IND vs ENG: ಸೂರ್ಯಕುಮಾರ್ ಯಾದವ್ ಕುರಿತು ರೋಹಿತ್ ಶರ್ಮಾ ಮಾಡಿದ್ದ 10 ವರ್ಷದ ಟ್ವೀಟ್ ವೈರಲ್

ಸೂರ್ಯಕುಮಾರ್ ಯಾದವ್ ಭವಿಷ್ಯದಲ್ಲಿ ನೋಡಬಹುದು

ನಾಟಿಂಗ್‌ಹ್ಯಾಮ್‌ನ ಟ್ರೆಂಟ್ ಬ್ರಿಡ್ಜ್‌ನಲ್ಲಿ ಇಂಗ್ಲೆಂಡ್ ವಿರುದ್ಧದ ಮೂರನೇ ಟಿ20 ಪಂದ್ಯದಲ್ಲಿ ಸೂರ್ಯಕುಮಾರ್ ಯಾದವ್ ತಮ್ಮ ಮೊದಲ ಶತಕ ಬಾರಿಸಿದರು. ಅವರು 55 ಎಸೆತಗಳಲ್ಲಿ 14 ಬೌಂಡರಿಗಳು ಮತ್ತು 6 ಸಿಕ್ಸರ್‌ಗಳ ಸಹಿತ 117 ರನ್ ಗಳಿಸಿ ಅದ್ಭುತ ಇನ್ನಿಂಗ್ಸ್‌ ಪೂರ್ಣಗೊಳಿಸಿದರು. ಇದು ಸೂರ್ಯಕುಮಾರ್ ಯಾದವ್ ಅವರ 19ನೇ ಅಂತರಾಷ್ಟ್ರೀಯ ಪಂದ್ಯದಲ್ಲಿ ಚೊಚ್ಚಲ ಟಿ20 ಶತಕ ಮೂಡಿಬಂದಿದೆ.

ಗಮನಾರ್ಹವಾದ ಅಂಶವೆಂದರೆ, ಸೂರ್ಯಕುಮಾರ್ ಅವರ ಅಮೋಘ ಇನ್ನಿಂಗ್ಸ್‌ಗಾಗಿ ಪ್ರಪಂಚದಾದ್ಯಂತ ಪ್ರಶಂಸೆ ಗಳಿಸಿದರು. ಆದರೆ ರೋಹಿತ್ ಶರ್ಮಾ ಹತ್ತು ವರ್ಷಗಳ ಹಿಂದೆ ಸೂರ್ಯಕುಮಾರ್ ಯಾದವ್ ಭವಿಷ್ಯದ ಭಾರತ ಕ್ರಿಕೆಟ್‌ನ ಸೂಪರ್‌ಸ್ಟಾರ್ ಎಂದು ಭವಿಷ್ಯ ನುಡಿದಿದ್ದರು. ನಂತರ ಅವರು ಟ್ವೀಟ್ ಮಾಡಿದ್ದರು, ""ಇಲ್ಲಿ ಚೆನ್ನೈನಲ್ಲಿ ಬಿಸಿಸಿಐ ಪ್ರಶಸ್ತಿಗಳೊಂದಿಗೆ ಮುಗಿದಿದೆ. ಕೆಲವು ಅತ್ಯಾಕರ್ಷಕ ಕ್ರಿಕೆಟಿಗರು ಬರುತ್ತಿದ್ದಾರೆ. ಮುಂಬೈನಿಂದ ಸೂರ್ಯಕುಮಾರ್ ಯಾದವ್ ಭವಿಷ್ಯದಲ್ಲಿ ನೋಡಬಹುದು,'' ಎಂದು ಉಲ್ಲೇಖಿಸಿದ್ದರು.

ಟಿ20ಯಲ್ಲಿ ಶತಕ ಸಿಡಿಸಿದ ಐದನೇ ಭಾರತೀಯ ಬ್ಯಾಟರ್

ಏತನ್ಮಧ್ಯೆ ಸೂರ್ಯಕುಮಾರ್ ಯಾದವ್ ಟಿ20ಯಲ್ಲಿ ಶತಕ ಸಿಡಿಸಿದ ಐದನೇ ಭಾರತೀಯ ಬ್ಯಾಟರ್ ಎನಿಸಿಕೊಂಡರು. ರೋಹಿತ್ ಶರ್ಮಾ (4), ಕೆಎಲ್ ರಾಹುಲ್ (2), ಸುರೇಶ್ ರೈನಾ (1) ಮತ್ತು ದೀಪಕ್ ಹೂಡಾ (1) ಇವರು ಮಾತ್ರ ಈ ಸಾಧನೆ ಮಾಡಿದ್ದಾರೆ.

