IND vs ZIM 3ನೇ ಏಕದಿನ: ಚೊಚ್ಚಲ ಅಂತಾರಾಷ್ಟ್ರೀಯ ಶತಕ ಸಿಡಿಸಿದ ಶುಭ್‌ಮನ್ ಗಿಲ್

ಹಲವು ಬಾರಿ ಶತಕ ತಪ್ಪಿಸಿಕೊಂಡಿದ್ದ ಶುಭಮನ್ ಗಿಲ್

ವೆಸ್ಟ್ ಇಂಡೀಸ್ ಪ್ರವಾಸದ ಸಮಯದಲ್ಲಿ ಶುಭಮನ್ ಗಿಲ್ ತನ್ನ ಅತ್ಯುತ್ತಮ ಪ್ರದರ್ಶನದೊಂದಿಗೆ ಮೂರು ಪಂದ್ಯಗಳ ಏಕದಿನ ಸರಣಿಯ ವೇಳೆ ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನು ಗೆದ್ದಿದ್ದರು.

ವೆಸ್ಟ್ ಇಂಡೀಸ್ ವಿರುದ್ಧದ ಅಂತಿಮ ಏಕದಿನ ಪಂದ್ಯದ ವೇಳೆ 22 ವರ್ಷ ವಯಸ್ಸಿನ ಶುಭಮನ್ ಗಿಲ್ ಮೂರು ಅಂಕಿಗಳ ದಾಟುವ ಪಡೆಯುವ ಸಮೀಪದಲ್ಲಿದ್ದರು. ಆದರೆ, ಮಳೆಯಿಂದಾಗಿ ಅವರು 98 ರನ್ ಗಳಿಸಿ ಅಜೇಯರಾಗಿ ಉಳಿದರು. ಇದು ಅವರ ಮೊದಲ ಶತಕದ ಆಸೆಯನ್ನು ಜೀವಂತವಾಗಿರಿಸಿತ್ತು. ಇದೇ ವೇಳೆ ಭಾರತ ತಂಡ ಮೂರನೇ ಏಕದಿನ ಪಂದ್ಯದಲ್ಲಿ 50 ಓವರ್‌ಗಳಲ್ಲಿ 8 ವಿಕೆಟ್‌ಗೆ 289 ರನ್ ಗಳಿಸಿದೆ.

ಶುಭಮನ್ ಗಿಲ್ ಮತ್ತು ಇಶಾನ್ ಕಿಶನ್‌ ಜೊತೆಯಾಟ

ಆದರೆ, ಜಿಂಬಾಬ್ವೆ ವಿರುದ್ಧ ಸೋಮವಾರ ಭಾರತೀಯ ಯುವ ತಾರೆ ಮತ್ತೆ ಅವಕಾಶವನ್ನು ಕೈಚೆಲ್ಲಲಿಲ್ಲ. ಉತ್ತಮ ಲಯದಲ್ಲಿ ಕಾಣುತ್ತಿದ್ದ ಶುಭಮನ್ ಗಿಲ್, ಭಾರತ ತಂಡ 15 ಓವರ್‌ಗಳಲ್ಲಿ ಸ್ಕೋರ್ 63 ರನ್ ಗಳಿಸಿದ್ದಾಗ ನಾಯಕ ಕೆಎಲ್ ರಾಹುಲ್ ಔಟ್ ಆದ ನಂತರ ಬ್ಯಾಟಿಂಗ್‌ಗೆ ಬಂದರು. ಪ್ರವಾಸಿ ತಂಡ ನಂತರ ಶಿಖರ್ ಧವನ್ ಅವರ ವಿಕೆಟ್ ಕಳೆದುಕೊಂಡಿತು ಮತ್ತು ಎರಡು ವಿಕೆಟ್ ನಷ್ಟಕ್ಕೆ 84 ರನ್ ಗಳಿಸಿತ್ತು.

