ನವದೆಹಲಿ: ಸೀಮಿತ ಓವರ್ಗಳ ಸರಣಿಗಾಗಿ (ಏಕದಿನ, ಟಿ20ಐ) ಭಾರತೀಯ ಕ್ರಿಕೆಟ್ ತಂಡ ಶ್ರೀಲಂಕಾ ಪ್ರವಾಸದಲ್ಲಿದೆ. ಜುಲೈ 18ರಿಂದ ಈ ಸರಣಿ ಶುರುವಾಗಲಿದೆ. ಅಸಲಿಗೆ ಈ ಸರಣಿ ಜುಲೈ 13ರಂದು ಆರಂಭಗೊಳ್ಳುವುದರಲ್ಲಿತ್ತು. ಆದರೆ ಇಂಗ್ಲೆಂಡ್ಗೆ ಪ್ರವಾಸ ಹೋಗಿದ್ದ ಶ್ರೀಲಂಕಾ ತಂಡದಲ್ಲಿ ಕೋವಿಡ್-19 ಪ್ರಕರಣಗಳು ಕಾಣಿಸಿಕೊಂಡಿದ್ದರಿಂದ ಸರಣಿ ಆರಂಭ ಕೊಂಚ ಮುಂದೂಡಲ್ಪಟ್ಟಿತ್ತು.
9 ಸಿಕ್ಸರ್ಗಳೊಂದಿಗೆ ಸ್ಫೋಟಕ ಅರ್ಧಶತಕ ಚಚ್ಚಿದ ಎವಿನ್ ಲೆವಿಸ್!
ಭಾರತ-ಶ್ರೀಲಂಕಾ ಸರಣಿಗಳ ಪಂದ್ಯಗಳು ಸೋನಿ ಚಾನೆಲ್ನಲ್ಲಿ ನೇರಪ್ರಸಾರವಾಗಲಿದೆ. ಆದರೆ ಸೋನಿ ಚಾನೆಲ್ ಫೇಸ್ಬುಕ್ ಜೊತೆಗೆ ಒಂದು ಒಪ್ಪಂದ ಮಾಡಿಕೊಂಡಿದೆ. ಹೀಗಾಗಿ ಭಾರತ-ಶ್ರೀಲಂಕಾ ಪಂದ್ಯಗಳನ್ನು ನೀವು ಫೇಸ್ಬುಕ್ನಲ್ಲೂ ನೋಡಬಹುದಾಗಿದೆ.
ಭಾರತ-ಶ್ರೀಲಂಕಾ ಪ್ರವಾಸ ಸರಣಿಗೆ ಸಂಬಂಧಿಸಿ ಭಾರತ ಫೇಸ್ಬುಕ್ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಆದ್ದರಿಂದ ಭಾರತ-ಶ್ರೀಲಂಕಾ ಮೂರು ಏಕದಿನ ಪಂದ್ಯಗಳು ಮತ್ತು ಮೂರು ಟಿ20ಐ ಪಂದ್ಯಗಳ ಹೈಲೈಟ್ಸ್, ವಿಡಿಯೋಗಳು ಫೇಸ್ಬುಕ್ನಲ್ಲಿ ಸಿಗಲಿವೆ. ಈ ಒಪ್ಪಂದದ ಮೂಲಕ ಸೋಷಿಯಲ್ ವೀಡಿಯೊಗಳಲ್ಲಿ ತನ್ನ ಪಾಲನ್ನು ಎಫ್ಬಿ ಇನ್ನಷ್ಟು ಹೆಚ್ಚಿಸಲಿದೆ ಎಂದು ಫೇಸ್ಬುಕ್ ಬಹಿರಂಗಪಡಿಸಿದೆ.
ಭಾರತ vs ಇಂಗ್ಲೆಂಡ್ ಟೆಸ್ಟ್ ಸರಣಿಯಲ್ಲಿ ದಿನೇಶ್ ಕಾರ್ತಿಕ್ ಕಣಕ್ಕೆ?!
ಅಂದರೆ, ನೀವು ಫೇಸ್ಬುಕ್ ಬಳಕೆದಾರರಾಗಿದ್ದರೆ ಸಾಕು; ಪಂದ್ಯದ ವೀಡಿಯೋಗಳೂ, ಅಪ್ಡೇಟ್ಸ್ ಸಿಗಲಿದೆ. ಶ್ರೀಲಂಕಾದಲ್ಲಿರುವ ಭಾರತೀಯ ತಂಡಕ್ಕೆ ಶಿಖರ್ ಧವನ್ ನಾಯಕ, ಭುವನೇಶ್ವರ್ ಕುಮಾರ್ ಉಪನಾಯಕರಾಗಿದ್ದು, ಜುಲೈ 18ಕ್ಕೆ ಭಾರತೀಯ ಕಾಲಮಾನ 3 PMನಂತೆ ಕೊಲಂಬೋದ ಪ್ರೇಮದಾಸ ಸ್ಟೇಡಿಯಂನಲ್ಲಿ ಮೊದಲ ಏಕದಿನ ಪಂದ್ಯ ಆರಂಭಗೊಳ್ಳಲಿದೆ.