IPL 2022: ದಿಕ್ಕೆಟ್ಟ ಮುಂಬೈ ಇಂಡಿಯನ್ಸ್‌ಗೆ ಬಲ ತುಂಬಲಿದ್ದಾನೆ ಈ ಅನುಭವಿ ಬೌಲರ್

ಬುಮ್ರಾ ಹೊರತುಪಡಿಸಿದ್ರೆ ಉಳಿದ ಬೌಲರ್‌ಗಳ ಪ್ರದರ್ಶನ ಠುಸ್ ಪಟಾಕಿ

ಈ ಋತುವಿನಲ್ಲಿ ಬೌಲಿಂಗ್ ಮುಂಬೈ ಇಂಡಿಯನ್ಸ್‌ನ ದೊಡ್ಡ ದೌರ್ಬಲ್ಯವಾಗಿದೆ. ಸ್ಟಾರ್ ವೇಗಿ ಜಸ್ ಪ್ರೀತ್ ಬುಮ್ರಾ ಹೊರತುಪಡಿಸಿದರೆ ಮುಂಬೈ ತಂಡದಲ್ಲಿ ವಿಕೆಟ್ ಪಡೆಯುವ ನಂಬಿಕಸ್ಥರು ಯಾರೂ ಇಲ್ಲ. ಮುಂಬೈ ಇತಿಹಾಸದಲ್ಲಿ ಇಂತಹ ದಯನೀಯ ಬೌಲಿಂಗ್ ಲೈನ್ ಅಪ್ ಹಿಂದೆಂದೂ ಇರಲಿಲ್ಲ. ಮುಂಬೈ ಬೌಲರ್‌ಗಳು ವಿಕೆಟ್ ಕಬಳಿಸಲು ಅಥವಾ ರನ್‌ಗಳ ಹರಿವನ್ನು ತಡೆಯಲು ಸಾಧ್ಯವಾಗುತ್ತಿಲ್ಲ. ಈ ಕಾರಣಕ್ಕಾಗಿ ಮುಂಬೈ ಗೆಲ್ಲಬಹುದಾಗಿದ್ದ ಕೆಲವು ಪಂದ್ಯಗಳನ್ನೂ ಕೈ ಚೆಲ್ಲಿದೆ.

ಬುಮ್ರಾ ಬಿಟ್ಟು ಉಳಿದ ಬೌಲರ್‌ಗಳೇ ಟಾರ್ಗೆಟ್‌

ಮುಂಬೈ ಲೈನ್‌ಅಪ್‌ನಲ್ಲಿ ಭಯಪಡುವ ಏಕೈಕ ಬೌಲರ್ ಬುಮ್ರಾ ಎಂದು ತಿಳಿದ ಇತರ ತಂಡಗಳು ಆತನಿಗೆ ವಿಕೆಟ್ ನೀಡದೆ ಎಚ್ಚರಿಕೆ ಆಡುತ್ತವೆ. ಆದ್ರೆ ಆತನ ನಾಲ್ಕು ಓವರ್ ಖೋಟಾ ಮುಗಿದ ಬಳಿಕ ಉಳಿದ ಬೌಲರ್‌ಗಳ ಮೇಲೆ ದಾಳಿ ಮಾಡುವ ತಂತ್ರವನ್ನು ಪ್ರಯೋಗಿಸುತ್ತಿವೆ.

