India Vs Pakistan: ವಿರಾಟ್ ಕೊಹ್ಲಿ ಅದ್ಭುತ ಆಟಕ್ಕೆ ಫಿದಾ ಆದ ಪತ್ನಿ ಅನುಷ್ಕಾ ಶರ್ಮಾ ಹೇಳಿದ್ದೇನು ಗೊತ್ತಾ?

ಅನುಷ್ಕಾ ಶರ್ಮಾ ಡ್ಯಾನ್ಸ್

ವಿರಾಟ್ ಕೊಹ್ಲಿ ಬ್ಯಾಟಿಂಗ್ ವೇಳೆಯಲ್ಲಿ ಅನುಷ್ಕಾ ಶರ್ಮಾ ಮನೆಯಲ್ಲಿ ನೃತ್ಯ ಮಾಡಿರುವುದಾಗಿ ಅವರು ಹೇಳಿದ್ದಾರೆ. "ನಾನು ಹೇಳಬಹುದಾದ ನನ್ನ ಜೀವನದ ಅತ್ಯುತ್ತಮ ಪಂದ್ಯವನ್ನು ನಾನು ಈಗಷ್ಟೇ ನೋಡಿದ್ದೇನೆ ಮತ್ತು ನಮ್ಮ ಮಗಳು ತುಂಬಾ ಚಿಕ್ಕವಳಾಗಿದ್ದರೂ, ಅವಳ ತಾಯಿ ಏಕೆ ಸುತ್ತಲೂ ನೃತ್ಯ ಮಾಡುತ್ತಿದ್ದಳು ಮತ್ತು ಕೋಣೆಯಲ್ಲಿ ಹುಚ್ಚುಚ್ಚಾಗಿ ಕಿರುಚುತ್ತಿದ್ದಳು ಎಂದು ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ, ಮುಂದೊಂದು ದಿನ ಅವಳು ತನ್ನ ತಂದೆ ಅತ್ಯುತ್ತಮ ಇನ್ನಿಂಗ್ಸ್ ಆಡಿದರು ಎಂದು ಅರ್ಥಮಾಡಿಕೊಳ್ಳುತ್ತಾಳೆ." ಎಂದು ಹೇಳಿದ್ದಾರೆ.

ಕೊಹ್ಲಿಯನ್ನು ಎತ್ತಿ ಸಂಭ್ರಮಿಸಿದ ರೋಹಿತ್: ಪಾಕ್‌ ವಿರುದ್ಧ ಗೆದ್ದ ನಂತರ ಭಾರತದ ಸಂಭ್ರಮಾಚರಣೆ: ವಿಡಿಯೋ

ನಿಮ್ಮ ಬಗ್ಗೆ ನನಗೆ ಹೆಮ್ಮೆ ಇದೆ

"ಹಿಂದೆಂದಿಗಿಂತಲೂ ಬಲಶಾಲಿ ಮತ್ತು ಬುದ್ಧಿವಂತನಾಗಿ ಆಡಿದರು. ನಿಮ್ಮ ಬಗ್ಗೆ ತುಂಬಾ ಹೆಮ್ಮೆ ಇದೆ !! ನಿಮ್ಮ ಶಕ್ತಿಯು ಸಾಂಕ್ರಾಮಿಕವಾಗಿದೆ ಮತ್ತು ನೀವು ನನ್ನ ಪ್ರೀತಿಯಾಗಿದ್ದೀರಾ, ಅದಕ್ಕೆ ಮಿತಿಯಿಲ್ಲ !! ನಿನ್ನನ್ನು ಶಾಶ್ವತವಾಗಿ ಪ್ರೀತಿಸುತ್ತೇನೆ ಕಷ್ಟದಲ್ಲೂ ಮತ್ತು ಸುಖದಲ್ಲೂ" ಎಂದು ಹೇಳಿದ್ದಾರೆ.

ಅನುಷ್ಕಾ ಮತ್ತು ವಿರಾಟ್ ಮದುವೆಯಾಗಿ ಐದು ವರ್ಷಗಳಾಗಿವೆ. ಈ ಸಮಯದಲ್ಲಿ, ವಿರಾಟ್ ಕೆಟ್ಟ ಫಾರ್ಮ್‌ಗೆ ಪ್ರವೇಶಿಸಿದಾಗ ಅನುಷ್ಕಾ ಬಗ್ಗೆ ಆಗಾಗ್ಗೆ ಟ್ರೋಲ್‌ಗಳು ಮತ್ತು ವಿಮರ್ಶಕರಿಂದ ದೂಷಿಸಲ್ಪಟ್ಟಿದ್ದಾರೆ.

ಪಂದ್ಯದ ನಂತರ ಕೊಹ್ಲಿ ಹೇಳಿದ್ದೇನು?

ಪಂದ್ಯದ ನಂತರ ವಿರಾಟ್ ತಮ್ಮ ಬ್ಯಾಟಿಂಗ್ ಬಗ್ಗೆ ಮಾತನಾಡಿದ್ದರು, "ಇದು ಒಂದು ಅತಿವಾಸ್ತವಿಕ ವಾತಾವರಣ, ಹೇಳಲು ನನಗೆ ಪದಗಳಿಲ್ಲ, ಅದು ಹೇಗೆ ಸಂಭವಿಸಿತು ಎಂದು ತಿಳಿದಿಲ್ಲ.ನಿಜವಾಗಿಯೂ ನನಗೆ ಮಾತನಾಡಲೂ ತಿಳಿಯುತ್ತಿಲ್ಲ. ಕೊನೆಯವರೆಗೂ ಬ್ಯಾಟಿಂಗ್ ಮಾಡಿದೆ, ನಾವು ಪಂದ್ಯವನ್ನು ಗೆಲ್ಲಬಹುದು ಎಂದು ಹಾರ್ದಿಕ್ ಪಾಂಡ್ಯ ಹೇಳಿದರು.

ಶಾಹೀನ್ ಅಫ್ರಿದಿ ಬೌಲಿಂಗ್‌ನಲ್ಲಿ ಉತ್ತಮವಾಗಿ ಆಡಿದೆ. ಹ್ಯಾರಿಸ್ ರೌಫ್ ಅವರ ಪ್ರಮುಖ ಬೌಲರ್ ಆಗಿದ್ದಾರೆ. 8 ಬಾಲ್‌ಗಳಲ್ಲಿ 28 ರನ್ ಬೇಕಾಗಿದ್ದಾಗ ಆತನ ಬೌಲಿಂಗ್‌ನಲ್ಲಿ ಎರಡು ಸಿಕ್ಸರ್ ಹೊಡೆದೆ, ಇದು ನನ್ನ ವೃತ್ತಿ ಜೀವನದ ಉತ್ತಮ ಇನ್ನಿಂಗ್ಸ್ ಎಂದುಕೊಳ್ಳುತ್ತೇನೆ. ಹಾರ್ದಿಕ್ ನನಗೆ ಆತ್ಮವಿಶ್ವಾಸ ತುಂಬುತ್ತಲೇ ಇದ್ದರು. ಅಭಿಮಾನಿಗಳು ನನ್ನನ್ನು ಬೆಂಬಲಿಸುತ್ತಿದ್ದಾರೆ, ನಿಮ್ಮ ಬೆಂಬಲಕ್ಕೆ ನಾನು ಕೃತಜ್ಞನಾಗಿದ್ದೇನೆ" ಎಂದು ಪಂದ್ಯದ ನಂತರ ಹೇಳಿದರು.