IND vs ZIM: ಭಾರತ ತಂಡದ ನಾಯಕನಾಗಿ ಮೊದಲ ಗೆಲುವು; ಕೆಎಲ್ ರಾಹುಲ್ ಪ್ರತಿಕ್ರಿಯೆ ಹೀಗಿತ್ತು!

ವಿಶ್ವಕಪ್ ವರ್ಷದಲ್ಲಿ ಯಾವುದೇ ಟಿ20 ಕ್ರಿಕೆಟ್ ಆಡದ ಕೆಎಲ್ ರಾಹುಲ್

ಮೊದಲ ಪಂದ್ಯದಲ್ಲಿ ಕೆಎಲ್ ರಾಹುಲ್ ಬ್ಯಾಟಿಂಗ್ ಮಾಡಲಿಲ್ಲ, ಆದರೆ ದುರದೃಷ್ಟಕರ ಗಾಯ ಮತ್ತು ಆರೋಗ್ಯದ ಕಾಳಜಿಯಿಂದಾಗಿ 2 ತಿಂಗಳಿಗಿಂತ ಹೆಚ್ಚು ಕಾಲ ವಿಶ್ರಾಂತಿಯಲ್ಲಿದ್ದ ನಂತರ ಮತ್ತೆ ಮೈದಾನಕ್ಕೆ ಮರಳಿರುವುದಕ್ಕೆ ಸಂತೋಷಪಟ್ಟರು.

"ಗಾಯಗಳಿಗೆ ಚಿಕಿತ್ಸೆ ನೀಡುವ ಫಿಸಿಯೋ ಜೊತೆ ಸಮಯ ಕಳೆಯುವುದಕ್ಕಿಂತ 365 ದಿನ ಆಡುವುದು ಹೆಚ್ಚು ಇಷ್ಟ," ಎಂದು ಕೆಎಲ್ ರಾಹುಲ್ ಹೇಳಿದ್ದಾರೆ. ವಿಶ್ವಕಪ್ ವರ್ಷದಲ್ಲಿ ಯಾವುದೇ ಟಿ20 ಕ್ರಿಕೆಟ್ ಆಡದ ಕೆಎಲ್ ರಾಹುಲ್, ಈ ವರ್ಷದಲ್ಲಿ 5 ಏಕದಿನ ಪಂದ್ಯಗಳನ್ನಷ್ಟೇ ಆಡಿದ್ದಾರೆ.

ಐಪಿಎಲ್ 2022ರ ನಂತರ ದಕ್ಷಿಣ ಆಫ್ರಿಕಾ ವಿರುದ್ಧದ 5-ಪಂದ್ಯಗಳ ಟಿ20 ಸರಣಿಯಲ್ಲಿ ಭಾರತವನ್ನು ಮುನ್ನಡೆಸಲು ಕೆಎಲ್ ರಾಹುಲ್ ಸಜ್ಜಾಗಿದ್ದರು. ಅದಕ್ಕೂ ಮುನ್ನ ಐಪಿಎಲ್ 2022ರಲ್ಲಿ ಅವರು ತಮ್ಮ ಮೊದಲ ಋತುವಿನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಅನ್ನು ಪ್ಲೇಆಫ್‌ಗೆ ಮುನ್ನಡೆಸಿದರು. ಆದರೆ ತೊಡೆಸಂದು ನೋವಿನ ಕಾರಣ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಹೀಗಾಗಿ ಸ್ಟಾರ್ ಓಪನರ್‌ನನ್ನು ಸರಣಿಯಿಂದ ಹೊರಗಿಡಲಾಯಿತು.

