ಟಿ20 ಕ್ರಿಕೆಟ್‌ನಲ್ಲಿ ಮತ್ತೊಂದು ಅಪರೂಪದ ಸಾಧನೆ ಮಾಡಿದ ಧೋನಿ

ಎಂ.ಎಸ್. ಧೋನಿ

2015ರಿಂದ ಇಲ್ಲಿಯವರೆಗೂ ಧೋನಿ ಐಪಿಎಲ್ ಹಾಗೂ ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಒಳಗೊಂಡಂತೆ ಆಡಿರುವ ಸತತ 100 ಟಿ20 ಪಂದ್ಯಗಳಲ್ಲಿ ಒಮ್ಮೆಯೂ ಶೂನ್ಯಕ್ಕೆ ಔಟಾಗಿಲ್ಲ. ಧೋನಿ ಬಗ್ಗೆ ಹಲವು ಟೀಕೆಗಳಿದ್ದರೂ ಹೊಡಿ-ಬಡಿ ಆಟದ ಚುಟುಕು ಕ್ರಿಕೆಟ್‌ನಲ್ಲಿ ಅವರದು ವಿಶಿಷ್ಟ ಸಾಧನೆಯೇ ಸರಿ.

ಕ್ರಿಸ್ ಗೇಲ್

ಟಿ20ಯಲ್ಲಿ ಶೂನ್ಯಕ್ಕೆ ಔಟಾಗದೆ ಅತ್ಯಧಿಕ ಪಂದ್ಯವಾಡಿದ ದಾಖಲೆಯಲ್ಲಿ ಮೊದಲ ಸ್ಥಾನದಲ್ಲಿರುವುದು ವೆಸ್ಟ್ ಇಂಡೀಸ್‌ನ ಪವರ್ ಹಿಟ್ಟರ್ ಕ್ರಿಸ್ ಗೇಲ್. 2012-2016ರ ಅವಧಿಯಲ್ಲಿ ವೆಸ್ಟ್ ಇಂಡೀಸ್‌ನ ಅಂತಾರಾಷ್ಟ್ರೀಯ ಪಂದ್ಯಗಳು, ಕೆರಿಬಿಯನ್ ಲೀಗ್ ಮತ್ತು ಐಪಿಎಲ್ ಸೇರಿದಂತೆ ಅನೇಕ ಟಿ 20 ಟೂರ್ನಿಗಳಲ್ಲಿ ಆಡಿದ ಗೇಲ್, ಸತತ 145 ಪಂದ್ಯಗಳಲ್ಲಿ ಡಕೌಟ್ ಆಗದೆ ದಾಖಲೆ ನಿರ್ಮಿಸಿದ್ದಾರೆ.

ಐಪಿಎಲ್ 2020: ಸುರೇಶ್ ರೈನಾ ದಾಖಲೆ ಸರಿಗಟ್ಟಿದ ಎಂಎಸ್ ಧೋನಿ

ದಿನೇಶ್ ಚಾಂಡಿಮಾಲ್

ಎರಡನೆಯ ಸ್ಥಾನದಲ್ಲಿ ಶ್ರೀಲಂಕಾದ ಕ್ರಿಕೆಟಿಗ ದಿನೇಶ್ ಚಾಂಡಿಮಾಲ್ ಇದ್ದಾರೆ. 2009ರಿಂದ ಇದುವರೆಗೂ ಅವರು 102 ಇನ್ನಿಂಗ್ಸ್‌ಗಳಲ್ಲಿ ಶೂನ್ಯಕ್ಕೆ ಔಟಾಗದೆ ಆಡಿದ್ದಾರೆ. ಆದರೆ ಅವರು 11 ವರ್ಷಗಳ ಅವಧಿಯಲ್ಲಿ ಆಡಿದ ಟಿ20 ಮಾದರಿ ಪಂದ್ಯಗಳು ತೀರಾ ಕಡಿಮೆ ಎನ್ನಬಹುದು.

ಶಾನ್ ಮಾರ್ಷ್

ಆಸ್ಟ್ರೇಲಿಯಾದ ಎಡಗೈ ಬ್ಯಾಟ್ಸ್‌ಮನ್ ಶಾನ್ ಮಾರ್ಷ್ 2012-2019ರ ಅವಧಿಯಲ್ಲಿ ಶೂನ್ಯಕ್ಕೆ ಔಟಾಗದೆ ಸತತವಾಗಿ 102 ಪಂದ್ಯಗಳನ್ನು ಆಡಿದ್ದರು. ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗ ಜೆಪಿ ಡುಮಿನಿ 2014-2019ರ ಅವಧಿಯಲ್ಲಿ 101 ಪಂದ್ಯಗಳಲ್ಲಿ ಡಕೌಟ್ ಆಗದೆ ಸಾಧನೆ ಮಾಡಿದ್ದಾರೆ.