IPL 2023 Ticket Booking: ಐಪಿಎಲ್ ಪಂದ್ಯಗಳ ಟಿಕೆಟ್ ಬೆಲೆ, ಯಾವಾಗ ಮತ್ತು ಎಲ್ಲಿ ಖರೀದಿಸಬೇಕು ಸಂಪೂರ್ಣ ವಿವರ

ಟಿಕೆಟ್ ಖರೀದಿ ಮಾಡುವ ವಿಧಾನ

ಆನ್‌ಲೈನ್‌ನಲ್ಲಿ ಟಿಕೆಟ್ ಖರೀದಿ ಮಾಡಲು ಈ ಬಾರಿ ಸಾಕಷ್ಟು ವೆಬ್‌ಸೈಟ್‌ಗಳಿವೆ. ಟಿಕೆಟ್ ಮಾರಾಟ ಯಾವಾಗ ಆರಂಭವಾಗುತ್ತದೆ ಎಂದು ಸದ್ಯಕ್ಕೆ ತಿಳಿದಿಲ್ಲವಾದರೂ, ಅಧಿಕೃತ ಟಿಕೆಟ್ ಬುಕಿಂಗ್‌ ವೆಬ್‌ಸೈಟ್‌ಗಳಿಗೆ ಸೈನ್‌ಇನ್ ಮಾಡಿದರೆ, ಟಿಕೆಟ್ ಮಾರಾಟ ಆರಂಭವಾದಾಗ ನೀವು ಅಧಿಸೂಚನೆಗಳನ್ನು ಪಡೆಯಬಹುದಾಗಿದೆ.

ಪೇಟಿಎಂ, ಬುಕ್‌ಮೈಶೋ ಆಪ್‌ನಲ್ಲಿ ನೀವು ಸುಲಭವಾಗಿ ಐಪಿಎಲ್‌ ಪಂದ್ಯಗಳ ಟಿಕೆಟ್‌ಗಳನ್ನು ಬುಕ್‌ ಮಾಡಬಹುದಾಗಿದೆ. ಈ ಕೆಳಗಿನ ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ, ಮುಖಪುಟದ ಟಿಕೆಟ್ ಬುಕಿಂಗ್ ಲಿಂಕ್ ಅನ್ನು ಆಯ್ಕೆ ಮಾಡಿಕೊಳ್ಳಿ, ಆಟವನ್ನು ವೀಕ್ಷಿಸಲು ಬಯಸುವ ಕ್ರೀಡಾಂಗಣ ಮತ್ತು ಕ್ರೀಡಾಂಗಣದ ವಿಭಾಗವನ್ನು ಆಯ್ಕೆಮಾಡಿ. ಚೆಕ್‌ಔಟ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ ಮತ್ತು ಯುಪಿಐ, ನೆಟ್ ಬ್ಯಾಂಕಿಂಗ್, ಕ್ರೆಡಿಟ್ ಕಾರ್ಡ್ ಅಥವಾ ಡೆಬಿಟ್ ಕಾರ್ಡ್ ಬಳಸಿ ಪಾವತಿಸಿ. ನಿಮ್ಮ ಟಿಕೆಟ್‌ಗಳನ್ನು ನೀವು ಸ್ವೀಕರಿಸುತ್ತೀರಿ, ಕ್ರೀಡಾಂಗಣಕ್ಕೆ ಪ್ರವೇಶಿಸುವ ಮುನ್ನ ನೀವು ಆನ್‌ಲೈನ್ ಟಿಕೆಟ್‌ಗಳನ್ನು ತೋರಿಸಬೇಕಾಗುತ್ತದೆ.