ಬಲಗೈ ಬ್ಯಾಟರ್ ಕೆಎಲ್ ರಾಹುಲ್ (ಎರಡು ಬಾರಿ) ಮತ್ತು ರೋಹಿತ್ ಶರ್ಮಾ ನಂತರ ಟಿ20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಗುರಿಯನ್ನು ಬೆನ್ನಟ್ಟಿದ ಸಂದರ್ಭದಲ್ಲಿ ಶತಕ ಗಳಿಸಿದ ಮೂರನೇ ಭಾರತೀಯ ಬ್ಯಾಟ್ಸ್‌ಮನ್ ಆಗಿ ಸೂರ್ಯಕುಮಾರ್ ಯಾದವ್ ಮೂಡಿಬಂದರು.

IND vs ENG 3ನೇ ಟಿ20: ವಿರಾಟ್ ಕೊಹ್ಲಿ ಫಾರ್ಮ್‌ ಬಗ್ಗೆ ರೋಹಿತ್ ಶರ್ಮಾ ಹೇಳಿದ್ದೇನು?

ಸೂರ್ಯಕುಮಾರ್ ಯಾದವ್ ಶತಕ ಸಿಡಿಸಿದ್ರೂ ಇಂಗ್ಲೆಂಡ್ ವಿರುದ್ಧ ಭಾರತ ಸೋಲ್ಬೇಕಾಯ್ತು...| * Cricket | OneIndia

ಸೂರ್ಯಕುಮಾರ್ ಯಾದವ್ ವೀರೋಚಿತ ಶತಕ ವ್ಯರ್ಥ

ಮೂರನೇ ಟಿ20 ಪಂದ್ಯದ ಕುರಿತು ಮಾತನಾಡುವುದಾದರೆ, ಸೂರ್ಯಕುಮಾರ್ ಅವರ ವೀರೋಚಿತ ಶತಕವು ವ್ಯರ್ಥವಾಯಿತು. ಏಕೆಂದರೆ ಭಾರತವು ಇಂಗ್ಲೆಂಡ್ ವಿರುದ್ಧದ ಮೂರನೇ ಮತ್ತು ಅಂತಿಮ ಟಿ20 ಪಂದ್ಯದಲ್ಲಿ 17 ರನ್‌ಗಳ ಅಂತರದಲ್ಲಿ ಸೋಲಿಗೆ ಶರಣಾಯಿತು. ಈ ಪಂದ್ಯ ಬೌಲಿಂಗ್ ಮತ್ತು ಬ್ಯಾಟಿಂಗ್ ವಿಭಾಗದಲ್ಲಿ ಭಾರತಕ್ಕೆ ನಿರಾಶಾದಾಯಕವಾಗಿತ್ತು. ಅತ್ಯಂತ ಕಡಿಮೆ ಸಮಯದಲ್ಲಿ ಭಾರತ ತಮ್ಮ ಅಗ್ರ ಕ್ರಮಾಂಕವನ್ನು ಕಳೆದುಕೊಂಡರು.

ಶತಕವೀರ ಸೂರ್ಯಕುಮಾರ್ ಯಾದವ್ (117*) ಮತ್ತು ಶ್ರೇಯಸ್ ಅಯ್ಯರ್ (28) ನಡುವೆ 119 ರನ್‌ಗಳ ಬೃಹತ್ ಜೊತೆಯಾಟವು ಭಾರತಕ್ಕೆ ಪಂದ್ಯದಲ್ಲಿ ಗೆಲ್ಲುವ ಅವಕಾಶವನ್ನು ನೀಡಿತ್ತು. ಆದರೆ ಆಂಗ್ಲರ ತಂಡವು ನಿರ್ಣಾಯಕ ಹಂತಗಳಲ್ಲಿ ವಿಕೆಟ್‌ಗಳನ್ನು ಪಡೆಯುವ ಮೂಲಕ ಆಟವನ್ನು ತಮ್ಮ ಪರವಾಗಿ ಹಿಂತೆಗೆದುಕೊಂಡಿರು ಮತ್ತು ಮೆನ್ ಇನ್ ಬ್ಲೂ ತಂಡದ ಕ್ಲೀನ್ ಸ್ವೀಪ್ ವಿಫಲವಾಯಿತು. ಇದೇ ವೇಳೆ ಭಾರತ 2-1 ಅಂತರದಲ್ಲಿ ಸರಣಿ ಗೆದ್ದಿತು.