IND vs ENG: ವಿರಾಟ್ ಕೊಹ್ಲಿಗಿಂತ ರೋಹಿತ್ ಶರ್ಮಾಗೆ ಹೆಚ್ಚು ಟ್ಯಾಲೆಂಟ್ ಇದೆ ಎಂದ ಪಾಕ್ ಕ್ರಿಕೆಟಿಗ

ರೋಹಿತ್ ಶರ್ಮಾ ರಿಪ್ಲೇನಲ್ಲಿ ಬ್ಯಾಟಿಂಗ್ ಮಾಡುತ್ತಿರುವಂತಿದೆ

"ರೋಹಿತ್ ಶರ್ಮಾ ಅವರಲ್ಲಿರುವ ಪ್ರತಿಭೆ ವಿರಾಟ್ ಕೊಹ್ಲಿಗೆ ಇಲ್ಲ ಎಂದು ನಾನು ಭಾವಿಸುತ್ತೇನೆ. ಅವರಿಬ್ಬರೂ ಆಡುವುದನ್ನು ನಾನು ನೋಡಿದ್ದೇನೆ. ಆದರೆ ರೋಹಿತ್ ಶರ್ಮಾ ಆಡುವ ರೀತಿ ರಿಪ್ಲೇನಲ್ಲಿ ಬ್ಯಾಟಿಂಗ್ ಮಾಡುತ್ತಿರುವಂತೆ ಭಾಸವಾಗುತ್ತಿದೆ. ಅವನಿಗೆ ಸಾಕಷ್ಟು ಸಮಯವಿದೆ. ಮೊದಲ ಬಾರಿಗೆ ನಾನು ಸಮಯದ ನಿಜವಾದ ಅರ್ಥವನ್ನು ಅರಿತುಕೊಂಡೆ. ಏಕೆಂದರೆ ನಾನು ಹೆಚ್ಚಾಗಿ ಪಾಯಿಂಟ್‌ನಲ್ಲಿ ಫೀಲ್ಡ್ ಮಾಡುತ್ತಿದ್ದರಿಂದ ತಿಳಿದುಕೊಂಡಿದ್ದೇನೆ".

"ವಿರಾಟ್ ಕೊಹ್ಲಿ ನನ್ನ ಮುಂದೆ ಬ್ಯಾಟ್ ಮಾಡಿದ್ದಾರೆ, ರೋಹಿತ್ ಶರ್ಮಾ ಕೂಡ ಬ್ಯಾಟ್ ಮಾಡಿದ್ದಾರೆ. ಆದರೆ ರೋಹಿತ್‌ಗೆ ದೇವರು ಸಾಕಷ್ಟು ಸಮಯವನ್ನು ಉಡುಗೊರೆಯಾಗಿ ನೀಡಿದ್ದಾನೆ. ಅವರು ಸೆಕೆಂಡ್‌ಗಳಲ್ಲಿ ಆಟವನ್ನು ಬದಲಾಯಿಸಬಲ್ಲ ಒಬ್ಬ ಆಟಗಾರ. ಅವನು ಸೆಟ್ ಆಗಿದ್ದರೆ, ಅವರು ಇಚ್ಛೆಯಂತೆ ಹೊಡೆಯಬಲ್ಲರು," ಎಂದು ಇಮಾಮ್-ಉಲ್-ಹಕ್ SAMAA ನ್ಯೂಸ್‌ನಲ್ಲಿ ತಿಳಸಿದರು.

ವಿರಾಟ್ ಕೊಹ್ಲಿ ತೊಡೆಸಂದು ಗಾಯದಿಂದ ಹೊರಗುಳಿದಿದ್ದಾರೆ

ಈ ಮಧ್ಯೆ, ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಇಬ್ಬರೂ ಇಂಗ್ಲೆಂಡ್ ವಿರುದ್ಧ ವೈಟ್-ಬಾಲ್ ಸರಣಿಗಾಗಿ ಇಂಗ್ಲೆಂಡ್‌ನಲ್ಲಿದ್ದಾರೆ. ಆರಂಭಿಕ ಏಕದಿನ ಪಂದ್ಯದಲ್ಲಿ ರೋಹಿತ್ ಅದ್ಭುತ ಅರ್ಧಶತಕ ಬಾರಿಸಿದರೆ, ವಿರಾಟ್ ಕೊಹ್ಲಿ ತೊಡೆಸಂದು ಗಾಯದ ಕಾರಣದಿಂದ ಹೊರಗುಳಿಯಬೇಕಾಯಿತು. ಕೊಹ್ಲಿ ಗಾಯವನ್ನು ಉಲ್ಬಣಗೊಳಿಸುವುದನ್ನು ಬಿಸಿಸಿಐ ಬಯಸದ ಕಾರಣ, ಪ್ರವಾಸದ ಉಳಿದ ಪಂದ್ಯಗಳನ್ನು ಕಳೆದುಕೊಳ್ಳಬಹುದು ಎಂದು ವರದಿಗಳು ಸೂಚಿಸುತ್ತವೆ.

