ಡೆಲ್ಲಿ ನಾಯಕ ಜಹೀರ್ ಹಂಚಿಕೊಂಡ್ರು ಶುಭ ಸಮಾಚಾರ!

ಮುಂಬೈ, ಏಪ್ರಿಲ್ 24: ಐಪಿಎಲ್ 2017ರಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ನಾಯಕರಾಗಿರುವ ಜಹೀರ್ ಖಾನ್ ಅವರು ಮೈಕ್ರೋಬ್ಲಾಗಿಂಗ್ ತಾಣ ಟ್ವಿಟ್ಟರ್ ಮೂಲಕ ಸೋಮವಾರದಂದು ಶುಭ ಸಮಾಚಾರವೊಂದನ್ನು ಹಂಚಿಕೊಂಡಿದ್ದಾರೆ.

ಮದುವೆ ನೋಂದಾಯಿಸಿದ ಜಹೀರ್- ಸಾಗರಿಕಾ

ಟೀಂ ಇಂಡಿಯಾದ ಮಾಜಿ ವೇಗದ ಬೌಲರ್ ಜಹೀರ್ ಖಾನ್ ಅವರು ತಮ್ಮ ಗೆಳತಿ, ಬಾಲಿವುಡ್ ನಟಿ ಸಾಗರಿಕಾ ಘಾಟ್ಕೆ ಜತೆ ವಿವಾಹ ನಿಶ್ಚಯ ಮಾಡಿಕೊಂಡಿರುವುದಾಗಿ ಘೋಷಿಸಿದ್ದಾರೆ.

ಸಾಗರಿಕಾ ಹಾಗೂ ಜಹೀರ್ ಅವರಿರುವ ಚಿತ್ರವೊಂದನ್ನು ಟ್ವಿಟ್ಟರ್ ನಲ್ಲಿ ಹಾಕಿದ್ದು, ನಿಶ್ಚಿತಾರ್ಥದ ಮೊಹರು ಕಾಣಿಸುತ್ತಿದೆ. ಜೀವನಪೂರ್ತಿ ಜೊತೆಗಿರಲು ಸಾಗರಿಕಾ ಜತೆ ನಿಶ್ಚಿತಾರ್ಥವಾಗಿದೆ.

ಉಂಗುರದ ಮುದ್ರೆಯ ಬಗ್ಗೆ ಏನು ಹೇಳಲಿ, ಹೆಂಡತಿಯ ಆಯ್ಕೆಗೆ ಎದುರಾಡುವಂತಿಲ್ಲ, ಏಕೆಂದರೆ ನಾವಿಬ್ಬರೂ ಒಂದೇ ಬೇರೆಯಲ್ಲ ಎಂಬರ್ಥದಲ್ಲಿ ಜಹೀರ್ ಟ್ವೀಟ್ ಮಾಡಿದ್ದಾರೆ.


ಕ್ರಿಕೆಟ್ ಹಾಗೂ ಬಾಲಿವುಡ್ ನಡುವಿನ ನಂಟು ಮತ್ತೊಮ್ಮೆ ಜಹೀರ್ ಹಾಗೂ ಸಾಗರಿಕಾರೊಂದಿಗೆ ಮುಂದುವರೆದಿದೆ. ಯುವರಾಜ್ ಸಿಂಗ್ ಹಾಗೂ ಹಜೆಲ್ ಕೀಚ್ ಈ ಪಟ್ಟಿಯಲ್ಲಿರುವ ಇತ್ತೀಚಿನ ಜೋಡಿಯಾಗಿದ್ದಾರೆ.