ಮೊದಲ ಫೈನಲಿನಲ್ಲೇ ದಾಖಲೆ ಬರೆದ ವಾಷಿಂಗ್ಟನ್ ಸುಂದರ್!

ಹೈದರಾಬಾದ್, ಮೇ 21: ಮುಂಬೈ ಇಂಡಿಯನ್ಸ್ ತಂಡದ ಹಾಗೂ ರೈಸಿಂಗ್ ಪುಣೆ ಸೂಪರ್ ಜೈಂಟ್ ನಡುವೆ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆದಿರುವ ಇಂಡಿಯನ್ ಪ್ರೀಮೀಯರ್ ಲೀಗ್ (ಐಪಿಎಲ್ ) 10ರ ಫೈನಲ್ ಪಂದ್ಯದಲ್ಲಿ 17 ವರ್ಷ ವಯಸ್ಸಿನ ವಾಷಿಂಗ್ಟನ್ ಸುಂದರ್ ಅವರು ಹೊಸ ದಾಖಲೆ ಬರೆದಿದ್ದಾರೆ.

ರೈಸಿಂಗ್ ಪುಣೆ ಸೂಪರ್ ಜೈಂಟ್ ಪರ ಆಡುತ್ತಿರುವ ವಾಷಿಂಗ್ಟನ್ ಸುಂದರ್ ಅವರು ಐಪಿಎಲ್ ಫೈನಲ್ ಆಡಿದ ಅತ್ಯಂತ ಕಿರಿಯ ಆಟಗಾರ ಎನಿಸಿಕೊಂಡಿದ್ದಾರೆ. [ಯುವ ಪ್ರತಿಭೆ ಸುಂದರ್ ಹೆಸರಲ್ಲಿ 'ವಾಷಿಂಗ್ಟನ್' ಏಕಿದೆ?]

17 ವರ್ಷ 228ದಿನ ವಯಸ್ಸಿನ ಸುಂದರ್ ಅವರು ಕ್ವಾಲಿಫೈಯರ್ 1 ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ದ ಅದ್ಭುತ ಪ್ರದರ್ಶನ ನೀಡಿ 16 ರನ್ನಿತ್ತು 3 ಪ್ರಮುಖ ವಿಕೆಟ್ ಕಬಳಿಸಿದ್ದರು. [ಐಪಿಎಲ್ 10 ಫೈನಲ್ ಪಂದ್ಯದ ವರದಿ]


ಪಂದ್ಯಶ್ರೇಷ್ಠ ಗೆದ್ದ ಅತ್ಯಂತ ಕಿರಿಯ ಆಟಗಾರ ಎನಿಸಿಕೊಂಡಿದ್ದ ಸುಂದರ್ ಅವರು ಈಗ ಫೈನಲ್ ಆಡಿದ ಅತ್ಯಂತ ಕಿರಿಯ ಎನಿಸಿಕೊಂಡಿದ್ದಾರೆ. ರವಿಚಂದ್ರನ್ ಅಶ್ವಿನ್ ಅವರ ಅನುಪಸ್ಥಿತಿಯಲ್ಲಿ ತಂಡದಲ್ಲಿ ಸ್ಪಿನ್ನರ್ ಆಗಿ ಈ ತಮಿಳುನಾಡಿನ ಪ್ರತಿಭೆ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ವಾಷಿಂಗ್ಟನ್ ಸುಂದರ್ ಗೂ ಮುನ್ನ ರವೀಂದ್ರ ಜಡೇಜ ಅವರು 19 ವರ್ಷ 178 ವಯಸ್ಸಿನಲ್ಲಿ ಫೈನಲ್ ಆಡಿದ್ದರು. ಮನೀಶ್ ಪಾಂಡೆ ಅವರು 2009ರಲ್ಲಿ 19 ವರ್ಷ 256 ವಯಸ್ಸಿನಲ್ಲಿ ಫೈನಲ್ ಆಡಿದ್ದರು.(ಒನ್ಇಂಡಿಯಾ ಸುದ್ದಿ)