ವೆಸ್ಟ್ ಇಂಡೀಸ್ ಪ್ರವಾಸದಿಂದ ವಿಶ್ರಾಂತಿ ಪಡೆದಿದ್ದ ಕೆಎಲ್ ರಾಹುಲ್

ಜುಲೈನಲ್ಲಿ ಭಾರತದ ವೆಸ್ಟ್ ಇಂಡೀಸ್ ಪ್ರವಾಸದ ಸಮಯದಲ್ಲಿ ಕೆಎಲ್ ರಾಹುಲ್ ಹಿಂತಿರುಗಲು ಸಿದ್ಧರಾಗಿದ್ದರು, ಆದರೆ ಅವರು ಕೋವಿಡ್-19ಗೆ ತುತ್ತಾದ ನಂತರ ಕನ್ನಡಿಗ ಬ್ಯಾಟ್ಸ್‌ಮನ್ ಮತ್ತೆ ತಂಡದಿಂದ ಹೊರಗುಳಿದರು. ಕೆಎಲ್ ರಾಹುಲ್ ಆರಂಭದಲ್ಲಿ ಜಿಂಬಾಬ್ವೆ ಸರಣಿಗಾಗಿ ಭಾರತ ತಂಡದಲ್ಲಿ ಇರಲಿಲ್ಲ, ಆದರೆ ಸರಣಿಗೆ ಕೆಲವೇ ದಿನಗಳು ಇರುವಾಗ ಅವರನ್ನು ಸೇರಿಸಲಾಯಿತು ಮತ್ತು ನಾಯಕನ ಜವಾಬ್ದಾರಿಯನ್ನು ಹಸ್ತಾಂತರಿಸಿದರು.

"ಇದು ಎಷ್ಟು ಒಳ್ಳೆಯದು, ನಾನು ಮೈದಾನದಲ್ಲಿದ್ದೇನೆ ಮತ್ತು ನಾನು ಸಂತೋಷವಾಗಿದ್ದೇನೆ. ನಾವು ಬಹಳಷ್ಟು ಕ್ರಿಕೆಟ್ ಆಡುತ್ತೇವೆ, ಗಾಯಗಳು ಅದರ ಭಾಗವಾಗಿರುತ್ತವೆ. ಆಟದಿಂದ ದೂರವಿರುವುದು ಕಷ್ಟ. ತರಬೇತಿ, ಅಭ್ಯಾಸ ಮತ್ತು ಪ್ರತಿ ದಿನವೂ ಎಲ್ಲವೂ ಸಿಗುತ್ತದೆ. ನಾವು ಫಿಸಿಯೋ ಜೊತೆ ಇರುವುದಕ್ಕಿಂತ 365 ದಿನ ಕ್ರಿಕೆಟ್ ಆಡುವುದು ಹೆಚ್ಚು ಇಷ್ಟ," ಎಂದು ಜಿಂಬಾಬ್ವೆ ವಿರುದ್ಧ ಮೊದಲ ಏಕದಿನ ಪಂದ್ಯ ಗೆದ್ದ ನಂತರ ಕೆಎಲ್ ರಾಹುಲ್ ಪ್ರತಿಕ್ರಿಯಿಸಿದರು.

ಭಾರತ ತಂಡದ ನಾಯಕನಾಗಿ ಮೊದಲ ಗೆಲುವು

ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕೆಎಲ್ ರಾಹುಲ್ 5 ಪಂದ್ಯಗಳಲ್ಲಿ ಭಾರತವನ್ನು ಮುನ್ನಡೆಸಿದ್ದಾರೆ. ಅವರು ಈ ವರ್ಷದ ಆರಂಭದಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಏಕದಿನ ಸರಣಿಯನ್ನು 0-3 ರಲ್ಲಿ ಸೋತಿದ್ದರು ಮತ್ತು ಅದೇ ತಂಡದ ವಿರುದ್ಧ ರಾಹುಲ್ ನಾಯಕತ್ವದ ಭಾರತ ಏಕೈಕ ಟೆಸ್ಟ್ ಪಂದ್ಯವನ್ನು ಕಳೆದುಕೊಂಡರು.

