ಡಿಕೆಗೆ ಟೀಮ್ ಇಂಡಿಯಾ ಸ್ಥಾನ ಸಿಕ್ಕಿದೆ ಅಂದಮೇಲೆ ಆ ಒಳ್ಳೆ ಆಟಗಾರನಿಗೆ ಸ್ಥಾನ ಏಕಿಲ್ಲ?; ರೈನಾ ಕಿಡಿ!

ಶಿಖರ್ ಧವನ್ ಪರ ಬ್ಯಾಟ್ ಬೀಸಿದ ರೈನಾ

ದಕ್ಷಿಣ ಆಫ್ರಿಕಾ ಸರಣಿಗೆ ಪ್ರಕಟವಾಗಿರುವ ಟೀಮ್ ಇಂಡಿಯಾ ಕುರಿತು ಮಾತನಾಡಿರುವ ಸುರೇಶ್ ರೈನಾ ಶಿಖರ್ ಧವನ್‌ಗೆ ಅವಕಾಶ ಸಿಗದೇ ಇರುವುದರ ಕುರಿತು ಬೇಸರ ವ್ಯಕ್ತಪಡಿಸಿದ್ದಾರೆ. ಶಿಖರ್ ಧವನ್‌ಗೆ ಅವಕಾಶ ಸಿಗಬೇಕಿತ್ತು ಎಂದಿರುವ ರೈನಾ ಧವನ್ ತಂಡದಲ್ಲಿ ಇತರೆ ಆಟಗಾರರ ಜೊತೆ ಚೆನ್ನಾಗಿ ಬೆರೆಯುವ ಉತ್ತಮ ಆಟಗಾರ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ದಿನೇಶ್ ಕಾರ್ತಿಕ್‌ಗೆ ಅವಕಾಶ ಸಿಕ್ಕಿರುವಾಗ ಧವನ್‌ಗೇಕಿಲ್ಲ?

ಇನ್ನೂ ಮುಂದುವರೆದು ಮಾತನಾಡಿರುವ ಮಿಸ್ಟರ್ ಐಪಿಎಲ್ ದ. ಆಫ್ರಿಕಾ ವಿರುದ್ಧದ ಟಿ ಟ್ವೆಂಟಿ ಸರಣಿಗೆ ಪ್ರಕಟವಾಗಿರುವ ಭಾರತ ತಂಡದಲ್ಲಿ ಸ್ಥಾನ ಪಡೆದುಕೊಂಡಿರುವ ದಿನೇಶ್ ಕಾರ್ತಿಕ್‌ರನ್ನು ಉದಾಹರಣೆಗೆ ಎಳೆದಿದ್ದಾರೆ. ದಿನೇಶ್ ಕಾರ್ತಿಕ್ ಕಮ್‌ಬ್ಯಾಕ್ ಮಾಡಿ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳಬೇಕಾದರೆ ಶಿಖರ್ ಧವನ್‌ಗೇಕಿಲ್ಲ ಎಂಬ ಪ್ರಶ್ನೆಯನ್ನು ರೈನಾ ಬಿಸಿಸಿಐಗೆ ಸ್ಥಾರ್ ಸ್ಪೋರ್ಟ್ಸ್‌ನಲ್ಲಿ ನಡೆದ ಸಂದರ್ಶನದ ಮೂಲಕ ಎಸೆದಿದ್ದಾರೆ.

IPL ಪ್ಲೇಆಫ್ ಇತಿಹಾಸ ನೋಡಿದ್ರೆ RCB ಈ ಸಲ ಕಪ್‌ ಗೆಲ್ಲೋದು ಡೌಟೇ!!! | #cricket | #IPL2022 | Oneindia Kannda

ಧವನ್ ಐಪಿಎಲ್ ಅಂಕಿಅಂಶ

ಈ ಬಾರಿಯ ಇಂಡಿಯನ್‌ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ಪರ ಕಣಕ್ಕಿಳಿದಿದ್ದ ಶಿಖರ್ ಧವನ್ 14 ಪಂದ್ಯಗಳನ್ನಾಡಿ 460 ರನ್ ಕಲೆಹಾಕಿದ್ದಾರೆ. ಶಿಖರ್ ಧವನ್‌ರ ಈ ಆಟದಲ್ಲಿ ಮೂರು ಅರ್ಧಶತಕಗಳೂ ಸೇರಿದ್ದು, ಅಜೇಯ 88 ಶಿಖರ್ ಧವನ್ ಗಳಿಸಿದ ಗರಿಷ್ಟ ರನ್ ಆಗಿದೆ. ಇನ್ನು ಟಿ ಟ್ವೆಂಟಿ ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸುವ ಅವಕಾಶ ಪಡೆಯದ ಶಿಖರ್ ಧವನ್ ಈ ಬಾರಿಯಾದರೂ ಆ ಅವಕಾಶವನ್ನು ಪಡೆಯಬಹುದಾ ಎಂಬ ಕುತೂಹಲವಿತ್ತು. ಆದರೆ, ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ ಟ್ವೆಂಟಿ ಸರಣಿಯಲ್ಲಿ ಅವಕಾಶ ಸಿಗದ ಧವನ್‌ಗೆ ಟಿ ಟ್ವೆಂಟಿ ವಿಶ್ವಕಪ್ ತಂಡದಲ್ಲಿ ಸ್ಥಾನ ನೀಡುವುದು ದೂರದ ಮಾತು.