ಇಂದು ಪಂಜಾಬ್ vs ಹೈದ್ರಾಬಾದ್ ಮುಖಾಮುಖಿ: ಹೆಡ್‌ To ಹೆಡ್ ರೆಕಾರ್ಡ್‌

By Sagar Ap

Updated: Saturday, October 24, 2020, 17:39 [IST]

ದುಬೈ ಇಂಟರ್‌ನ್ಯಾಷ್‌ನಲ್ ಕ್ರಿಕೆಟ್‌ ಸ್ಟೇಡಿಯಂನಲ್ಲಿಂದು ಪ್ಲೇ ಆಫ್ ಕನಸನ್ನು ಹೊತ್ತು ಸಾಗಿರುವ ಎರಡು ತಂಡಗಳು ಮುಖಾಮುಖಿಯಾಗುತ್ತಿವೆ. ಐಪಿಎಲ್ 13ನೇ ಆವೃತ್ತಿಯ 42ನೇ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಮತ್ತು ಸನ್‌ರೈಸರ್ಸ್ ಹೈದ್ರಾಬಾದ್ ಕಾದಾಟ ನಡೆಸಲಿವೆ.

ತಲಾ ಹತ್ತು ಪಂದ್ಯಗಳನ್ನ ಆಡಿರುವ ಪಂಜಾಬ್ ಮತ್ತು ಹೈದ್ರಾಬಾದ್ ಸಮನಾದ ಅಂಕಗಳ ಜೊತೆಗೆ ಐದು ಆರನೇ ಸ್ಥಾನದಲ್ಲಿವೆ. ಪ್ಲೇ ಆಫ್ ತಲುಪಲು ಉಳಿದ ಪಂದ್ಯಗಳನ್ನ ಗೆಲ್ಲಲೇಬೇಕಾದ ಒತ್ತಡದಲ್ಲಿ ಕಣಕ್ಕಿಳಿಯುತ್ತಿವೆ.

ಪಂಜಾಬ್-ಹೈದ್ರಾಬಾದ್ ಹೆಡ್ ಟು ಹೆಡ್

ಐಪಿಎಲ್‌ನಲ್ಲಿ ಈವರೆಗೆ ಉಭಯ ತಂಡಗಳು 15 ಬಾರಿ ಪರಸ್ಪರ ಮುಖಾಮುಖಿಯಾಗಿವೆ ಮತ್ತು ಎಸ್‌ಆರ್‌ಹೆಚ್ 11 ಬಾರಿ ಗೆಲ್ಲುವ ಮೂಲಕ ಮೇಲುಗೈ ಸಾಧಿಸಿದೆ. ಕಿಂಗ್ಸ್ ಇಲೆವೆನ್ ಪಂಜಾಬ್ ನಾಲ್ಕು ಬಾರಿ ಮಾತ್ರ ಪಂದ್ಯ ಗೆದ್ದಿದೆ.

ಹೈದರಾಬಾದ್‌ vs ಪಂಜಾಬ್ ಪೈಪೋಟಿ: ಸಂಭಾವ್ಯ ತಂಡ, ಪಿಚ್ ರಿಪೋರ್ಟ್

ಉಭಯ ತಂಡಗಳ ಕೊನೆಯ ಮುಖಾಮುಖಿ

ಎಸ್‌ಆರ್‌ಹೆಚ್ (20 ಓವರ್‌ಗಳಲ್ಲಿ 201/6) ಕಿಂಗ್ಸ್‌ ಇಲೆವೆನ್ ಪಂಜಾಬ್ (16.5 ಓವರ್‌ಗಳಲ್ಲಿ 132/10) ಅವರನ್ನು 69 ರನ್‌ಗಳಿಂದ ಸೋಲಿಸಿತು.

ಈ ಋತುವಿನ ಆರಂಭದಲ್ಲಿ, ಅಕ್ಟೋಬರ್ 8, ಗುರುವಾರ ದುಬೈನಲ್ಲಿ ಎರಡು ತಂಡಗಳು ಕೊನೆಯ ಬಾರಿಗೆ ಎದುರಾಗಿದ್ದವು. ಹೈದರಾಬಾದ್ ಮೂಲದ ಫ್ರ್ಯಾಂಚೈಸಿ, ಪಂಜಾಬ್ ಮೂಲದ ತಂಡವನ್ನ 69 ರನ್‌ಗಳಿಂದ ಸೋಲಿಸಿತು. ಜಾನಿ ಬೈರ್‌ಸ್ಟೋವ್ (97) ಮತ್ತು ಡೇವಿಡ್ ವಾರ್ನರ್ (52) ಮೊದಲ ಇನ್ನಿಂಗ್ಸ್‌ನಲ್ಲಿ ಆರಂಭಿಕ ವಿಕೆಟ್‌ಗೆ ಈ ಜೋಡಿ 160 ರನ್ ಗಳಿಸಿ ತಮ್ಮ ತಂಡವನ್ನು 200ರ ಗಡಿ ದಾಟಿಸಿತು. ಇದಕ್ಕೆ ಪ್ರತಿಕ್ರಿಯೆಯಾಗಿ ಕೆ.ಎಲ್. ರಾಹುಲ್ ಅವರ ಪಂಜಾಬ್ ಕೇವಲ 132 ರನ್‌ಗಳನ್ನು ಮಾತ್ರ ಗಳಿಸಿತು.