Ind vs Zim 1st ODI: 10 ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿದ ಭಾರತ, ಟ್ವಿಟ್ಟರ್ ಪ್ರತಿಕ್ರಿಯೆ

ಜಿಂಬಾಬ್ವೆ ವಿರುದ್ಧ ಸತತ 13 ಗೆಲುವು

ಈ ಗೆಲುವಿನ ಮೂಲಕ ಭಾರತವು ಜಿಂಬಾಬ್ವೆ ವಿರುದ್ಧ ಸತತ 13 ಗೆಲುವನ್ನ ಸಂಪಾದಿಸಿದೆ. 2013ರಿಂದ ಜಿಂಬಾಬ್ವೆ ವಿರುದ್ಧ ಒಂದು ಸೋಲನ್ನ ಕಾಣದ ಟೀಂ ಇಂಡಿಯಾ ಎದುರಾಳಿ ವಿರುದ್ಧ ಅತಿ ಹೆಚ್ಚು ಗೆಲುವು ಸಂಪಾದಿಸಿದ ಸಾಧನೆ ಮಾಡಿದೆ. ಇದಕ್ಕೂ ಮೊದಲು 1998ರಿಂದ 2004ರವರೆಗೆ 12 ಗೆಲುವನ್ನ ಪಡೆದಿತ್ತು.

IND vs ZIM 1st ODI: ಧವನ್-ಗಿಲ್ 192 ರನ್‌ ಜತೆಯಾಟ; 10 ವಿಕೆಟ್‌ಗಳ ಭರ್ಜರಿ ಜಯ ಸಾಧಿಸಿದ ಭಾರತ

10 ವಿಕೆಟ್‌ಗಳ ಗೆಲುವಿನಲ್ಲಿ ಅತಿ ದೊಡ್ಡ ಓಪನಿಂಗ್ ಜೊತೆಯಾಟ

ಇನ್ನು ಟೀಂ ಇಂಡಿಯಾ ಏಕದಿನ ಕ್ರಿಕೆಟ್‌ನಲ್ಲಿ ಇದುವರೆಗೂ ಸಂಪಾದಿಸಿರುವ 10 ವಿಕೆಟ್‌ಗಳ ಗೆಲುವಿನಲ್ಲಿ ಇದು ಎರಡನೇ ಬೃಹತ್ ಓಪನಿಂಗ್ ಜೊತೆಯಾಟವಾಗಿದೆ. ಶಿಖರ್ ಧವನ್ ಮತ್ತು ಶುಭಮನ್ ಗಿಲ್ ಜೋಡಿ ಮೊದಲ ವಿಕೆಟ್‌ಗೆ 192ರನ್‌ಗಳ ಕೂಡಿಹಾಕಿದೆ. ಇದಕ್ಕೂ ಮೊದಲು ಜಿಂಬಾಬ್ವೆ ವಿರುದ್ಧವೇ ಶಾರ್ಜಾದಲ್ಲಿ 1998ರಲ್ಲಿ ಭಾರತ 197ರನ್‌ಗಳ ಜೊತೆಯಾಟವಾಡಿತ್ತು. ಮೊದಲ ಮೂರು ಅತಿ ದೊಡ್ಡ ಓಪನಿಂಗ್ ಜೊತೆಯಾಟ ಜಿಂಬಾಬ್ವೆ ವಿರುದ್ಧವೇ ಆಗಿದೆ.

ಪತ್ನಿ ಧನಶ್ರೀ ಜೊತೆಗಿನ ವಿಚ್ಛೇದನ ವದಂತಿ: ಕ್ರಿಕೆಟಿಗ ಯುಜ್ವೇಂದ್ರ ಚಹಾಲ್ ಪ್ರತಿಕ್ರಿಯೆ ಏನು?

ಭಾರತದ ಬೃಹತ್ ಗೆಲುವಿಗೆ ಟ್ವಿಟ್ಟರ್‌ನಲ್ಲಿ ಭಾರೀ ಪ್ರಶಂಸೆ

ಟೀಂ ಇಂಡಿಯಾದ ಭರ್ಜರಿ ಗೆಲುವಿಗೆ ಟ್ವಿಟ್ಟರ್‌ನಲ್ಲಿ ಭಾರೀ ಪ್ರಶಂಸೆ ವ್ಯಕ್ತವಾಗಿದೆ. ಕಂಬ್ಯಾಕ್ ಪಂದ್ಯದಲ್ಲಿ ಉತ್ತಮ ಬೌಲಿಂಗ್ ಮಾಡಿದ ದೀಪಕ್ ಚಹಾರ್ ಜೊತೆಗೆ, ಶಿಖರ್ ಧವನ್ ಹಾಗೂ ಶುಭಮನ್ ಗಿಲ್ ಬೊಂಬಾಟ್ ಜೊತೆಯಾಟದ ಕುರಿತಾಗಿ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

7 ಓವರ್‌ಗಳಲ್ಲಿ 23ರನ್ ನೀಡಿದ ಟಾಪ್ ಆರ್ಡರ್ ವಿಕೆಟ್ ಪಡೆದ ದೀಪಕ್‌ ಚಹಾರ್‌ಗೆ ಪಂದ್ಯ ಪುರುಷೋತ್ತಮ ಪ್ರಶಸ್ತಿ ಒಲಿದುಬಂದಿದೆ. ಹರಾರೆಯಲ್ಲಿ ಭಾರತದ ಪ್ರದರ್ಶನದ ಕುರಿತು ನೆಟ್ಟಿಗರು ಭೇಷ್ ಎಂದಿದ್ದಾರೆ.