ಈ ಮಧ್ಯೆ, ಇಬ್ಬರು ಭಾರತೀಯ ಹೊಸ-ಚೆಂಡಿನ ಬೌಲರ್‌ಗಳು ತಮ್ಮ ಮೊದಲ ಸ್ಪೆಲ್‌ಗಳಲ್ಲಿ ಸ್ವಿಂಗ್ ಮತ್ತು ಸೀಮ್‌ನೊಂದಿಗೆ ಜಿಂಬಾಬ್ವೆ ಬ್ಯಾಟರ್‌ಗಳನ್ನು ನಿಯಂತ್ರಿಸಿದ ಕಾರಣ ದೀಪಕ್ ಚಹಾರ್ ಮತ್ತು ಮೊಹಮ್ಮದ್ ಸಿರಾಜ್ ಅವರನ್ನು ನಾಯಕ ಕೆಎಲ್ ರಾಹುಲ್ ಹೊಗಳಿದರು.

ದೀಪಕ್ ಚಹಾರ್ ಮತ್ತು ಮೊಹಮ್ಮದ್ ಸಿರಾಜ್ ತಲಾ 3 ವಿಕೆಟ್ ಪಡೆದರೆ, ಮೊದಲ ಬದಲಾವಣೆಯ ಸೀಮರ್ ಪ್ರಸಿದ್ಧ್ ಕೃಷ್ಣ ಕೂಡ 3 ವಿಕೆಟ್ ಪಡೆದು ಜಿಂಬಾಬ್ವೆಯನ್ನು 189 ರನ್‌ಗಳಿಗೆ ಆಲೌಟ್ ಮಾಡಿದರು.

ಡ್ರೆಸ್ಸಿಂಗ್ ಕೋಣೆಗೆ ಮರಳಿರುವುದು ಅದ್ಭುತವಾಗಿದೆ

ಶಿಖರ್ ಧವನ್ ಮತ್ತು ಶುಭಮನ್ ಗಿಲ್ ಆರಂಭಿಕ ವಿಕೆಟ್‌ಗೆ 192 ರನ್ ಸೇರಿಸುವ ಮೂಲಕ ಭಾರತ ಕೇವಲ 30.5 ಓವರ್‌ಗಳು ಮತ್ತು 10 ವಿಕೆಟ್‌ಗಳ ಅಂತರದಲ್ಲಿ ಗುರಿಯನ್ನು ಸಾಧಿಸಿತು.

"ವಿಕೆಟ್‌ಗಳನ್ನು ತೆಗೆಯುವುದು ನಿರ್ಣಾಯಕವಾಗಿದೆ. ಸ್ವಿಂಗ್ ಮತ್ತು ಸೀಮ್ ಚಲನೆಯೂ ಇತ್ತು. ಆದರೆ ಅವರು ಚೆಂಡನ್ನು ಸರಿಯಾದ ಜಾಗದಲ್ಲಿ ಇರಿಸಿ ಮತ್ತು ಶಿಸ್ತುಬದ್ಧವಾಗಿರುವುದನ್ನು ನೋಡುವುದು ಒಳ್ಳೆಯದು. ನಮ್ಮಲ್ಲಿ ಕೆಲವರಿಗೆ, ಭಾರತೀಯ ಕ್ರಿಕೆಟ್ ಡ್ರೆಸ್ಸಿಂಗ್ ಕೋಣೆಗೆ ಮರಳಿರುವುದು ಅದ್ಭುತವಾಗಿದೆ," ಎಂದು ಕೆಎಲ್ ರಾಹುಲ್ ಹೇಳಿದರು.

ಭಾರತ ಮತ್ತು ಜಿಂಬಾಬ್ವೆ 2ನೇ ಏಕದಿನ ಪಂದ್ಯದಲ್ಲಿ ಶನಿವಾರ, ಆಗಸ್ಟ್ 20 ರಂದು ಮುಖಾಮುಖಿಯಾಗಲಿವೆ.