IPL 2022: ಈ ಸೀಸನ್‌ ಧೋನಿಯ ಕೊನೆಯ ಸೀಸನ್ ಆಗಲಿದೆ?

ಇಂಡಿಯನ್ ಸೂಪರ್ ಲೀಗ್ ನ 15ನೇ ಸೀಸನ್ ಇದೇ ತಿಂಗಳು 26ರಿಂದ ಆರಂಭವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಸಿಎಸ್‌ಕೆ ತಂಡ ಮಾಜಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಎದುರಿಸಲಿದೆ. ಈ ಬಾರಿಯೂ ಎಂಎಸ್ ಧೋನಿ ಸಿಎಸ್‌ಕೆ ನಾಯಕರಾಗಿದ್ದು, 41ರ ಹರೆಯದ ಧೋನಿಗೆ ಇದೇ ಕೊನೆಯ ಸೀಸನ್ ಆಗಿರಬಹುದು ಎಂದು ಹೇಳಲಾಗುತ್ತಿದೆ.

ಆದ್ರೆ ಈ ಸೀಸನ್‌ನಲ್ಲಿ ನಿವೃತ್ತಿ ಹೊಂದುವ ಬಗ್ಗೆ ಸಿಎಸ್‌ಕೆ ಅಥವಾ ಧೋನಿ ಅಧಿಕೃತವಾಗಿ ಪ್ರತಿಕ್ರಿಯಿಸಿಲ್ಲ. ಇದೀಗ, ಸಿಎಸ್‌ಕೆ ಮೂಲಗಳು ಧೋನಿ ನಿವೃತ್ತಿಯ ಬಗ್ಗೆ ನಿರ್ಣಾಯಕ ಸುಳಿವುಗಳನ್ನು ಬಿಡುಗಡೆ ಮಾಡಿದೆ.

''ನಿವೃತ್ತಿ ಯಾವಾಗ ಎಂಬುದನ್ನು ಧೋನಿ ನಿರ್ಧರಿಸಬೇಕು. ಅವರು ನಮಗೆ ಅದರ ಬಗ್ಗೆ ಹೇಳದೆಯೇ ನಾವು ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ. ಧೋನಿ ಆಟವನ್ನು ಮುಂದುವರಿಸಬೇಕೆಂದು ನಾವು ಬಯಸುತ್ತೇವೆ. ಆದರೆ ಅವರು ಯಾವಾಗ ನಿವೃತ್ತಿಯಾಗುತ್ತಾರೆ ಎಂಬುದರ ಕುರಿತು ಇನ್ನೂ ಪ್ರತಿಕ್ರಿಯಿಸಿಲ್ಲ'' ಎಂದು ಸಿಎಸ್‌ಕೆ ಮೂಲವು ಇನ್‌ಸೈಡ್‌ಸ್ಪಾಟ್‌ನಿಂದ ಉಲ್ಲೇಖಿಸಿದೆ.

ಧೋನಿ ನಾಯಕತ್ವದಲ್ಲಿ ಸಿಎಸ್‌ಕೆ ಇದುವರೆಗೆ ನಾಲ್ಕು ಬಾರಿ ಐಪಿಎಲ್ ಗೆದ್ದಿದೆ. ಧೋನಿ ಚಾಂಪಿಯನ್ಸ್ ಲೀಗ್‌ನಲ್ಲಿ ಸಿಎಸ್‌ಕೆಯನ್ನು ಗೆಲ್ಲಿಸಿದ್ದಾರೆ. ಧೋನಿ ಸಿಎಸ್‌ಕೆ ತಂಡದ ಬೆನ್ನೆಲುಬು ಆಗಿದ್ದು, ಧೋನಿ ಇಲ್ಲದ ಸಿಎಸ್‌ಕೆ ತಂಡವನ್ನ ನೆನೆಸಿಕೊಳ್ಳುವುದು ಅಭಿಮಾನಿಗಳಿಗೆ ಅಸಾಧ್ಯದ ಮಾತಾಗಿದೆ.

2020ರ ಸೀಸನ್‌ನ ಇತಿಹಾಸದಲ್ಲಿ ಮೊದಲ ಬಾರಿಗೆ, ಸಿಎಸ್‌ಕೆ ಪ್ಲೇಆಫ್‌ನಿಂದ ಹೊರಹಾಕಲ್ಪಟ್ಟಿತು. ಆದ್ರೆ ಇನ್ನುಳಿದ 12 ಸೀಸನ್‌ಗಳನ್ನು ಆಡಿದ ನಂತರ, ಧೋನಿ ಎಲ್ಲಾ 11 ಸೀಸನ್‌ಗಳಲ್ಲಿ ಸಿಎಸ್‌ಕೆ ಅನ್ನು ಪ್ಲೇ-ಆಫ್‌ಗೆ ಕರೆದೊಯ್ಯುವಲ್ಲಿ ಯಶಸ್ವಿಯಾದರು. ಆದಾಗ್ಯೂ, 2020 ರಲ್ಲಿ ಹಿನ್ನಡೆ ಅನುಭವಿಸಿದಾಗ ಧೋನಿ ಅವರ ವೃತ್ತಿಜೀವನವು ಕೊನೆಗೊಂಡಿತು.

