ಚೊಚ್ಚಲ ಮಹಿಳಾ IPL ಸೀಸನ್‌ನಲ್ಲಿ ಆಡುವ ಸುಳಿವು ನೀಡಿದ ಮಿಥಾಲಿ ರಾಜ್

ಮಹಿಳಾ ಐಪಿಎಲ್ ಆಡುವ ಕುರಿತು ಮಿಥಾಲಿ ರಾಜ್ ಪ್ರತಿಕ್ರಿಯೆ

ಬಿಸಿಸಿಐ ಹೀಗೆ ಕೆಲವೇ ಪಂದ್ಯಗಳನ್ನ ಆಯೋಜಿಸಿದ್ದರ ಕುರಿತಾಗಿ ಸಾಕಷ್ಟು ಟೀಕೆ ಬಂದ ಹಿನ್ನಲೆಯಲ್ಲಿ ಪೂರ್ಣ ಪ್ರಮಾಣದ ಮಹಿಳಾ ಐಪಿಎಲ್ ಸೀಸನ್‌ ನಡೆಸಲು ದೀರ್ಘ ಯೋಜನೆಯನ್ನ ಹೊಂದಿದೆ. ಬಿಸಿಸಿಐ ಅಧ್ಯಕ್ಷ ಸೌರವ್‌ ಗಂಗೂಲಿ ಹೇಳಿರುವಂತೆ 2023ರಲ್ಲಿ ಪೂರ್ಣ ಪ್ರಮಾಣದಲ್ಲಿ ಮಹಿಳಾ ಟಿ20 ಟೂರ್ನಮೆಂಟ್ ನಡೆಸಲು ಯೋಜನೆ ಸಿದ್ಧಗೊಳ್ಳುತ್ತಿದೆ.

ಏಕದಿನ ಕ್ರಿಕೆಟ್‌ ಫಾರ್ಮೆಟ್‌ನಲ್ಲಿ ವಿಶ್ವದಲ್ಲಿಯೇ ಅತಿ ಹೆಚ್ಚು ರನ್ ಹಾಕಿರುವ ಬ್ಯಾಟರ್ ಆಗಿರುವ ಮಿಥಾಲಿ ರಾಜ್ ಅವರನ್ನು ಬಿಸಿಸಿಐ ನಿರ್ಧಾರದ ಕುರಿತು ಅವರ ಅಭಿಪ್ರಾಯದ ಬಗ್ಗೆ ಕೇಳಲಾಯಿತು. 100% ಕ್ರಿಕೆಟ್ ಪಾಡ್‌ಕಾಸ್ಟ್‌ನಲ್ಲಿ ಇಸಾ ಗುಹಾ ಮತ್ತು ಫ್ರಾಂಕಿ ಮ್ಯಾಕೆ ಅವರು ಪಂದ್ಯಾವಳಿಯ ಭಾಗವಾಗಲು ಬಯಸುತ್ತೀರಾ ಎಂದು ಕೇಳಲಾಯಿತು. ಈ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ನಾನು ಈ ಆಲೋಚನೆಗೆ ಮುಕ್ತವಾಗಿದ್ದೇನೆ, ಆದರೆ ಇನ್ನೂ ಏನನ್ನೂ ನಿರ್ಧರಿಸಿಲ್ಲ ಎಂದು ಹೇಳಿದ್ದಾರೆ.

"ನಾನು ಆ ಆಯ್ಕೆಯನ್ನು ತೆರೆದಿರುತ್ತೇನೆ. ನಾನು ಇನ್ನೂ ನಿರ್ಧರಿಸಿಲ್ಲ. ಮಹಿಳಾ ಐಪಿಎಲ್ ನಡೆಯಲು ಇನ್ನೂ ಕೆಲವು ತಿಂಗಳುಗಳಿವೆ. ಮಹಿಳಾ ಐಪಿಎಲ್‌ನ ಮೊದಲ ಆವೃತ್ತಿಯ ಭಾಗವಾಗಲು ನಿಜಕ್ಕೂ ಸುಂದರವಾಗಿರುತ್ತದೆ, "ಎಂದು ಮಿಥಾಲಿ ಹೇಳಿದ್ದಾರೆ.

ಟಿ20 ವಿಶ್ವಕಪ್‌ನಲ್ಲಿ ಶ್ರೇಯಸ್ ಅಯ್ಯರ್ ಸ್ಥಾನಕ್ಕೆ ಕಂಟಕ: ಕಾರಣ ಇಲ್ಲಿದೆ

1999ರಲ್ಲಿ ಕ್ರಿಕೆಟ್ ಕೆರಿಯರ್ ಆರಂಭಿಸಿದ ಮಿಥಾಲಿ

ಮಿಥಾಲಿ 1999ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದು, ಶ್ರೇಷ್ಠ ಭಾರತೀಯ ಮಹಿಳಾ ಬ್ಯಾಟರ್ ಎಂದು ಪರಿಗಣಿಸಲ್ಪಟ್ಟಿದ್ದಾರೆ. ಅವರು ಎರಡು ಬಾರಿ 50 ಓವರ್‌ಗಳ ವಿಶ್ವಕಪ್ ಫೈನಲ್‌ಗೆ ತಂಡದ ನಾಯಕಿಯಾಗಿದ್ದರು ಮತ್ತು 232 ಪಂದ್ಯಗಳಲ್ಲಿ 7805 ರನ್‌ಗಳನ್ನು ಗಳಿಸಿದ್ದಾರೆ.