ಬುಕ್‌ ಮೈ ಶೋ - https://in.bookmyshow.com/sports
ಪೇಟಿಎಂ - https://paytm.com/offer/ipl-offers/
ಇನ್‌ಸೈಡರ್.ಇನ್- https://insider.in/indian-premier-league-ipl
ಟಿಕೆಟ್‌ಜೆನಿ - https://ticketgenie.in
ಇವೆಂಟ್ಸ್‌ನೌ - https://www.eventsnow.com/

ಐಪಿಎಲ್‌ನ ಕನಿಷ್ಠ ಗರಿಷ್ಠ ಬೆಲೆ

2023ರ ಐಪಿಎಲ್‌ ಟಿಕೆಟ್‌ಗಳ ದರ ಕನಿಷ್ಠ 500 ರುಪಾಯಿಂದ 40 ಸಾವಿರ ರೂಪಾಯಿಗಳವರೆಗೆ ನಿಗದಿಪಡಿಸಲಾಗಿದೆ. ಮುಂಭಾಗ ಮತ್ತು ಕೆಳಗಿನ ಸ್ಟ್ಯಾಂಡಿಂಗ್ (D1, G1 ಅಥವಾ H1) ಪ್ರವೇಶಕ್ಕೆ 800 - 900 ರುಪಾಯಿ ಇರುತ್ತದೆ. ಮೇಲಿನ ಸ್ಥಾನಗಳು (B1, C1 ಅಥವಾ D1) ಟಿಕೆಟ್ ದರವನ್ನು 1000-3000 ನಿಗದಿಪಡಿಸುವ ಸಾಧ್ಯತೆ ಇದೆ.

ಮೇಲ್ಮನೆ ಕ್ಲಬ್ ಪ್ರದೇಶದಲ್ಲಿ ಪಂದ್ಯ ವೀಕ್ಷಿಸಲು 4000 ರುಪಾಯಿಗಳನ್ನು ನೀಡಬೇಕಾಗುತ್ತದೆ. ವಿಐಪಿ ಬಾಕ್ಸ್ ಸ್ಥಳದಲ್ಲಿ ನೋಡಲು ಕನಿಷ್ಠ 20,000 ರೂಪಾಯಿಗಳನ್ನು ಪಾವತಿ ಮಾಡಬೇಕಾಗುತ್ತದೆ. ಕಾರ್ಪೊರೇಟ್ ಬಾಕ್ಸ್ ಪ್ರದೇಶದ ಟಿಕೆಟ್‌ಗಳು 30,000 ದಿಂದ 40 ಸಾವಿರದವರೆಗೆ ನಿಗದಿಪಡಿಸಲಾಗಿದೆ. ಪಂದ್ಯಗಳು, ಕ್ರೀಡಾಂಗಣವನ್ನು ಆಧರಿಸಿ ಟಿಕೆಟ್ ದರದಲ್ಲಿ ವ್ಯತ್ಯಾಸವಾಗುವ ಸಾಧ್ಯತೆ ಇದೆ.

ಯಾವ ಸ್ಥಳಗಳಲ್ಲಿ ಪಂದ್ಯ ನಿಗದಿ

ಅಹಮದಾಬಾದ್‌ನ ನರೆಂದ್ರ ಮೋದಿ ಕ್ರೀಡಾಂಗಣ, ಮೊಹಾಲಿಯಾ ಐಎಸ್ ಬಿಂದ್ರಾ ಸ್ಟೇಡಿಯಮ್, ಲಕ್ನೋದ ಏಕಾನಾ ಸ್ಪೋರ್ಟ್ಸ್ ಸಿಟಿ, ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ, ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣ, ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂ, ನವದೆಹಲಿಯ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂ, ಗುವಾಹಟಿಯ ಬರ್ಸಾಪರಾ ಕ್ರೀಡಾಂಗಣ, ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಮತ್ತು ಮುಂಬೈನ ವಾಂಖೆಡೆ ಸ್ಟೇಡಿಯಂ, ಜೈಪುರದ ಸವಾಯ್ ಮಾನ್‌ಸಿಂಗ್ ಸ್ಟೇಡಿಯಂ, ಧರ್ಮಶಾಲಾದ ಹೆಚ್‌ಪಿಸಿಯ ಕ್ರೀಡಾಂಗಣದಲ್ಲಿ ಪಂದ್ಯಗಳು ನಡೆಯಲಿವೆ.