ಆಗಸ್ಟ್ 15, 2020 ರಂದು ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ಧೋನಿ ಪ್ರಸ್ತುತ ಐಪಿಎಲ್‌ನಲ್ಲಿ ಮಾತ್ರ ಆಡುತ್ತಿದ್ದಾರೆ. 2021 ರ ಐಪಿಎಲ್ ಪ್ರಶಸ್ತಿಯನ್ನು ಗೆಲ್ಲುವ ಮೂಲಕ ತನ್ನಲ್ಲಿರುವ ಸಾಮರ್ಥ್ಯವನ್ನು ಪ್ರದರ್ಶಿಸಿದ್ದಾರೆ. ಈ ಬಾರಿ ಮತ್ತೊಮ್ಮೆ ಗೆದ್ದರೆ ಮುಂಬೈ ಇಂಡಿಯನ್ಸ್‌ನ ಐದು ಪ್ರಶಸ್ತಿಗಳ ದಾಖಲೆಯನ್ನು ಸರಿಗಟ್ಟಲು ಸಿಎಸ್‌ಕೆಎಗೆ ಸಾಧ್ಯವಾಗುತ್ತದೆ.

ಆದ್ರೆ ಧೋನಿ ಇನ್ನೊಂದು ಸೀಸನ್‌ ಆಡಲು ಸಿದ್ಧರಿಲ್ಲದಿರಬಹುದು. ಪ್ರಮುಖ ಸಮಸ್ಯೆ ಅವರ ಬ್ಯಾಟಿಂಗ್ ಪ್ರದರ್ಶನ. ಕಳೆದ ಸೀಸನ್‌ನಲ್ಲಿ ಧೋನಿ 16 ಪಂದ್ಯಗಳಲ್ಲಿ ಕೇವಲ 114 ರನ್ ಗಳಿಸಿದ್ದರು. ಸರಾಸರಿ 16.28 ಮಾತ್ರ ಅಂದ್ರೆ ಧೋನಿ ಬ್ಯಾಟಿಂಗ್ ಪ್ರದರ್ಶನ ಕುಸಿತಕ್ಕೆ ಕನ್ನಡಿಯಾಗಿದೆ.

CSK 2021 ರ ಪ್ರಶಸ್ತಿ ಗೆಲುವಿನ ಸಂತೋಷವನ್ನು ಹಂಚಿಕೊಳ್ಳಲು ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ಧೋನಿ ನಿವೃತ್ತಿಯ ಸುಳಿವು ನೀಡಿದ್ದರು.''ನನ್ನ ಕೊನೆಯ ಟಿ20 ಚೆನ್ನೈನಲ್ಲಿ ನಡೆಯಲಿದೆ ಎಂದು ನಾನು ನಿರೀಕ್ಷಿಸುತ್ತೇನೆ. ಇದು ಮುಂದಿನ ವರ್ಷ ಅಥವಾ ಮುಂದಿನ ಐದು ವರ್ಷಗಳಲ್ಲಿ ಎಂಬುದನ್ನು ನಾವು ಖಚಿತವಾಗಿ ಹೇಳಲು ಸಾಧ್ಯವಿಲ್ಲ'' ಎಂದು ಧೋನಿ ಹೇಳಿದರು. ಈ ಬಾರಿ ಐಪಿಎಲ್ ಭಾರತದಲ್ಲಿ ನಡೆದರೂ ಸಹ ಎಲ್ಲಾ ಪಂದ್ಯಗಳು ಮಹಾರಾಷ್ಟ್ರದಲ್ಲಿಯೇ ನಡೆಯಲಿದೆ. ಹೀಗಾಗಿ ಚೆನ್ನೈನಲ್ಲಿ ಯಾವುದೇ ಪಂದ್ಯವಿಲ್ಲ. ಮುಂಬೈ ಮತ್ತು ಪುಣೆಯಲ್ಲಿ ಪಂದ್ಯಗಳು ನಡೆಯಲಿವೆ. ಆದ್ದರಿಂದ ಧೋನಿ ಅವರ ಕೊನೆಯ ಪಂದ್ಯ ಚೆನ್ನೈನಲ್ಲಿ ನಡೆಯಬೇಕಾದರೆ ಮುಂದಿನ ಸೀಸನ್ ವರೆಗೂ ಕಾಯಲೇಬೇಕು.