ಧೋನಿ ಪಡೆ ಬಗ್ಗುಬಡಿಯಲು ವಾರ್ನರ್ ಪಡೆಗೆ ಲಕ್ಷ್ಮಣ್ ಟಿಪ್ಸ್

ಚೆನ್ನೈ ವಿರುದ್ಧ ಹೈದರಾಬಾದ್ ದಾಖಲೆ ಉತ್ತಮವಾಗಿಲ್ಲ

ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಸನ್‌ರೈಸರ್ಸ್ ಹೈದರಾಬಾದ್ ದಾಖಲಿಸಿದ ದಾಖಲೆ ಉತ್ತಮವಾಗಿಲ್ಲ. ಉಭಯ ತಂಡಗಳು ಈವರೆಗೆ ಹಲವಾರು ಬಾರಿ ಮುಖಾಮುಖೀಯಾಗಿದ್ದರೂ ಚೆನ್ನೈ ಸೂಪರ್ ಕಿಂಗ್ಸ್ 9 ಪಂದ್ಯಗಳನ್ನು ಗೆದ್ದಿದೆ. ಪ್ರಸಕ್ತ ಐಪಿಎಲ್ ನಲ್ಲಿ ಸನ್‌ರೈಸರ್ಸ್ ಗೆಲುವಿನ ವಿಶ್ವಾಸ ಮೂಡಿಸಿದೆ. ಐಪಿಎಲ್‌ 2020ರಲ್ಲಿ ಉಭಯ ತಂಡಗಳು ಇದೇ ಮೊದಲ ಬಾರಿಗೆ ಎದುರಾಗಿವೆ. ಇಲ್ಲಿಯವರೆಗೆ ಮೂರು ಪಂದ್ಯಗಳನ್ನು ಆಡಿದ ತಂಡಗಳು ಎರಡು ಗೆಲುವುಗಳನ್ನು ಪಡೆದಿವೆ. ಮೊದಲ ಪಂದ್ಯವನ್ನು ಹೊರತುಪಡಿಸಿ, ಚೆನ್ನೈ ಸೂಪರ್ ಕಿಂಗ್ಸ್ ಇತರ ಎರಡು ಪಂದ್ಯಗಳನ್ನು ಕಳೆದುಕೊಂಡಿತು.

ಚೆನ್ನೈ ವಿರುದ್ಧ ಆಕ್ರಮಣಕಾರಿ ಆಟವಾಡಿ

ಸೋಲಿನಿಂದ ಆತ್ಮವಿಶ್ವಾಸವನ್ನು ಕಳೆದುಕೊಂಡಿರುವ ಚೆನ್ನೈ ವಿರುದ್ಧ ಗೆಲ್ಲಲು ಹೆಚ್ಚಿನ ಆಕ್ರಮಣಶೀಲತೆಯನ್ನು ತೋರಿಸಬೇಕಾಗಿದೆ ಎಂದು ಸನ್‌ರೈಸರ್ಸ್ ಹೈದರಾಬಾದ್ ತಂಡದ ಮಾರ್ಗದರ್ಶಕ ವಿ.ವಿ.ಎಸ್ ಲಕ್ಷ್ಮಣ್ ಸಲಹೆ ನೀಡಿದ್ದಾರೆ. ಆರಂಭಿಕ ಆಟಗಾರರಷ್ಟೇ ಅಲ್ಲದೆ, ಸ್ಲಾಗ್ ಓವರ್ ಗಳಲ್ಲಿ ಹೆಚ್ಚಿನ ರನ್ ಗಳಿಸಬೇಕಿದೆ. ಧೋನಿ ಆಟದ ಮಧ್ಯೆ ರನ್ ನಿಯಂತ್ರಣಕ್ಕೆ ಹೆಚ್ಚಿನ ಒತ್ತು ನೀಡುವಂತೆ ಮಾಡಬೇಕು, ವಿಕೆಟ್ ಕಳೆದುಕೊಳ್ಳದೆ ಇದ್ದರೆ ರನ್ ಗತಿ ಹೆಚ್ಚಿಸಬಹುದು ಎಂದಿದ್ದಾರೆ.

