Click it and Unblock the Notifications
ICC Women's T20 Ranking: ವೃತ್ತಿಜೀವನದ ಅತ್ಯಧಿಕ ರೇಟಿಂಗ್ ಪಾಯಿಂಟ್ಸ್ ಗಳಿಸಿದ ಸ್ಮೃತಿ ಮಂಧಾನ
ಭಾರತ ಮಹಿಳಾ ಕ್ರಿಕೆಟ್ ತಂಡದ ಆರಂಭಿಕ ಸ್ಟಾರ್ ಬ್ಯಾಟರ್ ಸ್ಮೃತಿ ಮಂಧಾನ ಅವರು ಮಂಗಳವಾರ (ಡಿಸೆಂಬರ್ 13) ಬಿಡುಗಡೆಯಾದ ಐಸಿಸಿ ಮಹಿಳಾ ಟಿ20 ಅಂತಾರಾಷ್ಟ್ರೀಯ ಆಟಗಾರ್ತಿಯರ ರ್ಯಾಂಕಿಂಗ್ನಲ್ಲಿ 3ನೇ ಸ್ಥಾನವನ್ನು ಕಾಯ್ದುಕೊಳ್ಳುವುದರ ಜೊತೆಗೆ ಟಿ20 ಕ್ರಿಕೆಟ್ ವೃತ್ತಿಜೀವನದ ಅತ್ಯುತ್ತಮ 741 ಅಂಕಗಳನ್ನು ಗಳಿಸಿದ್ದಾರೆ.
ಭಾನುವಾರ ನಡೆದ ಆಸ್ಟ್ರೇಲಿಯಾ ಮಹಿಳಾ ತಂಡದ ವಿರುದ್ಧದ ಎರಡನೇ ಟಿ20 ಪಂದ್ಯದ ಸೂಪರ್ ಓವರ್ನಲ್ಲಿ ಭಾರತ ಗೆಲ್ಲುವ ಮೊದಲು ಟೈನಲ್ಲಿ ರೋಚಕ ಅಂತ್ಯಕಂಡಿತ್ತು. 49 ಎಸೆತಗಳನ್ನು ಎದುರಿಸಿ 79 ರನ್ ಬಾರಿಸಿ 'ಪ್ಲೇಯರ್ ಆಫ್ ದಿ ಮ್ಯಾಚ್' ಪ್ರಶಸ್ತಿ ಪಡೆದ ಸ್ಮೃತಿ ಮಂಧಾನ 11 ರೇಟಿಂಗ್ ಅಂಕಗಳನ್ನು ಗಳಿಸಿದರು.
Flashback 2022: 2022ರ ಟಿ20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಸೂರ್ಯಕುಮಾರ್ ಯಾದವ್
ಇನ್ನು ಮುಂಬೈನಲ್ಲಿ ನಡೆಯುತ್ತಿರುವ ಭಾರತ ವಿರುದ್ಧದ ಐದು ಪಂದ್ಯಗಳ ಸರಣಿಯ ಮೊದಲ ಎರಡು ಪಂದ್ಯಗಳಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಆಸ್ಟ್ರೇಲಿಯಾದ ತಹ್ಲಿಯಾ ಮೆಕ್ಗ್ರಾತ್ ಟಿ20 ರ್ಯಾಂಕಿಂಗ್ನಲ್ಲಿ ಹೊಸ ನಂ.1 ಬ್ಯಾಟರ್ ಆಗಿದ್ದಾರೆ.
ತಹ್ಲಿಯಾ ಮೆಕ್ಗ್ರಾತ್ ನಂ.1 ಸ್ಥಾನ ಅಲಂಕರಿಸಿದ್ದಾರೆ
27ರ ಹರೆಯದ ಆಸ್ಟ್ರೇಲಿಯದ ಸ್ಟಾರ್ ಆಟಗಾರ್ತಿ ತಹ್ಲಿಯಾ ಮೆಕ್ಗ್ರಾತ್ ಎರಡು ಪಂದ್ಯಗಳಲ್ಲಿ ಕ್ರಮವಾಗಿ ಅಜೇಯ 40 ಮತ್ತು 70 ರನ್ಗಳನ್ನು ಗಳಿಸಿದ್ದಾರೆ. ಮೆಗ್ ಲ್ಯಾನ್ನಿಂಗ್ ಮತ್ತು ಬೆತ್ ಮೂನಿ ಮತ್ತು ಸ್ಮೃತಿ ಮಂಧಾನ ಅವರನ್ನು ಹಿಂದಿಕ್ಕಿ ಆಸ್ಟ್ರೇಲಿಯಾದ ನಾಲ್ಕನೇ ಮತ್ತು ವಿಶ್ವದ 12ನೇ ಬ್ಯಾಟರ್ ಆಗಿ ಮಹಿಳೆಯರ ಟಿ20 ಶ್ರೇಯಾಂಕದಲ್ಲಿ ಅಗ್ರಸ್ಥಾನಕ್ಕೇರಿದರು.