ಜೊತೆಗೆ 89 ಟಿ20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ 2,364 ರನ್ ಗಳಿಸಿದ್ದಾರೆ, ಆದರೆ ಕೇವಲ 12 ಟೆಸ್ಟ್‌ ಪಂದ್ಯಗಳಲ್ಲಿ ಮಾತ್ರ ಕಾಣಿಸಿಕೊಂಡಿದ್ದಾರೆ.

ಕಳೆದೆರಡು ವಿಶ್ವಕಪ್ ಸೋಲಿಗೆ ಇದುವೇ ಪ್ರಮುಖ ಕಾರಣ: ಸತ್ಯ ಬಿಚ್ಚಿಟ್ಟ ರವಿಶಾಸ್ತ್ರಿ

ಶಫಾಲಿ ವರ್ಮಾ ದಶಕದಲ್ಲಿ ಸಿಗುವ ಓರ್ವ ಆಟಗಾರ್ತಿ ಎಂದ ಮಿಥಾಲಿ

ಭಾರತ ಮಹಿಳಾ ಕ್ರಿಕೆಟ್‌ನ ಯುವ ಓಪನಿಂಗ್ ಬ್ಯಾಟರ್ ಶಫಾಲಿ ವರ್ಮಾ ಕುರಿತು ಮಿಥಾಲಿ ರಾಜ್ ಹೊಗಳಿದ್ದಾರೆ. ತನ್ನ ಅಟ್ಯಾಕಿಂಗ್ ಕೌಶಲ್ಯದ ಮೂಲಕ ಗುರುತಿಸಿಕೊಂಡಿರು ಶಫಾಲಿ ವರ್ಮಾ ವಿಶ್ವದ ಯಾವುದೇ ಯಾವುದೇ ತಂಡದ ವಿರುದ್ಧ ಯಾವುದೇ ಪಿಚ್‌ನಲ್ಲಿ ಬೇಕಾದರೂ ಆಡಬಲ್ಲರು ಎಂದು ಪ್ರಶಂಸಿದ್ದರೆ. ಇದೇ ವೇಳೆಯಲ್ಲಿ ಆಕೆ ದಶಕದಲ್ಲಿ ಸಿಗುವ ಓರ್ವ ಪ್ಲೇಯರ್ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

"ನಾನು ಅವಳ ಆಟದ ದೊಡ್ಡ ಅಭಿಮಾನಿಯಾಗಿದ್ದೇನೆ. ಯಾವುದೇ ದಾಳಿ ಮತ್ತು ಯಾವುದೇ ತಂಡದ ವಿರುದ್ಧ ಭಾರತಕ್ಕಾಗಿ ಏಕಾಂಗಿಯಾಗಿ ಪಂದ್ಯವನ್ನು ಗೆಲ್ಲುವ ಸಾಮರ್ಥ್ಯವನ್ನು ಹೊಂದಿರುವ ಒಬ್ಬ ಆಟಗಾರ್ತಿ ಎಂದು ನಾನು ನೋಡಿದ್ದೇನೆ. ಪೀಳಿಗೆಯಲ್ಲಿ ಒಮ್ಮೆ ಮಾತ್ರ ನೀವು ನೋಡಬಹುದಾದ ಆಟಗಾರರಲ್ಲಿ ಅವಳು ಒಬ್ಬಳು. ಅವಳು ನನ್ನ ತಂಡಕ್ಕಾಗಿ ಆಡಿದಳು, ಮತ್ತು ಆ ವಯಸ್ಸಿನಲ್ಲಿ ಬೌಂಡರಿಯನ್ನು ಸಿಡಿಸುವುದನ್ನ ಮತ್ತು ತನ್ನ ಇಚ್ಛೆಯಂತೆ ಸಿಕ್ಸರ್ ಬಾರಿಸುವ ಕಚ್ಚಾ ಶಕ್ತಿಯನ್ನು ಅವಳು ಹೊಂದಿದ್ದಾಳೆ. ಅಲ್ಲದೆ ಅಪರೂಪದ ಸಾಮರ್ಥ್ಯ ಹೊಂದಿದ್ದಾಳೆ" ಎಂದು ಮಿಥಾಲಿ ರಾಜ್ ಹೇಳಿದ್ದಾರೆ.