ಕೆಕೆಆರ್ vs ಡೆಲ್ಲಿ ಕ್ಯಾಪಿಟಲ್ಸ್ : ಹೆಡ್ To ಹೆಡ್ ರೆಕಾರ್ಡ್ ಇಲ್ಲಿದೆ

By Sagar Ap

Updated: Saturday, October 24, 2020, 13:51 [IST]

ಶೇಕ್ ಜಾಯೆದ್ ಸ್ಟೇಡಿಯಂನಲ್ಲಿ ಇಂದು ಕೆಕೆಆರ್‌ಗೆ ಬಲಿಷ್ಟ ಡೆಲ್ಲಿ ಕ್ಯಾಪಿಟಲ್ಸ್ ಸವಾಲು ಹಾಕಲಿದೆ. ಐಪಿಎಲ್ 13ನೇ ಆವೃತ್ತಿಯ 42 ಪಂದ್ಯದಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗಿದ್ದು, ಕೆಕೆಆರ್‌ಗೆ ಮಾಡು ಇಲ್ಲವೆ ಮಡಿ ಪಂದ್ಯವಾಗಿದೆ. ಡೆಲ್ಲಿ ಕ್ಯಾಪಿಟಲ್ಸ್‌ಗೆ ಮತ್ತೆ ಅಗ್ರಸ್ಥಾನಕ್ಕೇರುವ ತನಕ.

ಪ್ರಮುಖ ಆಟಗಾರರ ಅನುಪಸ್ಥಿತಿ ಹಾಗೂ ನಾಯಕತ್ವ ಬದಲಾವಣೆ ಕೆಕೆಆರ್‌ ತಂಡವನ್ನು ಒತ್ತಡಕ್ಕೆ ಸಿಲುಕಿಸಿದಂತಿದೆ. ಟಾಪ್ ಆರ್ಡರ್ ಬ್ಯಾಟಿಂಗ್ ವೈಫಲ್ಯವು ಬಿಟ್ಟು ಬಿಡದೆ ಕಾಡಿದೆ. ಬೌಲಿಂಗ್ ಕೂಡ ಪರಿಣಾಮಕಾರಿಯಾಗಿಲ್ಲ.

ಅತ್ತ ಡೆಲ್ಲಿ ಎಲ್ಲಾ ವಿಭಾಗದಲ್ಲಿ ಬಲಿಷ್ಠವಾಗಿದ್ದು, ಓಪನರ್ ಪೃಥ್ವಿ ಶಾ ಮತ್ತು ರಿಷಭ್ ಪಂತ್ಯ ವೈಫಲ್ಯವು ತಂಡವನ್ನ ಚಿಂತೆಗೀಡುಮಾಡಿದೆ.

ಹೆಡ್‌ ಟು ಹೆಡ್ ಪಂದ್ಯಗಳು

ಐಪಿಎಲ್‌ನಲ್ಲಿ ಈವರೆಗೆ ಉಭಯ ತಂಡಗಳು 24 ಬಾರಿ ಪರಸ್ಪರ ಮುಖಾಮುಖಿಯಾಗಿವೆ ಮತ್ತು ಕೆಕೆಆರ್ 13 ಪಂದ್ಯಗಳಲ್ಲಿ ಜಯಗಳಿಸಿದರೆ, ಡೆಲ್ಲಿ ಕ್ಯಾಪಿಟಲ್ಸ್ 11ರಲ್ಲಿ ಗೆದ್ದಿದೆ.

ಕೊನೆಯ ಐಪಿಎಲ್ ಮುಖಾಮುಖಿ

ಡೆಲ್ಲಿ ಕ್ಯಾಪಿಟಲ್ಸ್ (20 ಓವರ್‌ಗಳಲ್ಲಿ 228/4) ಕೆಕೆಆರ್‌ (20 ಓವರ್‌ಗಳಲ್ಲಿ 210/8) ತಂಡವನ್ನು 18 ರನ್‌ಗಳಿಂದ ಸೋಲಿಸಿದರು.

ದುಬೈನಲ್ಲಿ ಯುಜವೇಂದ್ರ ಚಹಾಲ್‌ಗೆ ಸಪ್ರೈಸ್ ನೀಡಿದ ಭಾವೀ ಪತ್ನಿ ಧನಶ್ರೀ ವರ್ಮಾ

ಈ ಸೀಸನ್‌ನ ಆರಂಭದಲ್ಲಿ, ಅಕ್ಟೋಬರ್ 3, ಶನಿವಾರದಂದು ಶಾರ್ಜಾದಲ್ಲಿ ತಂಡಗಳು ಎದುರಾಗಿದ್ದವು. ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಅಜೇಯ 38 ಎಸೆತದಲ್ಲಿ 88 ರನ್ ಮತ್ತು ಪೃಥ್ವಿ ಶಾ ಅವರ ಅರ್ಧಶತಕ ಹಿನ್ನಲೆಯಲ್ಲಿ ದೆಹಲಿ ಕೋಲ್ಕತ್ತಾವನ್ನು 18 ರನ್ಗಳಿಂದ ಸೋಲಿಸಿತು. ಕ್ಯಾಪಿಟಲ್ಸ್ ಬೌಲರ್ ಅನ್ರಿಕ್ ನೊರ್ಕಿಯಾ ಅವರು ನೈಟ್ ರೈಡರ್ಸ್ ವಿರುದ್ಧ ಮೂರು ವಿಕೆಟ್ ಗಳಿಸಿದರು.

ಪಾಯಿಂಟ್ಸ್‌ ಟೇಬಲ್ ಲೆಕ್ಕಚಾರ

ಡಿಸಿ ಪ್ರಸ್ತುತ 2020ರ ಐಪಿಎಲ್ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಹತ್ತು ಪಂದ್ಯಗಳಲ್ಲಿ 14 ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ. ಇದರಲ್ಲಿ ಏಳು ಗೆಲುವುಗಳು ಮತ್ತು ಮೂರು ಸೋಲುಗಳಿವೆ. ಏತನ್ಮಧ್ಯೆ, ಕೆಕೆಆರ್ 10 ಪಂದ್ಯಗಳನ್ನ ಆಡಿ ನಾಲ್ಕನೇ ಸ್ಥಾನದಲ್ಲಿದೆ, ಐದು ಪಂದ್ಯಗಳನ್ನು ಗೆದ್ದಿದೆ ಮತ್ತು ಐದು ಪಂದ್ಯಗಳನ್ನು ಕಳೆದುಕೊಂಡಿದೆ.