CSK vs MI Preview: ಪ್ರಿವ್ಯೂ, ಸಂಭಾವ್ಯ ತಂಡ, ಪಿಚ್ ರಿಪೋರ್ಟ್, ಹವಾಮಾನ ವರದಿ

92 ಐಪಿಎಲ್ ಪಂದ್ಯಗಳನ್ನಾಡಿರುವ ಧವಳ್ ಕುಲಕರ್ಣಿ

ಧವಳ್ ಕುಲಕರ್ಣಿ ವಿಷಯಕ್ಕೆ ಬಂದರೆ, ಅವರು ಐಪಿಎಲ್‌ನಲ್ಲಿ ಸಾಕಷ್ಟು ಅನುಭವ ಹೊಂದಿರುವ ವೇಗದ ಬೌಲರ್. 33 ವರ್ಷದ ವೇಗಿ ಐಪಿಎಲ್‌ನಲ್ಲಿ 92 ಪಂದ್ಯಗಳಲ್ಲಿ ಆಡಿದ್ದಾರೆ. 86 ವಿಕೆಟ್‌ಗಳನ್ನೂ ಪಡೆದಿದ್ದಾರೆ. ಮುಂಬೈ ಇಂಡಿಯನ್ಸ್ ಹೊರತಾಗಿ, ಕುಲಕರ್ಣಿ ರಾಜಸ್ಥಾನ್ ರಾಯಲ್ಸ್ ಮತ್ತು ಈಗ ನಿಷ್ಕ್ರಿಯವಾಗಿರುವ ಗುಜರಾತ್ ಲಯನ್ಸ್ ಫ್ರಾಂಚೈಸಿಗಾಗಿಯೂ ಆಡಿದ್ದಾರೆ.

ಕೆ.ಎಲ್ ರಾಹುಲ್ ಕಲ್ಯಾಣವಂತೆ! ಇದೇ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಡಲಿದೆ ರಾಹುಲ್-ಅಥಿಯಾ ಜೋಡಿ?

2020 ರ ಹರಾಜಿನಲ್ಲಿ ಮುಂಬೈ ಈತನನ್ನ 75 ಲಕ್ಷ ರೂಪಾಯಿಗೆ ಖರೀದಿಸಿತು. 2021ರಲ್ಲಿ ಕುಲಕರ್ಣಿ ಮತ್ತೊಮ್ಮೆ ತಂಡದ ಭಾಗವಾಗಿದ್ದರು. ಆದ್ರೆ ಒಂದು ಪಂದ್ಯದಲ್ಲಿ ಮಾತ್ರ ಆಡುವ ಅವಕಾಶ ಸಿಕ್ಕಿತು. ಆದ್ರೆ 2022ರ ಸೀಸನ್‌ನಲ್ಲಿ ಆತನನ್ನ ಯಾರೂ ಖರೀದಿಸಲಿಲ್ಲ. ಆದ್ರೀಗ ಜೊಫ್ರಾ ಆರ್ಚರ್ ಅಲಭ್ಯರಾಗಿದ್ದರ ಪರಿಣಾಮ ಆತನಿಗೆ ಮಣೆ ಹಾಕಲು ಮುಂದಾಗಿದೆ.

ವಿರಾಟ್ :ಕೊಹ್ಲಿಯ ಕೆಟ್ಟ ಫಾರ್ಮ್ ಅಂತ್ಯಕ್ಕೆ ಇಲ್ಲಿದೆ ಪರಿಹಾರ | Oneindia Kannada

ಧವಳ್‌ಗೆ ಹೆಚ್ಚಿನ ಅವಕಾಶ ನೀಡುವ ಸಾಧ್ಯತೆ

ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಈ ಬಾರಿ ಧವಳ್ ಕುಲಕರ್ಣಿ ಹೆಚ್ಚಿನ ಅವಕಾಶ ಪಡೆಯುವುದು ಖಚಿತ. ಅವರು ಜಸ್ಪ್ರೀತ್ ಬುಮ್ರಾ ಅವರೊಂದಿಗೆ ವೇಗದ ಬೌಲಿಂಗ್‌ನ ಚುಕ್ಕಾಣಿ ಹಿಡಿಯಬಹುದು. ನಾಯಕ ರೋಹಿತ್ ಶರ್ಮಾ ತಮ್ಮ ವೇಗದ ಬೌಲಿಂಗ್ ಅನ್ನು ಬಲಪಡಿಸಲು ಕುಲಕರ್ಣಿ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಉತ್ಸುಕರಾಗಿದ್ದಾರೆ. ಮುಂಬೈ ಮೂಲದವರಾದ ಅವರಿಗೆ ಮುಂಬೈ ಮತ್ತು ಪುಣೆಯಲ್ಲಿನ ಪಿಚ್‌ಗಳಲ್ಲಿ ಬೌಲಿಂಗ್ ಮಾಡುವುದು ಹೇಗೆ ಎಂದು ತಿಳಿದಿದೆ ಎಂದು ತಂಡದ ಮೂಲಗಳನ್ನು ಉಲ್ಲೇಖಿಸಿ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.