ಧೋನಿ ಬಗ್ಗೆ ನೂರು ಮಾತಾಡೋ ಚಂದದ ವೀಡಿಯೋ ಇದು!

ಚೆನ್ನೈ, ಮೇ 4: ಕೂಲ್ ಕ್ಯಾಪ್ಟನ್ ಖ್ಯಾತಿಯ ಮಹೇಂದ್ರ ಸಿಂಗ್ ಧೋನಿ ಮೇಲಿನ ಅಭಿಮಾನವನ್ನು ತೋರಿಸುವ ಚಂದದ ವೀಡಿಯೋ ಇದು. ಈಗಲೂ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೀಕ್ಷಣೆಗೊಳಗಾಗುತ್ತಿದೆ.

ಇದಾಗಿದ್ದು ಕೋಲ್ಕತ್ತಾದ ಈಡನ್ ಗಾರ್ಡನ್ ಸ್ಟೇಡಿಯಂನಲ್ಲಿ. ಕೋಲ್ಕತ್ತಾ-ಚೆನ್ನೈ ಪಂದ್ಯದ ವೇಳೆ. ಆಟಗಾರರೊಂದಿಗೆ ಧೋನಿ ಮಾತನಾಡುತ್ತಿದ್ದಾಗ ಧೋನಿ ಅಭಿಮಾನಿ ಬಾಲಕನೊಬ್ಬ ನಡುವೆ ಬಂದು ಧೋನಿಯ ಕಾಲಿಗೆರಗುವ ವೀಡಿಯೋ ಸೆರೆಯಾಗಿದೆ. ಧೋನಿ ಆ ಬಾಲಕನನ್ನು ಆಶೀರ್ವದಿಸಿ ಕಳುಹಿಸಿಕೊಡುತ್ತಾರೆ.

ಕೆಲವೇ ಸೆಕೆಂಡ್ ಗಳಲ್ಲಿ ವೀಡಿಯೋ ಮುಗಿದು ಹೋಗುತ್ತದಾದರೂ ಸಾವಿರಾರು ಕ್ರೀಡಾಭಿಮಾನಿಗಳನ್ನು ಸೆಳೆದಿರೋ ವೀಡಿಯೋವಿದು. ಈಗಲೂ ಹೆಚ್ಚು ಸಂಖ್ಯೆಯಲ್ಲಿ ವೀಕ್ಷಣೆಗೊಳಗಾಗುತ್ತಿದೆ.