ಶುಭಮನ್ ಗಿಲ್ ಮತ್ತು ಇಶಾನ್ ಕಿಶನ್‌ ವಿಶ್ವಾಸಾರ್ಹ ಜೊತೆಯಾಟವನ್ನು ಕಂಡುಕೊಂಡರು. ಇಬ್ಬರೂ ಕಠಿಣ ಅವಧಿಯಲ್ಲಿ ತಂಡದ ಮೊತ್ತವನ್ನು ಏರಿಸಲು ಪ್ರಯತ್ನಪಟ್ಟರು. ಇದೇ ವೇಳೆ ಈ ಇಬ್ಬರು ಬ್ಯಾಟ್ಸ್‌ಮನ್‌ಗಳು ಜಿಂಬಾಬ್ವೆ ಬೌಲಿಂಗ್‌ನ ಮೇಲೆ ಪ್ರತಿದಾಳಿ ನಡೆಸಿದರು. ಇಶಾನ್ ಕಿಶನ್ ರನ್ ಔಟ್ ಆಗುವ ಮೊದಲು ಉತ್ತಮ ಅರ್ಧಶತಕ ಗಳಿಸಿದರು.

82 ಎಸೆತಗಳಲ್ಲಿ ಶತಕದ ಗಡಿ ದಾಟಿದ ಶುಭಮನ್ ಗಿಲ್

22ರ ಹರೆಯದ ಶುಭಮನ್ ಗಿಲ್ ಅವರು ಎದುರಾಳಿ ಬೌಲರ್‌ಗಳಿಗೆ ಬೌಂಡರಿ ಗಳಿಸಿ ರನ್ ರೇಟ್ ಅನ್ನು ಹೆಚ್ಚಿಸಲು ಸ್ಫೋಟಕ ಆಟದಲ್ಲಿ ಕಾಣಿಸಿಕೊಂಡರು. ಗಿಲ್ ಅವರ ಇನ್ನಿಂಗ್ಸ್‌ನಲ್ಲಿ 12 ಬೌಂಡರಿಗಳನ್ನು ಒಳಗೊಂಡಿತ್ತು ಮತ್ತು ಅವರು ಕೇವಲ 82 ಎಸೆತಗಳಲ್ಲಿ ಶತಕದ ಗಡಿಯನ್ನು ತಲುಪಿದರು. ಅಂತಿಮವಾಗಿ 97 ಎಸೆತಗಳಲ್ಲಿ 130 ರನ್ ಗಳಿಸಿ ಔಟಾದರು.

ಆಗಸ್ಟ್ 18ರಂದು ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಅವರು ಅಜೇಯ 82 ರನ್ ಗಳಿಸಿದ್ದರಿಂದ ಬಲಗೈ ಬ್ಯಾಟರ್‌ಗೆ ಜಿಂಬಾಬ್ವೆ ಸರಣಿಯು ಯಶಸ್ವಿಯಾಗಿದೆ. ಎರಡನೇ ಪಂದ್ಯದಲ್ಲಿ ನಾಯಕ ಕೆಎಲ್ ರಾಹುಲ್‌ಗೆ ತನ್ನ ಆರಂಭಿಕ ಸ್ಥಾನವನ್ನು ಬಿಟ್ಟುಕೊಟ್ಟರು ಮತ್ತು ಅವರು ತಂಡಕ್ಕೆ ನಂ.3 ಸ್ಥಾನಕ್ಕೆ ಬಂದರು. ಅವರು ಆ ಪಂದ್ಯದಲ್ಲಿ 33 ರನ್ ಗಳಿಸಿದರು.

ಭಾರತೀಯ ಏಕದಿನ ತಂಡದಲ್ಲಿ ಎರಡು ಪ್ರಮುಖ ಬ್ಯಾಟಿಂಗ್ ಸ್ಲಾಟ್‌ಗಳಿಗೆ ತನ್ನನ್ನು ತಾನು ಪ್ರತಿಸ್ಪರ್ಧಿಯಾಗಿ ಇರಿಸಿಕೊಂಡಿರುವ ಕಾರಣ, ಸೋಮವಾರದ ಅವರ ಚೊಚ್ಚಲ ಶತಕವು ಭಾರತೀಯ ತಾರೆಗೆ ಖಂಡಿತವಾಗಿಯೂ ತಂಡದಲ್ಲಿ ಭದ್ರ ಸ್ಥಾನ ಒದಗಿಸುವ ಸಾಧ್ಯತೆ ಇದೆ.