ಐಪಿಎಲ್ 2020: ಚೆನ್ನೈ ಸೂಪರ್ ಕಿಂಗ್ಸ್ vs ಸನ್‌ರೈಸರ್ಸ್ ಹೈದರಾಬಾದ್, ಸಂಭಾವ್ಯ ತಂಡ

ಮಧ್ಯಮ ಕ್ರಮಾಂಕ ಬ್ಯಾಟಿಂಗ್ ಆತಂಕ

"ನಾವು ಆಕ್ರಮಣಕಾರಿಯಾಗಿ ಆಡಿ ಉತ್ತಮ ಆರಂಭ ಪಡೆದರೂ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್ ಸದ್ಯ ಆತಂಕ ಮೂಡಿಸಿದೆ. ಒತ್ತಡಗಳು ಸಹಜವಾಗಿದ್ದರೂ ಮಧ್ಯಮ ಕ್ರಮಾಂಕದಲ್ಲಿ ಬರುವ ಆಟಗಾರರು ಮುಕ್ತವಾಗಿ ಬ್ಯಾಟಿಂಗ್ ಮಾಡಬೇಕು ಎಂದು ವಿವಿಎಸ್ ಲಕ್ಷ್ಮಣ್ ಹೇಳಿದರು. ಯುವ ಕ್ರಿಕೆಟರ್ ಗಳಿಗೆ ಇದು ತಮ್ಮ ಪ್ರತಿಭೆ ಪ್ರದರ್ಶಿಸಲು ಸಕಾಲ, ಇನ್ನಿಂಗ್ಸ್ ಕಟ್ಟುವ ಜೊತೆಗೆ ಚೆನ್ನೈನ ಸ್ಲೋ ಬೌಲರ್ ಗಳನ್ನು ಗುರಿಯಾಗಿಸಿಕೊಂಡು ರನ್ ಗಳಿಸಲು ಯತ್ನಿಸಬೇಕು ಎಂದಿದ್ದಾರೆ.

ಚೆನ್ನೈ ಪ್ರಮುಖ ಅಸ್ತ್ರವೇ ಬಲಹೀನವಾಗಿದೆ

ಚೆನ್ನೈ ತಂಡದ ಪ್ರಮುಖ ಅಸ್ತ್ರವಾಗಿದ್ದ ಸ್ಪಿನ್ ವಿಭಾಗ ಬಲಹೀನವಾಗಿದೆ. ಹೀಗಾಗಿ, ಆದಷ್ಟು ಸ್ಪಿನ್ನರ್ ಗಳನ್ನು ಟಾರ್ಗೆಟ್ ಮಾಡುವುದು ಒಳ್ಳೆಯದು. ರಶೀದ್ ಖಾನ್, ಸಮದ್ ಪ್ರದರ್ಶನ ಉತ್ತಮವಾಗಿದೆ. ನಟರಾಜನ್ ಇರುವುದರಿಂದ ಕೊನೆ ಓವರ್ ಗಳಲ್ಲಿ ಎದುರಾಳಿಗಳನ್ನು ಕಟ್ಟಿ ಹಾಕುವ ಭರವಸೆ ಮೂಡಿದೆ. ಒಟ್ಟಾರೆ, ಮೊದಲೇ ಹೇಳಿದಂತೆ ಇಂದಿನ ಪಂದ್ಯದಲ್ಲಿ ಮನೀಶ್ ಪಾಂಡೆ, ಕೇನ್ ವಿಲಿಯಮ್ಸನ್ ಮೇಲೆ ಪಂದ್ಯದ ಭವಿಷ್ಯ ನಿರ್ಧಾರವಾಗಲಿದೆ ಎಂದು ಹೇಳಿದ್ದಾರೆ.