ನಾಯಕನ ಸ್ಥಾನಕ್ಕೆ ಕೆ.ಎಲ್ ರಾಹುಲ್ ಪರ್ಫೆಕ್ಟ್‌: ಮೊಹಮ್ಮದ್ ಶಮಿ

ಐಪಿಎಲ್ 13ನೇ ಆವೃತ್ತಿಯಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಪ್ರದರ್ಶನ ಮಟ್ಟ ಇಳಿಕೆಯಾಗುತ್ತಿದ್ದರೂ, ಕೆ.ಎಲ್ ರಾಹುಲ್‌ ನಾಯಕನ ಸ್ಥಾನಕ್ಕೆ ಪರಿಪೂರ್ಣತೆ ಹೊಂದಿದ್ದು, ಸ್ವಾಭಾವಿಕ ನಾಯಕತ್ವ ಅವರಲ್ಲಿದೆ ಎಂದು ವೇಗಿ ಮೊಹಮ್ಮದ್ ಶಮಿ ಕರ್ನಾಟಕ ಕ್ರಿಕೆಟಿಗನಿಗೆ ಬೆಂಬಲ ನೀಡಿದ್ದಾರೆ.

ಕಿಂಗ್ಸ್ ಇಲೆವೆನ್ ಪಂಜಾಬ್ ಪ್ರಸ್ತುತ ಎರಡನೇ ಸ್ಥಾನದಲ್ಲಿದೆ, ನಾಲ್ಕು ಪಂದ್ಯಗಳಲ್ಲಿ ಮೂರನೇ ಸೋಲನ್ನು ಅನುಭವಿಸಿದೆ. ಈ ವೇಳೆ ಕರ್ನಾಟಕ ಮೂಲದ ಬ್ಯಾಟ್ಸ್‌ಮನ್‌ ಪರ ಮಾತನಾಡಿದ್ದಾರೆ.

ಮೊಹಮ್ಮದ್ ಶಮಿ ಅವರು ಕೆ.ಎಲ್. ರಾಹುಲ್ ಮತ್ತು ಅನಿಲ್ ಕುಂಬ್ಳೆ ಅವರೊಂದಿಗೆ ದೀರ್ಘಕಾಲ ಕೆಲಸ ಮಾಡಿದ್ದಾರೆ ಮತ್ತು ತಿಳುವಳಿಕೆ ಇದ್ದರೆ ನಾಯಕ ಮತ್ತು ತರಬೇತುದಾರರಿಗೆ ಸುಲಭವಾಗುತ್ತದೆ. ಹಲವಾರು ಆಟಗಾರರು ಪರಸ್ಪರ ಪರಿಚಿತರಾಗಿದ್ದಾರೆ ಎಂದು ಶಮಿ ಈ ಮೂಲಕ ಎತ್ತಿ ತೋರಿಸಿದ್ದಾರೆ.

ಕೆಎಲ್ ರಾಹುಲ್ ನಾಯಕನಾಗಿ ಅಷ್ಟೇ ಅಲ್ಲದೆ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ್ದಾರೆ. ಪ್ರಸ್ತುತ, ಐಪಿಎಲ್ 2020 ರಲ್ಲಿ ಒಂದು ಶತಕ ಸೇರಿದಂತೆ 239 ರನ್ ಗಳಿಸಿದ್ದು, ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ. 28 ವರ್ಷದ ಆರಂಭಿಕ ಜೊತೆಗಾರ ಮಾಯಾಂಕ್ ಅಗರ್ವಾಲ್ ಅವರಿಗಿಂತ ಏಳು ರನ್ ಮುಂದಿದ್ದಾರೆ.