ಬೆತ್ ಮೂನಿ ಈ ವರ್ಷ ಆಗಸ್ಟ್ 3ರಿಂದ ಮೆಗ್ ಲ್ಯಾನಿಂಗ್ ಅವರನ್ನು ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದ್ದರು. ಕೇವಲ 16 ಪಂದ್ಯಗಳ ನಂತರ ತಹ್ಲಿಯಾ ಮೆಕ್ಗ್ರಾತ್ ನಂ.1 ಸ್ಥಾನ ಅಲಂಕರಿಸಿದ್ದಾರೆ.
ಶಫಾಲಿ ವರ್ಮಾ 18 ಪಂದ್ಯಗಳ ನಂತರ ಅಗ್ರ ಶ್ರೇಯಾಂಕ
2010ರಲ್ಲಿ ವೆಸ್ಟ್ ಇಂಡೀಸ್ನ ಸ್ಟಾಫಾನಿ ಟೇಲರ್ ಕಡಿಮೆ ಪಂದ್ಯಗಳಲ್ಲಿ (15 ಪಂದ್ಯಗಳು) ಅಗ್ರಸ್ಥಾನವನ್ನು ತಲುಪಿದ್ದರು. ಆದರೆ ಭಾರತದ ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮಾ ಇತ್ತೀಚಿನ ವರ್ಷಗಳಲ್ಲಿ 18 ಪಂದ್ಯಗಳ ನಂತರ ಅಗ್ರ ಶ್ರೇಯಾಂಕವನ್ನು ತಲುಪಿದ್ದಾರೆ.
ಭಾರತದ ಇನ್ನೂ ಇಬ್ಬರು ಬ್ಯಾಟರ್ಗಳಾದ ಶಫಾಲಿ ವರ್ಮಾ ಮತ್ತು ಜೆಮಿಮಾ ರೋಡ್ರಿಗಸ್ ಅವರು ಟಾಪ್ 10 ಟಿ20 ಬ್ಯಾಟರ್ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಮಾಜಿ ನಂ.1 ಆಟಗಾರ್ತಿ ಶಫಾಲಿ ವರ್ಮಾ ಆರನೇ ಸ್ಥಾನದಲ್ಲಿದ್ದಾರೆ.
ದೀಪ್ತಿ ಶರ್ಮಾ ಮತ್ತು ರೇಣುಕಾ ಸಿಂಗ್ ಠಾಕೂರ್
ಬೌಲರ್ಗಳ ಟಿ20 ರ್ಯಾಂಕಿಂಗ್ನಲ್ಲಿ ಭಾರತದ ದೀಪ್ತಿ ಶರ್ಮಾ ಮತ್ತು ರೇಣುಕಾ ಸಿಂಗ್ ಠಾಕೂರ್ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನಗಳನ್ನು ಕಾಯ್ದುಕೊಂಡಿದ್ದಾರೆ. ಇಂಗ್ಲೆಂಡ್ ಲೆಗ್ ಸ್ಪಿನ್ನರ್ ಸಾರಾ ಗ್ಲೆನ್ ತಮ್ಮದೆ ದೇಶದ ಸೋಫಿ ಎಕ್ಲೆಸ್ಟೋನ್ ನಂತರ ಒಂದು ಸ್ಥಾನ ಏರಿಕೆ ಕಂಡು ಎರಡನೇ ಸ್ಥಾನಕ್ಕೆ ಏರಿದ್ದಾರೆ.
Story first published: Tuesday, December 13, 2022, 17:44 [IST]
Other articles published on Dec 13, 2022
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+