ಕೈ ಕೊಟ್ಟ ರೈನಾ, ಬಜ್ಜಿಗೆ ಬೈ ಬೈ ಹೇಳಲು ಮುಂದಾದ ಸಿಎಸ್‌ಕೆ

ಅಧಿಕೃತ ಒಪ್ಪಂದ ರದ್ದು

ಚೆನ್ನೈ ಸೂಪರ್ ಕಿಂಗ್ಸ್ ಆಡಳಿತವು ಇಬ್ಬರೂ ಆಟಗಾರರ ಹೆಸರನ್ನು ತನ್ನ ಅಧಿಕೃತ ವೆಬ್‌ಸೈಟ್‌ನಿಂದ ತೆಗೆದು ಹಾಕಿರುವುದು ಮಾತ್ರವಲ್ಲ, ಇಬ್ಬರನ್ನೂ ಅಧಿಕೃತವಾಗಿ ಎಲ್ಲ ಒಪ್ಪಂದಗಳಿಂದ ತೆಗೆದುಹಾಕುವ ಪ್ರಕ್ರಿಯೆಯನ್ನು ಸಹ ಶುರುಮಾಡಿದೆ ಎಂದು ಹೇಳಲಾಗಿದೆ.

ಒಪ್ಪಂದ ಇದೇ ವರ್ಷ ಅಂತ್ಯ

2018ರಲ್ಲಿ ಹರ್ಭಜನ್ ಸಿಂಗ್ ಮತ್ತು ಸುರೇಶ್ ರೈನಾ ಇಬ್ಬರೂ ಸಿಎಸ್‌ಕೆ ಜತೆಗಿನ ಮೂರು ವರ್ಷಗಳ ಒಪ್ಪಂದಕ್ಕೆ ಸಹಿ ಹಾಕಿದ್ದರು. ರೈನಾ ಅವರೊಂದಿಗೆ ಸಿಎಸ್‌ಕೆ 11 ಕೋಟಿ ರೂ. ಹಾಗೂ ಹರ್ಭಜನ್ ಜತೆಗೆ 2 ಕೋಟಿ ರೂ. ವಾರ್ಷಿಕ ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಈ ಒಪ್ಪಂದ ಪ್ರಸಕ್ತ ವರ್ಷವೇ ಅಂತ್ಯಗೊಳ್ಳುವುದರಲ್ಲಿತ್ತು.

ಎಂಎಸ್ ಧೋನಿ ಜೊತೆ ವಿರಸವಲ್ಲ, ಸುಳಿವು ಕೊಟ್ಟ ಸುರೇಶ್ ರೈನಾ

ಆಡುವವರಿಗೆ ಮಾತ್ರ ವೇತನ

ರೈನಾ ಹಾಗೂ ಹರ್ಭಜನ್ ಅವರೊಂದಿಗಿನ ಒಪ್ಪಂದಗಳನ್ನು ರದ್ದುಗೊಳಿಸುವ ಕುರಿತು ಸಿಎಸ್‌ಕೆ ಸಿಇಒ ಕಾಶಿ ವಿಶ್ವನಾಥನ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಕ್ರಿಕೆಟಿಗರ ವೇತನದ ಬಗ್ಗೆ ಮಾಹಿತಿ ನೀಡಿದ್ದಾರೆ. 'ಯಾರು ತಂಡದಲ್ಲಿ ಕ್ರಿಕೆಟ್ ಆಡುತ್ತಾರೋ ಅವರಿಗೆ ವೇತನ ನೀಡಲಾಗುತ್ತದೆ, ಯಾರು ಆಡುವುದಿಲ್ಲವೋ ಅವರಗೆ ವೇತನ ಪಾವತಿಸಲಾಗುವುದಿಲ್ಲ' ಎಂದಿದ್ದಾರೆ.

ಮತ್ತೆ ಕರೆ ತರುವುದಿಲ್ಲ

'ನಾವು ಮತ್ತೆ ಸುರೇಶ್ ರೈನಾ ಅವರತ್ತ ಹಿಂತಿರುಗುವುದನ್ನು ನೋಡುವುದಿಲ್ಲ. ಯಾಕೆಂದರೆ ತಾವು ಆಡುವುದಿಲ್ಲ ಎಂದು ಅವರೇ ನಿರ್ಧರಿಸಿದ್ದಾರೆ. ಅವರ ನಿರ್ಧಾರವನ್ನು ನಾವು ಗೌರವಿಸುತ್ತೇವೆ. ಅವರನ್ನು ಮತ್ತೆ ತಂಡಕ್ಕೆ ಕರೆತರುವ ಬಗ್ಗೆ ನಾವು ಯೋಚಿಸುತ್ತಿಲ್ಲ' ಎಂದು ವಿಶ್ವನಾಥನ್ ಅವರು ಈ ಹಿಂದೆ ಹೇಳಿಕೆ ನೀಡಿದ್ದರು.

ಸುರೇಶ್ ರೈನಾ ಮತ್ತೆ ಆಡುತ್ತಿಲ್ಲ: ಚೆನ್ನೈ ಸೂಪರ್ ಕಿಂಗ್ಸ್ ಸಿಎಸ್‌ಕೆ ಸಿಇಒ ಸ್ಪಷ್ಟನೆ