗಳ ಬಳಿಕ ನಿವೃತ್ತಿ ಘೋಷಿಸಿದ್ದ ಹರ್ಭಜನ್ ಸಿಂಗ್ 2016ರಲ್ಲಿ ಕೊನೆಯ ಬಾರಿ ಎಂ.ಎಸ್ ಧೋನಿ ನಾಯಕತ್ವದಲ್ಲಿ ಭಾರತದ ಪರ ಆಡಿದ್ದರು. ಹರ್ಭಜನ್ ಸಿಂಗ್ ಕೊನೆಯದಾಗಿ 2016 ರಲ್ಲಿ T20 ಅಂತರಾಷ್ಟ್ರೀಯ ಪಂದ್ಯವನ್ನು ಆಡಿದ್ದರು ಮತ್ತು ಇದು ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ಅವರ ಕೊನೆಯ ಪ್ರದರ್ಶನವಾಗಿತ್ತು.

ಮಹೇಂದ್ರ ಸಿಂಗ್ ಧೋನಿ ಇನ್ನೂ ಸೀಮಿತ ಓವರ್‌ಗಳ ನಾಯಕರಾಗಿದ್ದಾಗ ಭಜ್ಜಿ ತಂಡದಿಂದ ಹೊರಬಿದ್ದ ಪರಿಣಾಮ ಇಬ್ಬರ ನಡುವಿನ ಸಂಬಂಧದ ಊಹಾಪೋಹಗಳಿಗೆ ದಾರಿ ಮಾಡಿಕೊಟ್ಟಿದೆ.