ಕೆನ್ನಿಂಗ್ಟನ್ ಓವಲ್‌ನಲ್ಲಿ 10 ವಿಕೆಟ್‌ಗಳ ಭರ್ಜರಿ ಜಯ ಸಾಧಿಸಿದ ಭಾರತ, ಇದೀಗ ಸರಣಿಯಲ್ಲಿ ಇಂಗ್ಲೆಂಡ್ ವಿರುದ್ಧ 1-0 ಮುನ್ನಡೆ ಸಾಧಿಸಿದೆ. ಗುರುವಾರ ಲಾರ್ಡ್ಸ್‌ನಲ್ಲಿ ರೋಹಿತ್ ಮತ್ತು ತಂಡ ಸಒಂದು ಬಾಕಿ ಇರುವಂತಯೇ ಸರಣಿಯನ್ನು ವಶಪಡಿಸಿಕೊಳ್ಳಲು ಬಯಸಿದೆ.

250 ಸಿಕ್ಸರ್‌ಗಳನ್ನು ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್

ರೋಹಿತ್ ಶರ್ಮಾ ಮಂಗಳವಾರ ಏಕದಿನ ಅಂತಾರಾಷ್ಟ್ರೀಯ (ಏಕದಿನ) ಸ್ವರೂಪದಲ್ಲಿ 250 ಸಿಕ್ಸರ್‌ಗಳನ್ನು ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್ ಆಗಿದ್ದಾರೆ. ಮಂಗಳವಾರ ಕೆನ್ನಿಂಗ್ಟನ್‌ನ ಓವಲ್‌ನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತದ ನಾಯಕ ಈ ಹೆಗ್ಗುರುತನ್ನು ಮಾಡಿದರು. ಈ ಪಂದ್ಯದಲ್ಲಿ ರೋಹಿತ್ ಶರ್ಮಾ ಕೇವಲ 58 ಎಸೆತಗಳಲ್ಲಿ ಏಳು ಬೌಂಡರಿ ಹಾಗೂ ಐದು ಸಿಕ್ಸರ್‌ಗಳಿಂದ ಔಟಾಗದೇ 76 ರನ್ ಗಳಿಸಿದರು.

Jasprit Bumrahಗೆ ಚಾಲೆಂಜ್ ಮಾಡಿದ ಜೋಸ್ ಬಟ್ಲರ್ | *Cricket | OneIndia Kannada

ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ನಾಲ್ಕನೇ ಆಟಗಾರ

19ನೇ ಓವರ್‌ನಲ್ಲಿ ವೇಗಿ ಬ್ರೈಡನ್ ಕಾರ್ಸೆ ಬೌಲ್ ಮಾಡಿದ ಎಸೆತದಲ್ಲಿ ಸಿಡಿಸಿದ ಸಿಕ್ಸರ್‌ನಿಂದ ರೋಹಿತ್ ಶರ್ಮಾ (250) ಮತ್ತೊಂದು ಹೆಗ್ಗುರುತನ್ನು ತಲುಪಲು ನೆರವಾಯಿತು. ಅವರು ಓವರ್‌ನ ಎರಡನೇ ಚೆಂಡನ್ನು ಫೈನ್ ಲೆಗ್ ಪ್ರದೇಶದ ಮೂಲಕ ಹುಕ್ ಮಾಡಿದರು. ಈಗ, ಅವರು ಸನತ್ ಜಯಸೂರ್ಯ (270), ಕ್ರಿಸ್ ಗೇಲ್ (331) ಮತ್ತು ಶಾಹಿದ್ ಅಫ್ರಿದಿ (351) ನಂತರ ಏಕದಿನ ಪಂದ್ಯಗಳಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ನಾಲ್ಕನೇ ಆಟಗಾರನಾಗಿದ್ದಾರೆ.

ರೋಹಿತ್ ಶರ್ಮಾ ಅವರ ಅರ್ಧಶತಕ ಮಾತ್ರವಲ್ಲ, ಜಸ್ಪ್ರೀತ್ ಬುಮ್ರಾ ಅವರ 6/19 ಮಾರಕ ಬೌಲಿಂಗ್ ದಾಳಿ ಭಾರತವು ಮೊದಲ ಏಕದಿನ ಪಂದ್ಯದಲ್ಲಿ ಹತ್ತು ವಿಕೆಟ್‌ಗಳ ಜಯ ಸಾಧಿಸಿತು. ಇಂಗ್ಲೆಂಡ್ ವಿರುದ್ಧದ ಮೂರು ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಲು ಸಹಾಯ ಮಾಡಿತು.